✅ Agentlik direktorining sayyor qabulida har bir murojaatchi eshitildi

Bugun Ixtisoslashtirilgan ta’lim muassasalari agentligi direktori Sevara Shakirova boshchiligida Muhammad al-Xorazmiy nomidagi ixtisoslashtirilgan maktab Samarqand filialida sayyor qabul tashkil etildi.

Samimiy va ochiq ruhda o‘tgan muloqotda 35 dan ortiq fuqaro o‘z taklif va murojaatlarini bevosita yetkazdi. Ota-onalar va o‘qituvchilar o‘qish jarayoni, darslarni tashkil etish bo‘yicha o‘z fikrlarini bildirishdi. Ayrim masalalar joyida hal etildi, vaqt talab qiladigan masalalar yuzasidan esa mas’ullarga aniq topshiriqlar berilib, ular nazoratga olindi.

✅ Shu bilan birga, Samarqand viloyatida faoliyat yuritayotgan ixtisoslashtirilgan maktab direktorlari bilan bo‘lib o‘tgan muhokamada ta’lim tizimini yanada takomillashtirish, o‘quvchilar uchun yaratilgan shart-sharoitlar, o‘quv jarayonlarining tashkil etilishi, mavjud muammolarni o‘z vaqtida aniqlash va ularning samarali yechimlarini ta’minlashga alohida e’tibor qaratildi.

So‘ngra Agentlik rahbari maktab hududida bo‘lib o‘tayotgan “Robocoding” olimpiadasining Samarqand viloyat bosqichi bilan tanishdi. Prezident va ixtisoslashtirilgan maktablar o‘quvchilari tomonidan yasalgan loyihalar alohida e’tiborga sazovor bo‘ldi.

✅ Yurtimiz iqtidorli yoshlarining dunyoning eng nufuzli universitetlariga qabul qilinayotgani qayd etildi – bu Agentlik tizimidagi uzluksiz ishlarning natijasidir.

Agentlik fuqarolar bilan ochiq muloqotni muntazam davom ettiradi. Har bir murojaat – e’tibor markazida!

Bizni kuzating

💻web 🌐Telegram ▶️YouTube 🌐Instagram 🌐Facebook ⚙️Portal

📖Surxondaryoda “Moliyaviy savodxonlik” olimpiadasining viloyat bosqichi g‘oliblari aniqlandi

O‘zbekiston Respublikasi Prezidentining 2024-yil 30-sentyabrdagi PQ-346-son qarori hamda tegishli topshiriqlar asosida Bosh prokuratura huzuridagi iqtisodiy jinoyatlarga qarshi kurashish departamenti Surxondaryo viloyat boshqarmasi tashabbusi bilan viloyat maktabgacha va maktab ta’limi boshqarmasi hamkorligida olimpiadaning II (viloyat) bosqichi o‘tkazildi.

Viloyat bosqichida tuman (shahar) bosqichida g‘olib bo‘lgan 8–9–10-sinf o‘quvchilari ishtirok etib, o‘z bilim va salohiyatlarini sinovdan o‘tkazdilar. Olimpiada jarayonlari test sinovlari asosida tashkil etilib, ishtirokchilarga 30 ta savol uchun 90 daqiqa vaqt ajratildi.

Yakuniy natijalarga ko‘ra:

🥇 1-o‘rin: Xoliyorov Doniyor Muhiddin o‘g‘li (Qumqo‘rg‘on tumani ixtisoslashtirilgan maktab)
🥈 2-o‘rin: Tojiboyev Shohruh Xoliyorovich (Termiz shahar Prezident maktabi)
🥉 3-o‘rin: Zokirov Zafar Faxriddinovich (Termiz shahar Prezident maktabi)

G‘oliblar tashkilotchilar tomonidan munosib taqdirlanib, qimmatbaho esdalik sovg‘alari bilan rag‘batlantirildi.

🕊Telegram   📱Facebook
📱Instagram 📺You tube
🕊Twitter       💡Veb-sayt

🏆 “ZAKOVAT” RESPUBLIKA BOSQICHI G‘OLIBLARI ANIQLANDI!

🤩 Ixtisoslashtirilgan ta’lim muassasalari agentligi tizimidagi maktablar o‘quvchilari o‘rtasida o‘tkazilgan “Zakovat” intellektual musobaqasining g‘olib va sovrindor jamoalari ma’lum bo‘ldi!

Qizg‘in bahslar va shiddatli raqobat ostida o‘tgan musobaqa yakunida quyidagi jamoalar sovrinli o‘rinlarni egalladi:

🥇1-o‘rin – Erkin Vohidov nomidagi ijod maktabi jamoasi
🥈 2-o‘rin – Hamid Olimjon va Zulfiya nomidagi ijod maktabi jamoasi
🥉 3-o‘rin – Abdulla Oripov nomidagi ijod maktabi jamoasi

Mazkur jamoalarning har bir a’zosiga “Zakovat” klubi tomonidan qimmatbaho noutbuklar sovg‘a qilindi!

Endilikda ushbu jamoalar a’zolari oliy ta’lim muassasalariga bazaviy to‘lov-kontrakt asosida imtihonlarisiz qabul qilinadi.

Shuningdek, ularning har biriga bir o‘quv yili davomida har oy “Zakovat” stipendiyasi to‘lanadi!

Zakovat – bu nafaqat g‘alaba, balki kelajakka yo‘llanma!

Ushbu musobaqa yoshlarning intellektual salohiyatini yuzaga chiqarish, bilimga bo‘lgan qiziqishini oshirish va iqtidorli yoshlarni rag‘batlantirishda muhim ahamiyat kasb etadi.

Bizni kuzating

💻web 🌐Telegram ▶️YouTube 🌐Instagram 🌐Facebook ⚙️Portal