ပေါင်မြို့နယ်၌ ဆောင်းသီးနှံစိုက်ပျိုးစရိတ်ချေးငွေ ထုတ်ချေးမည်

ပေါင်၊ နိုဝင်ဘာ ၅

မွန်ပြည်နယ်၊ ပေါင်မြို့နယ်ရှိ တောင်သူများကို ၂၀၂၆ ခုနှစ် ဆောင်းသီးနှံစိုက်ပျိုးရာသီအတွက် စိုက်ပျိုးစရိတ်ချေးငွေ ထုတ်ချေးပေးမည်ဖြစ်ကြောင်း သိရသည်။

အမှန်တကယ် စိုက်ပျိုးလုပ်ကိုင်နေသည့် တောင်သူများ ချေးငွေရရှိစေရန်နှင့် ချေးငွေထုတ်ချေးမှု စနစ်တကျရှိစေရန် မြို့နယ်ချေးငွေအကြံပေးအဖွဲ့က နိုဝင်ဘာ ၅ ရက်တွင် ညှိနှိုင်းဆွေးနွေးခဲ့သည်။

ချေးငွေထုတ်ချေးရာတွင် လယ်ယာမြေလုပ်ပိုင်ခွင့်ပြုလက်မှတ် ပုံစံ (၇) နှင့် သက်ဆိုင်ရာ မြေယာအထောက်အထားများကို စိစစ်ပြီး အထောက်အထားမှန်ကန်သူများကိုသာ ထုတ်ချေးရန် မြို့နယ်အုပ်ချုပ်ရေးမှူးက မှာကြားခဲ့သည်။ ပုံစံ (၇) အတုတွေ့ရှိပါက သက်ဆိုင်ရာဌာနများနှင့် ညှိနှိုင်း၍ ပယ်ဖျက်ရေးနှင့် အရေးယူရေး ဆောင်ရွက်ရန်လည်း မှာကြားခဲ့သည်။

ထို့ပြင် နှစ်နှစ်ဆက်တိုက် စိုက်ပျိုးလုပ်ကိုင်ထားခြင်းမရှိသည့် လယ်ယာမြေများကို ပြန်လည်သိမ်းယူပြီး အမှန်တကယ် စိုက်ပျိုးလုပ်ကိုင်မည့် တောင်သူများအား ပုံစံ (၇) ပြန်လည်ထုတ်ပေးရေးကိုလည်း မြို့နယ်အုပ်ချုပ်ရေးမှူးက ထည့်သွင်းဆွေးနွေးခဲ့ကြောင်း သိရသည်။

မြန်မာ့အမျိုးသမီးဘောလုံးပြိုင်ပွဲများအတွက် အရေးပေါ်ဆေးကုသမှုစံနှုန်း မြှင့်တင်ရေး စီမံကိန်း ဆောင်ရွက်

ရန်ကုန်၊ နိုဝင်ဘာ ၆

FIFA ၏ အလုပ်သင်အစီအစဉ်တွင် မြန်မာနိုင်ငံဘောလုံးအဖွဲ့ချုပ်ကိုယ်စား ပါဝင်ခဲ့သည့် ဒေါက်တာ ယုနန္ဒာထွန်းသည် မြန်မာ့အမျိုးသမီးဘောလုံးပြိုင်ပွဲများအတွက် အရေးပေါ်ဆေးဘက်ဆိုင်ရာ စောင့်ရှောက်မှုစံနှုန်း မြှင့်တင်ရေးစီမံကိန်းကို အကောင်အထည်ဖော်ခဲ့ကြောင်း အဖွဲ့ချုပ်က အသိပေးထားသည်။

ဒေါက်တာ ယုနန္ဒာထွန်းသည် ဆွစ်ဇာလန်နိုင်ငံ၊ ဇူးရစ်မြို့ရှိ FIFA ရုံးချုပ်တွင် ရှစ်ပတ်ကြာ အလုပ်သင်အစီအစဉ်ကို ပြီးမြောက်ခဲ့သည်။ FIFA အဖွဲ့ဝင်နိုင်ငံ ၂၀ မှ အလုပ်သင်များ ပါဝင်ခဲ့သည့် အဆိုပါအစီအစဉ်တွင် ဘောလုံးအားကစားဆေးပညာကို အဓိကထား၍ ကစားသမားများ၏ ကျန်းမာရေးစောင့်ရှောက်မှုနှင့် ပြိုင်ပွဲအတွင်း အရေးပေါ်ဆေးဘက်ဆိုင်ရာ ဝန်ဆောင်မှုများကို လေ့လာခဲ့သည်။

