📰📰📰📰📰📰📰

🇺🇿🤝🇺🇸 Strategik hamkorlik yo‘lida muhim uchrashuv

📍 AIEA 2026 yillik konferensiyasi doirasida Agentlik direktori Sevara Shakirova hamda Via TRM kompaniyasining mintaqaviy rivojlanish bo‘yicha vitse-prezidenti Brandon Samter o‘rtasida rasmiy uchrashuv bo‘lib o‘tdi.

Uchrashuv davomida xalqaro ta’lim dasturlarini boshqarish va akademik mobillik sohasidagi hamkorlik istiqbollari muhokama qilindi. Via TRM’ning ta’lim sohasi uchun zamonaviy SaaS yechimlarini ishlab chiqishdagi ilg‘or tajribasi xalqaro almashinuv jarayonlarini yanada samarali tashkil etish imkonini beradi.

💡 Muzokaralarda quyidagi yo‘nalishlarga alohida e’tibor qaratildi:

✅ Jarayonlarni raqamlashtirish — xorijda o‘qish dasturlariga ariza topshirish va ularni boshqarish jarayonlarini avtomatlashtirish;
✅ Xavflarni boshqarish (Risk Management) — xalqaro safarlar davomida o‘quvchilar xavfsizligini ta’minlash va monitoring qilish;
✅ Tahlil va sun’iy intellekt — ta’lim yo‘nalishlarini optimallashtirish va qaror qabul qilishda ma’lumotlarga asoslangan yondashuvni joriy etish.

🌐 Via TRM bilan hamkorlik Agentlikka global ta’lim tashabbuslarida ishtirok etayotgan iqtidorli yoshlar uchun yanada xavfsiz, texnologik va shaffof muhit yaratish imkonini beradi hamda ixtisoslashtirilgan ta’lim tizimini modernizatsiya qilishda muhim qadam bo‘ladi.

Bizni kuzating

Telegram | Facebook | Instagram | YouTube

#AIEA2026
📰📰📰📰📰📰📰
🌐AIEA 2026 xalqaro konferensiyasi doirasida muhim uchrashuv

AIEA 2026 xalqaro konferensiyasi doirasida Ixtisoslashtirilgan ta’lim muassasalari agentligi direktori Sevara Shakirova hamda marketing va sotuvlarni qo‘llab-quvvatlash bo‘yicha bosh strateg (Principal Strategist | Sales Enablement & Marketing) Jenny Geiler bilan ishchi uchrashuv bo‘lib o‘tdi.

🤝 Muzokaralarning asosiy mavzusi xalqaro darajada ta’lim tashabbuslarini targ‘ib qilishda zamonaviy marketing vositalari va strategiyalarini joriy etish masalalariga bag‘ishlandi.

Uchrashuv davomida quyidagi ustuvor yo‘nalishlar muhokama qilindi:

✅Pozitsiyalash – O‘zbekiston ta’lim muassasalarining jahon miqyosidagi tanilish darajasi va ta’lim brendini mustahkamlash.

✅ Iste’dodlarni jalb qilish – xorijiy mutaxassislar, hamkorlar va iqtidorli yoshlarni jalb etishga qaratilgan samarali marketing kampaniyalari va yondashuvlarni qo‘llash.

✅ Strategik rivojlanish – global hamkorlikni kengaytirish maqsadida ilg‘or Sales Enablement amaliyotlarini ta’lim tizimiga integratsiya qilish.

📌Mazkur uchrashuv Agentlikning nafaqat akademik hamkorlikni rivojlantirish, balki O‘zbekiston ta’lim brendlarini xalqaro maydonda strategik targ‘ib qilish va boshqarishda ilg‘or tajribalarni joriy etishga qaratilgan izchil faoliyatini yana bir bor tasdiqladi.

