#QABUL_2026
#Savol_va_javoblar

📚 2026-2027-o‘quv yilida Ixtisoslashtirilgan ta’lim muassasalari agentligi tizimidagi maktablarga o‘quvchilarning hujjatlarini qabul qilish va kirish imtihonlarini tashkil etish bo‘yicha savol-javoblar

🔴 SAVOL: AGENTLIK TIZIMIDAGI PREZIDENT MAKTABLARGA ARIZA TOPSHIRISHDA QANDAY HUJJATLAR TALAB QILINADI?

✅ JAVOB: Prezident maktablariga ariza topshirish uchun o‘quvchilarning:

- oxirgi 2 oy davomida tushgan fotosurati,
- tug‘ilganlik haqida guvohnomasi (ya’ni metrkasi),
- tegishli oʻquv yili natijasiga koʻra baholar tabelining maktab direktori tomonidan tasdiqlangan nusxasi yoki QR kod bilan tasdiqlangan elektron tabel,
- ularning ota-onasi (qonuniy vakili) fuqarolik pasporti ma’lumotlari,
- bog‘lanish uchun telefon raqamlari talab qilinadi.


🔴 SAVOL: PREZIDENT MAKTABLARIGA QAYSI SINFGA NECHA NAFAR O‘QUVCHI QABUL QILINADI?

✅ JAVOB: Umumtaʼlim muassasalarining 4-sinfini tamomlagan oʻquvchilar Prezident maktablarining 5-sinfiga belgilangan yillik qabul kvotasi doirasida ikkita sinfga 12 nafardan (jami 24 nafar) qabul qilinadi.

Bizni kuzating

💻web 🌐Telegram ▶️YouTube 🌐Instagram 🌐Facebook ⚙️Portal

#QABUL_2026
#Savol_va_javoblar

📚 2026-2027-o‘quv yilida Ixtisoslashtirilgan ta’lim muassasalari agentligi tizimidagi maktablarga o‘quvchilarning hujjatlarini qabul qilish va kirish imtihonlarini tashkil etish bo‘yicha savol-javoblar

🔴 SAVOL: AGENTLIK TIZIMIDAGI IJOD MAKTABLARGA ARIZA TOPSHIRISHDA QANDAY HUJJATLAR TALAB QILINADI

✅ JAVOB: Ijod maktablariga ariza topshirish uchun o‘quvchilarning:

- oxirgi 2 oy davomida tushgan fotosurati,
- tug‘ilganlik haqida guvohnomasi (ya’ni metrkasi),
- ularning ota-onasi (qonuniy vakili) fuqarolik pasporti ma’lumotlari,
- bog‘lanish uchun telefon raqamlari talab qilinadi.

Bizni kuzating

💻web 🌐Telegram ▶️YouTube 🌐Instagram 🌐Facebook ⚙️Portal

#QABUL_2026
#Savol_va_javoblar

📚 2026-2027-o‘quv yilida Ixtisoslashtirilgan ta’lim muassasalari agentligi tizimidagi maktablarga o‘quvchilarning hujjatlarini qabul qilish va kirish imtihonlarini tashkil etish bo‘yicha savol-javoblar

🔴 SAVOL: O‘QUVCHI RESPUBLIKADAGI XOHLAGAN PREZIDENT MAKTABIGA HUJJAT TOPSHIRA OLADIMI?

✅ JAVOB: Yo‘q. O‘quvchilar faqat ta’lim olayotgan hududdagi Prezident maktabiga hujjat topshirishi mumkin. Misol uchun, Qoraqalpogʻiston Respublikasidagi maktab oʻquvchilari faqat Nukus shahridagi Prezident maktabiga, Andijon viloyatidagi maktab oʻquvchilari esa faqat Andijon shahridagi Prezident maktabiga hujjat topshirishlari mumkin.


🔴 SAVOL: PREZIDENT MAKTABIGA HUJJAT TOPSHIRISH UCHUN O‘QUVCHINING BAHOLARIGA QANAQA TALAB QO‘YILADI?