စီမံကိန်းကို FIFA ဆေးဘက်ဆိုင်ရာဌာန ညွှန်ကြားရေးမှူး ဒေါက်တာ အင်ဒရူး မက်ဆီ (Dr. Andrew Massey) ၏ လမ်းညွှန်မှုဖြင့် ဆောင်ရွက်ခဲ့ခြင်းဖြစ်သည်။ အမျိုးသမီးဘောလုံးပြိုင်ပွဲများတွင် ကစားသမားများအတွက် အရေးပေါ်ဆေးကုသမှုစနစ် ပိုမိုကောင်းမွန်လာစေရန် ရည်ရွယ်ပြီး နိုင်ငံတကာ အားကစားဆေးပညာရှင်များနှင့်လည်း ပူးပေါင်းဆောင်ရွက်ခဲ့ကြောင်း အဖွဲ့ချုပ်က ဆိုသည်။

ဒေါက်တာ ယုနန္ဒာထွန်းသည် စက်တင်ဘာလအတွင်း ပိုလန်နိုင်ငံ၌ ကျင်းပခဲ့သည့် FIFA အသက် ၂၀ နှစ်အောက် အမျိုးသမီးကမ္ဘာ့ဖလားပြိုင်ပွဲတွင်လည်း လက်တွေ့အတွေ့အကြုံ ရရှိရန် အရေးပေါ်ဆေးဘက်ဆိုင်ရာ တာဝန်များ ထမ်းဆောင်ခဲ့ကြောင်း သိရသည်။

ပွဲတော်ပထမရက်၌ပင် တိုးမပေါက်အောင်စည်ကားခဲ့သည့် မြန်မာ့ရိုးရာပွဲဈေး

ယနေ့ နိုဝင်ဘာလ ၆ ရက်တွင် မြန်မာ့ယဉ်ကျေးမှုအမွေအနှစ်များ ထိန်းသိမ်းစောင့်ရှောက်ရေးအဖွဲ့ (MCHT) မှ ဦးစီးကျင်းပ‌သည့် မြန်မာ့ရိုးရာပွဲဈေး ဖွင့်ပွဲအခမ်းအနားကို ရန်ကုန်မြို့၊ အင်းလျားလိတ်ဟိုတယ်၊ ရန်ကုန်ကွန်ဗင်းရှင်းစင်တာ (YCC) ၌ ကျင်းပပြုလုပ်ခဲ့သည်။

ရှေးဦးစွာ “မြန်မာ့ရိုးရာပွဲဈေး”ကို မြန်မာ့ရိုးရာပွဲဦးအလင်္ကာ အကအလှဖြင့် တင်ဆက်ဖွင့်လှစ်ခဲ့သည်။

ထို့နောက် ယဉ်ကျေးမှု၊ ဟိုတယ်နှင့်ခရီးသွားလာရေးဝန်ကြီးဌာန၊ ဒုတိယဝန်ကြီးက အဖွင့်အမှာစကားပြောကြားရာ ပွဲတော်များနှင့်အတူ ယှဉ်တွဲပါလာတဲ့ "ပွဲဈေး" ဆိုသည်မှာ ရိုးရာကုန်စည်များ၊ ဒေသထွက်ကုန်များ၊ လက်မှုအနုပညာပစ္စည်းများနှင့် မြန်မာ့ရိုးရာ မုန့်ပဲ သရေစာများကို တစုတဝေးတည်း တွေ့မြင်ဝယ်ယူနိုင်သည့် ဒေသတွင်း စီးပွားရေးနှင့် ယဉ်ကျေးမှုဖလှယ်ရာနေရာတစ်ခုကြောင်း၊ ဒါ့အပြင် ဒေသခံ ပြည်သူများ၊ ရပ်နီးရပ်ဝေးမှ ဧည့်သည်တော်များ စည်းလုံးညီညွတ်စွာဖြင့် ချစ်ခင် ရင်းနှီးစွာတွေ့ဆုံပျော်ရွှင်ကြသည့် လူမှုရေးပေါင်းကူးတံတား စစ်စစ်လည်း ဖြစ်ကြောင်း ပြောကြားခဲ့သည်။

ထို့ကြောင့် မြန်မာ့ရိုးရာပွဲဈေးကို ပျော်ပွဲရွှင်ပွဲ အဖြစ်သတ်မှတ်လို့မရဘဲ မြန်မာ့လူမှုအသိုက်အဝန်း၏ ဘာသာတရား ယုံကြည်မှု၊ အစဉ်အလာအလေးထားမှု၊ လူမှုဘဝ၊ အနုသုခုမပညာ၊ လက်မှုပညာ၊ တီထွင်ဖန်တီးမှုနှင့် အစားအစာ ယဉ်ကျေးမှုတို့ကိုပါ တစ်စုတစ်စည်းတည်း အသက်ဝင်စေသည့် ရိုးရာအမွေအနှစ် တစ်ခုမှတ်ယူရန် ထပ်လောင်းပြောကြားခဲ့သည်။

