🚨 Narkotik cinayətlərinə qarşı ardıcıl əməliyyatlar

↘️ Növbəti tədbir: Baş Narkotiklərlə Mübarizə İdarəsi

✅ Nəticə: Saxlanılan 27 yaşlı narkokuryerdən 2️⃣2️⃣ kiloqram 180 qram tərkibinə zərərli maddələr əlavə edilmiş marixuana götürülüb.

Faktla bağlı cinayət işi başlanılıb, saxlanılan şəxs barəsində məhkəmənin qərarı ilə həbs qətimkan tədbiri seçilib.

Davam edirik!

🧓☎️ Son günlər ahıl və tənha vətəndaşlara qarşı dələduzluq hallarının artması müşahidə olunur.

Naməlum şəxslər özlərini övlad, nəvə və ya yaxın qohum kimi təqdim edərək guya qəza törədilməsi, ağır cərrahi əməliyyata ehtiyac olması kimi saxta bəhanələrlə yaşlı insanlardan pul tələb edirlər.

⚠️ Bu kimi halların qarşısının alınması üçün vətəndaşlara tövsiyə olunur ki, daxil olan zənglər üzrə verilən məlumatları mütləq yoxlasınlar, tanımadıqları şəxslərə və ya şübhəli zənglərə inanaraq pul göndərməsinlər, şübhəli hallarla üzləşdikdə dərhal 102 Zəng Mərkəzinə müraciət etsinlər.

🧑‍🧑‍🧒‍🧒 Vətəndaşları diqqətli olmağa və belə dələduzluq cəhdlərinə qarşı xüsusilə həssas davranmağa çağırırıq.

Kibercinayətkarlıqla Mübarizə Baş İdarəsinin növbəti əməliyyat-texniki tədbiri nəticəsində ⤵️

📲 sosial şəbəkələrdə müxtəlif şəxslərin profillərinin oxşarını yaradaraq onların dostluğunda olan istifadəçilərə saxta bank kampaniyaları göndərməklə 1️⃣5️⃣0️⃣-yə yaxın vətəndaşa maddi ziyan vuran haker saxlanılıb.

⚠️ Unutmayaq:

Bank əməkdaşları və ya digər qurumlar tərəfindən heç bir halda kart məlumatları, “PIN, “OTP” və bu kimi digər təhlükəsizlik kodları tələb edilmir.

Belə müraciətlərlə qarşılaşan şəxslərə dərhal əlaqəni dayandırmağı, mesajlara geridönüş etməməyi və polisə məlumat verməyi tövsiyə edirik.

AZTV - "Döyüşçü" verilişindən hissə 🎞️

#DaimHazırıq
#PolisAzərbaycan

Bu gün günorta saatlarında paytaxtın Nəsimi rayonu ərazisində baş vermiş ağır yol-nəqliyyat hadisəsi ilə bağlı polis əməkdaşları tərəfindən təxirəsalınmaz tədbirlər görülüb.

🚓 Qəza zamanı xəsarət alan şəxslər vətəndaşlar və ərazidə xidmət aparan yol polisi əməkdaşlarının köməkliyi ilə avtomobildən çıxarılıb.

🚑 Bununla yanaşı, təcili tibbi yardım avtomobillərinin hadisə yerinə manesiz və təhlükəsiz şəkildə yaxınlaşması üçün polis əməkdaşları tərəfindən zəruri şərait yaradılıb.

Daha 5️⃣ kiloqram narkotik vasitənin satışının qarşısı alındı ⤵️

📍 Nərimanov Rayon Polis İdarəsi 18-ci Polis Şöbəsi əməkdaşları tərəfindən narkotiklərin qanunsuz dövriyyəsinə qarşı əməliyyat keçirilib.

❌ Tədbir zamanı saxlanılan əvvəllər məhkum olunmuş 35 yaşlı şəxsdən 5 kiloqram 700 qram marixuana aşkarlanıb.

Davam edirik!

🚨🎰 Kibercinayətkarlıqla Mübarizə Baş İdarəsinin keçirdiyi növbəti əməliyyat-texniki tədbirlərlə sosial şəbəkələrdə qanunsuz onlayn qumar və kazino oyunları təşkil edən daha 2 nəfər saxlanılıb.

🧑‍🧑‍🧒‍🧒 Bir daha vətəndaşlara şirnikləndirici vədlər verən qanunsuz mərc və qumar oyunlarında iştirak etməməyi tövsiyə edirik.

🚫 Avtoxuliqanlıq – sadəcə qayda pozuntusu deyil, ciddi təhlükədir

Abşeron rayonunda avtoxuliqanlıq edərək digər hərəkət iştirakçılarının həyat və sağlamlığına real təhlükə yaradan sürücü inzibati qaydada həbs edildi.