✅ JAVOB: Talabgor o‘quvchining matematika va tabiatshunoslik fanlaridan 4-sinfdagi yillik bahosi 5 (aʻlo) boʻlishi kerak. Boshqa fanlarga nisbatan ushbu mezon tatbiq etilmaydi. Baholar tabelining nusxasi maktab direktori tomonidan tasdiqlangan boʻlishi shart.

Bizni kuzating

💻web 🌐Telegram ▶️YouTube 🌐Instagram 🌐Facebook ⚙️Portal

#matbuot_anjumani #live

😎 Ayni vaqtda Milliy matbuot markazida Ixtisoslashtirilgan ta’lim muassasalari agentligining matbuot anjumani boʻlib oʻtmoqda.

Bizni kuzating

💻web 🌐Telegram ▶️YouTube 🌐Instagram 🌐Facebook ⚙️Portal

#matbuot_anjumani

✅ Agentlikning tashkil topishi va bugungi ko‘lami

Ixtisoslashtirilgan ta’lim muassasalari agentligi tomonidan so‘nggi 7 yil davomida amalga oshirilgan ishlar, istiqboldagi rejalar, yangi o‘quv yilida maktablarga qabul jarayonlari to‘g‘risida batafsil ma’lumot.

Bugungi kunda ta’lim sohasi davlat siyosatining ustuvor yo‘nalishlaridan biri sifatida belgilanib, keng ko‘lamli islohotlar amalga oshirilmoqda. Ayniqsa, hurmatli Prezidentimiz qo‘llab-quvvatlashlari bilan so‘nggi yillarda ta’lim tizimida amalga oshirilgan o‘zgarishlar sohani butunlay yangi qiyofa va yangi bosqichga olib chiqdi.

Ayni shunday islohotlar davrida, O‘zbekiston Respublikasi Prezidentining 2019-yil 9-sentabrdagi

Ayni shunday islohotlar davrida, O‘zbekiston Respublikasi Prezidentining 2019 yil 9 sentyabrdagi PF–5815-son farmoni bilan Ixtisoslashtirilgan ta’lim muassasalari agentligi faoliyati tashkil etildi.

Tashkil etilgan davrda tarkibida 16 ta (4 ta Prezident, 9 ta ijod va 3 ta ixtisoslashtirilgan) maktabga ega bo‘lgan tizim, bugungi kunda 234 ta ta’lim tashkiloti faoliyatini muvofiqlashtirib kelmoqda.

Joriy o‘quv yilida tizimda:

⏺14 ta Prezident maktabi
⏺9 ta ijod maktabi
⏺2 ta sport maktabi
⏺203 ta ixtisoslashtirilgan maktab
⏺3 ta oliy ta’lim muassasasi
⏺2 ta markaz va 1 ta oromgoh faoliyat yuritib kelmoqda.

✅ “Yangi O‘zbekiston” universitetida 1,6 ming nafar talaba tahsil olib kelmoqda. Shundan:

⏺1,2 ming nafari bakalavriatning 10 ta yo‘nalishida
⏺352 nafari magistraturaning 11 ta yo‘nalishida
⏺91 nafari PhD bosqichida o‘qimoqda.

Universitetda dars berib kelayotgan 80 nafar professor-o‘qituvchining ilmiy salohiyati 81 foizni tashkil etadi.

✅ Al-Xorazmiy universitetida 98 nafar talaba 3 ta ta’lim yo‘nalishida tahsil olmoqda. Yangi o‘quv yilida qo‘shimcha 2 ta bakalavriat hamda 3 ta magistratura yo‘nalishlari tashkil etilishi rejalashtirilgan.

Tizimdagi jami 228 ta maktabda 75 mingga yaqin o‘quvchilarga 9 ming nafar pedagog tomonidan ta’lim-tarbiya berib kelinmoqda.

Mazkur maktablarning 78 tasi bugungi kunda maktab-internat maqomiga ega (14 ta Prezident, 9 ta ijod, 2 ta sport va 52 ta ixtisoslashtirilgan maktab-internat).

Bizni kuzating

💻web 🌐Telegram ▶️YouTube 🌐Instagram 🌐Facebook ⚙️Portal