ဆက်လက်၍ ရန်ကုန်တိုင်းဒေသကြီး အစိုးရအဖွဲ့ ရခိုင်တိုင်းရင်းသားလူမျိုးရေးရာဝန်ကြီးမှလည်း မြန်မာ့ရိုးရာပွဲဈေးများ၏ ထူးခြားသော ယဉ်ကျေးမှုဆိုင်ရာ ဝိသေသနများမှာဘာသာရေးနှင့် လူမှုအဖွဲ့အစည်း ပေါင်းကူးပေးရာနေရာ၊ ဒေသထွက်ကုန်စည်နှင့်လက်မှုအနုပညာများ ဖော်ထုတ်ရာနေရာ၊ လူမှုရေးပေါင်းစည်းမှုနှင့် ချစ်ကြည်ရင်းနှီးမှုနေရာ၊ မျိုးဆက်သစ်တို့အား ယဉ်ကျေးမှု အမွေအနှစ် လက်လွှဲပေးရာနေရာ ဖြစ်သဖြင့် မြန်မာ့ရိုးရာပွဲဈေးများသည် အရောင်းအဝယ်ပြုလုပ်ရာနေရာမျှသာ မဟုတ်ဘဲ မြန်မာတို့ရဲ့ အမျိုးသားယဉ်ကျေးမှု၊ ရိုးရာဓလေ့နှင့် စိတ်ဓာတ်ရေးရာ တန်ဖိုးများကိုရောင်ပြန်ဟပ်နေသည့် ယဉ်ကျေးမှုရတနာတစ်ပါး ဖြစ်‌ေကြာင်း၊ ခေတ်ကာလများပြောင်းလဲလာသည်နှင့်အမျှ ခေတ်မီဈေးဝယ်စင်တာများနှင့် ဒစ်ဂျစ်တယ်စနစ်များခေတ်စားလာသော်လည်း မြန်မာတို့၏ နွေးထွေးသော ရိုးရာပွဲဈေး၏ အငွေ့အသက်နှင့်ယဉ်ကျေးမှုတန်ဖိုးများကို မပျောက်ပျက်အောင် ထိန်းသိမ်းစောင့်ရှောက်ရန်မှာ အားလုံး၏ တာဝန်ဖြစ်ကြောင်း အကြံပြုကာ ဝမ်းမြောက် စကားပြောကြားခဲ့သည်။

အဆိုပါ “မြန်မာ့ရိုးရာပွဲဈေး”အား နိုဝင်ဘာလ ၆ ရက်မှ ၈ ရက်ထိ (၃) ရက်တိုင်တိုင်ကျင်းပသွားမည်ဖြစ်ပြီး မြန်မာ့ရိုးရာအစားအစာတွေ၊ ရိုးရာအဝတ်အထည်တွေ၊ ဒေသထွက်ကုန်ပစ္စည်းတွေကို ရောင်းချသွားမှာဖြစ်သလို ရိုးရာမုန့်ပြုလုပ်နည်း သရုပ်ပြပွဲတွေ၊ စကားဝိုင်းဆွေးနွေးပွဲတွေနဲ့ အနုပညာဖျော်ဖြေမှုများဖြင့် စည်ကားသိုက်မြိုက်စွာကျင်းပသွားမည်ဖြစ်သည်။

ပွဲတော်ပထမရက်၌ပင် တိုးမပေါက်အောင်စည်ကားခဲ့သည့် မြန်မာ့ရိုးရာပွဲဈေး

ယနေ့ နိုဝင်ဘာလ ၆ ရက်တွင် မြန်မာ့ယဉ်ကျေးမှုအမွေအနှစ်များ ထိန်းသိမ်းစောင့်ရှောက်ရေးအဖွဲ့ (MCHT) မှ ဦးစီးကျင်းပ‌သည့် မြန်မာ့ရိုးရာပွဲဈေး ဖွင့်ပွဲအခမ်းအနားကို ရန်ကုန်မြို့၊ အင်းလျားလိတ်ဟိုတယ်၊ ရန်ကုန်ကွန်ဗင်းရှင်းစင်တာ (YCC) ၌ ကျင်းပပြုလုပ်ခဲ့သည်။

ရှေးဦးစွာ “မြန်မာ့ရိုးရာပွဲဈေး”ကို မြန်မာ့ရိုးရာပွဲဦးအလင်္ကာ အကအလှဖြင့် တင်ဆက်ဖွင့်လှစ်ခဲ့သည်။

