Təhlükəsizliyin keşiyində 🇦🇿

#PolisXidmətdə #İctimaiTəhlükəsizlik
#DİN #PolisAzərbaycan

Strateji Obyektlərin Mühafizəsi Dövlət Agentliyinin kollektivini peşə bayramı münasibətilə təbrik edir, xidmətlərində uğurlar arzulayırıq! ✨

🚨💻 Kibercinayətkarlıqla Mübarizə Baş İdarəsinin (KMBİ) sosial şəbəkələrdə qanunsuz onlayn qumar və kazino oyunlarının təşkilinə qarşı keçirdiyi növbəti əməliyyat-texniki tədbirlər nəticəsində daha 4️⃣ nəfər tutulub.

ℹ️ Bir daha vətəndaşları internet resursları, eləcə də sosial şəbəkələrdə təklif edilən qanunsuz onlayn kazino və qumar oyunlarında iştirakdan çəkinməyə çağırırıq.

Bu cür platformalar əksər hallarda kiberdələduzluq məqsədilə yaradılır və nəticədə istifadəçilərin bank kartı və şəxsi məlumatları ələ keçirilir.

⚠️ Unutmayın ki, kibermühitdə ehtiyatlı davranış maddi və şəxsi təhlükəsizliyinizin əsas şərtidir.

📛🔥 Bayram sevincimiz yanğınla nəticələnməsin❗

Novruz bayramının xoş əhval-ruhiyədə və təhlükəsiz şəraitdə keçməsi üçün hər kəsi yanğın təhlükəsizliyi qaydalarına əməl etməyə, ətraf mühiti qorumağa çağırırıq.

Bu gün İlaxır çərşənbədir 🌱

Novruzun son çərşənbəsi – Torpaq çərşənbəniz mübarək❗️

‎🚘 🔥 Bu gün səhər saatlarında paytaxtın Yasamal rayonu, Tbilisi prospektində hərəkətdə olan nəqliyyat vasitələrindən birində yanğın baş verib.

🚓 🚒 Dərhal ərazidə xidmət aparan yol polisi əməkdaşları tərəfindən yolda təhlükəsizlik təmin edilib və yanğınsöndürənlərin hadisə yerinə manesiz və təhlükəsiz şəkildə yaxınlaşması üçün zəruri şərait yaradılıb.

✅ Yanğın qısa müddət ərzində söndürülüb.

📍 Paytaxtın Nizami rayonu ərazisində yerləşən mağazaların birində soyğunçuluq etməkdə şübhəli bilinən 2️⃣ nəfər Nizami RPİ-nin 24-cü Polis Şöbəsinin əməkdaşlarının keçirdikləri tədbirlərlə saxlanılıb.

🔍 Faktla bağlı araşdırmalar davam etdirilir.

Xidmət yalnız qayda deyil, qayğıdır, sevincdir.

İlaxır çərşənbəniz mübarək! 🌱 🇦🇿

📲 Sosial şəbəkədə tanış olduğu İran vətəndaşının təklifi ilə narkokuryerliyə cəlb edilən şəxs Nəsimi Rayon Polis İdarəsinin 21-ci Polis Şöbəsinin əməkdaşları tərəfindən keçirilən əməliyyat nəticəsində saxlanılıb.

✅ Ondan 5️⃣ kiloqrama yaxın marixuana aşkar edilərək götürülüb.

💰 Saxlanılan şəxs həmin marixuananı paytaxt ərazisində müxtəlif ünvanlara çatdıraraq maddi qazanc əldə etməyi planlaşdırıb.

Bu gün Azərbaycan Respublikasının miqrasiya orqanları işçilərinin peşə bayramı günüdür.

Bu münasibətlə Dövlət Miqrasiya Xidmətinin kollektivini təbrik edir, fəaliyyətlərində uğurlar arzulayırıq!

Novruz və müqəddəs Ramazan bayramlarını Qarabağda qeyd edən, tətil günlərində işğaldan azad olunmuş ərazilərə səfər edən əziz soydaşlarımızı və ölkəmizin xarici qonaqlarını təhlükəsizlik qaydalarına riayət etməyə çağırırıq. 🤝

Qarabağın dilbər guşələrində ictimai narahatlıq yarada biləcək ən xırda hallardan belə çəkinmək, nümunəvi davranış nümayiş etdirmək hər birimizin vətəndaşlıq borcudur.

Ümid edirik ki, bayram tonqalları bütün neqativləri özü ilə aparacaq, geridə xoşbəxtlik, sevgi və hüzur dolu günlər qoyacaq. 🔥

Bayramlarınız mübarək!

📍 Sumqayıt Şəhər Polis İdarəsinin əməkdaşları narkotik vasitələrin qanunsuz dövriyyəsinə qarşı silsilə əməliyyatlar keçiriblər. Nəticədə:

☑️ 34 kiloqramdan artıq narkotik vasitənin satışının qarşısı alınıb.

⚖️ Saxlanılan 6 nəfər barəsində məhkəmənin qərarı ilə həbs qətimkan tədbiri seçilib.

💬 Qeyd edək ki, Sumqayıt şəhərində polis əməkdaşlarının bu ilin əvvəlindən həyata keçirdikləri əməliyyatlar zamanı ümumilikdə 5️⃣3️⃣ kiloqram müxtəlif növ narkotik vasitə qanunsuz dövriyyədən çıxarılıb.