#XalqaroHamkorlik
#StrategikRivojlanish
#IxtisoslashtirilganTalim

Bizni kuzating

Telegram | Facebook | Instagram | YouTube | Portal

📰📰📰📰📰📰📰
🌐AIEA 2026 doirasida yana bir muhim uchrashuv

AIEA 2026 xalqaro konferensiyasi doirasida Ixtisoslashtirilgan ta’lim muassasalari agentligi direktori Sevara Shakirova va AQShning nufuzli Pensilvaniya universiteti (University of Pennsylvania) hammuassisi va direktor o‘rinbosari, ta’lim va inson taraqqiyoti yo‘nalishida tan olingan antropolog Endryu B. (Andrew B.) bilan uchrashuv o‘tkazdi.

Pensilvaniya universitetining Ivy League maqomi inobatga olingan holda, uchrashuv O‘zbekiston ta’lim tizimiga ilg‘or akademik tajribalarni jalb qilish masalalariga bag‘ishlandi. Tomonlar quyidagi ustuvor yo‘nalishlarni muhokama qildilar:

✅ Ta’lim antropologiyasi – o‘quvchilarning madaniy va kognitiv xususiyatlarini inobatga olgan holda, ilmiy asoslangan zamonaviy o‘qitish yondashuvlarini joriy etish;

✅ Inson kapitalini rivojlantirish – ixtisoslashtirilgan maktablarda iqtidorli o‘quvchilarning intellektual salohiyatini to‘liq ro‘yobga chiqarish uchun zarur muhit yaratish, jumladan AQShda o‘quv treninglari tashkil etish;

✅ Qo‘shma tadqiqotlar – Agentlik va AQSh tadqiqotchilari o‘rtasida akademik almashinuv va ilmiy hamkorlik istiqbollarini kengaytirish.

Mazkur uchrashuv kabi yuqori darajadagi xalqaro hamkorlik Agentlik faoliyatida yangi bosqichni boshlab, kelajak ta’lim modellarini shakllantirish hamda O‘zbekistonning yangi avlod yetakchilarini tayyorlash yo‘lida muhim qadam bo‘lib xizmat qiladi.

#AIEA2026
#XalqaroHamkorlik
#StrategikRivojlanish

Bizni kuzating

Telegram | Facebook | Instagram | YouTube | Portal

📰📰📰📰📰📰📰

🌐 AIEA 2026 doirasida xalqaro hamkorlik masalalari muhokama qilindi

AIEA 2026 global konferensiyasi doirasida Ixtisoslashtirilgan ta’lim muassasalari agentligi direktori Sevara Shakirova hamda “Yangi O‘zbekiston” universiteti, shuningdek AQShning University of Indianapolis vakili, oliy biznes-ta’limni boshqarish bo‘yicha ekspert Dan Heiser bilan ishchi uchrashuv o‘tkazdi.

Dan Heiserning oliy biznes-ta’lim va boshqaruv yo‘nalishidagi boy tajribasini inobatga olgan holda, uchrashuv davomida zamonaviy boshqaruv fanlarini ta’lim muhitiga integratsiya qilish masalalari muhokama qilindi. Xususan, quyidagi yo‘nalishlarga alohida e’tibor qaratildi:

✅ Business education (Higher Business Education) – ixtisoslashtirilgan maktab o‘quvchilari uchun biznes va tadbirkorlik asoslari bo‘yicha ilg‘or ta’lim dasturlarini moslashtirish;

✅ Project management – Agentlik tomonidan amalga oshirilayotgan xalqaro ta’lim tashabbuslarini samarali amalga oshirish uchun loyihalarni boshqarishning zamonaviy standartlarini joriy etish;

✅ Supply chain management – ta’lim infratuzilmasi samaradorligini oshirish maqsadida ta’minot zanjirini boshqarishning ilg‘or tamoyillaridan foydalanish.

Mazkur hamkorlik O‘zbekistonning iqtidorli yoshlarida zamonaviy global iqtisodiyotda talab etiladigan yetakchilik, boshqaruv va tahliliy ko‘nikmalarni rivojlantirishga qaratilgan qo‘shma ta’lim dasturlarini ishlab chiqish uchun yangi imkoniyatlar yaratadi.

Bizni kuzating

Telegram | Facebook | Instagram | YouTube | Portal