ထို့နောက် ယဉ်ကျေးမှု၊ ဟိုတယ်နှင့်ခရီးသွားလာရေးဝန်ကြီးဌာန၊ ဒုတိယဝန်ကြီးက အဖွင့်အမှာစကားပြောကြားရာ ပွဲတော်များနှင့်အတူ ယှဉ်တွဲပါလာတဲ့ "ပွဲဈေး" ဆိုသည်မှာ ရိုးရာကုန်စည်များ၊ ဒေသထွက်ကုန်များ၊ လက်မှုအနုပညာပစ္စည်းများနှင့် မြန်မာ့ရိုးရာ မုန့်ပဲ သရေစာများကို တစုတဝေးတည်း တွေ့မြင်ဝယ်ယူနိုင်သည့် ဒေသတွင်း စီးပွားရေးနှင့် ယဉ်ကျေးမှုဖလှယ်ရာနေရာတစ်ခုကြောင်း၊ ဒါ့အပြင် ဒေသခံ ပြည်သူများ၊ ရပ်နီးရပ်ဝေးမှ ဧည့်သည်တော်များ စည်းလုံးညီညွတ်စွာဖြင့် ချစ်ခင် ရင်းနှီးစွာတွေ့ဆုံပျော်ရွှင်ကြသည့် လူမှုရေးပေါင်းကူးတံတား စစ်စစ်လည်း ဖြစ်ကြောင်း ပြောကြားခဲ့သည်။

ထို့ကြောင့် မြန်မာ့ရိုးရာပွဲဈေးကို ပျော်ပွဲရွှင်ပွဲ အဖြစ်သတ်မှတ်လို့မရဘဲ မြန်မာ့လူမှုအသိုက်အဝန်း၏ ဘာသာတရား ယုံကြည်မှု၊ အစဉ်အလာအလေးထားမှု၊ လူမှုဘဝ၊ အနုသုခုမပညာ၊ လက်မှုပညာ၊ တီထွင်ဖန်တီးမှုနှင့် အစားအစာ ယဉ်ကျေးမှုတို့ကိုပါ တစ်စုတစ်စည်းတည်း အသက်ဝင်စေသည့် ရိုးရာအမွေအနှစ် တစ်ခုမှတ်ယူရန် ထပ်လောင်းပြောကြားခဲ့သည်။

ဆက်လက်၍ ရန်ကုန်တိုင်းဒေသကြီး အစိုးရအဖွဲ့ ရခိုင်တိုင်းရင်းသားလူမျိုးရေးရာဝန်ကြီးမှလည်း မြန်မာ့ရိုးရာပွဲဈေးများ၏ ထူးခြားသော ယဉ်ကျေးမှုဆိုင်ရာ ဝိသေသနများမှာဘာသာရေးနှင့် လူမှုအဖွဲ့အစည်း ပေါင်းကူးပေးရာနေရာ၊ ဒေသထွက်ကုန်စည်နှင့်လက်မှုအနုပညာများ ဖော်ထုတ်ရာနေရာ၊ လူမှုရေးပေါင်းစည်းမှုနှင့် ချစ်ကြည်ရင်းနှီးမှုနေရာ၊ မျိုးဆက်သစ်တို့အား ယဉ်ကျေးမှု အမွေအနှစ် လက်လွှဲပေးရာနေရာ ဖြစ်သဖြင့် မြန်မာ့ရိုးရာပွဲဈေးများသည် အရောင်းအဝယ်ပြုလုပ်ရာနေရာမျှသာ မဟုတ်ဘဲ မြန်မာတို့ရဲ့ အမျိုးသားယဉ်ကျေးမှု၊ ရိုးရာဓလေ့နှင့် စိတ်ဓာတ်ရေးရာ တန်ဖိုးများကိုရောင်ပြန်ဟပ်နေသည့် ယဉ်ကျေးမှုရတနာတစ်ပါး ဖြစ်‌ေကြာင်း၊ ခေတ်ကာလများပြောင်းလဲလာသည်နှင့်အမျှ ခေတ်မီဈေးဝယ်စင်တာများနှင့် ဒစ်ဂျစ်တယ်စနစ်များခေတ်စားလာသော်လည်း မြန်မာတို့၏ နွေးထွေးသော ရိုးရာပွဲဈေး၏ အငွေ့အသက်နှင့်ယဉ်ကျေးမှုတန်ဖိုးများကို မပျောက်ပျက်အောင် ထိန်းသိမ်းစောင့်ရှောက်ရန်မှာ အားလုံး၏ တာဝန်ဖြစ်ကြောင်း အကြံပြုကာ ဝမ်းမြောက် စကားပြောကြားခဲ့သည်။

အဆိုပါ “မြန်မာ့ရိုးရာပွဲဈေး”အား နိုဝင်ဘာလ ၆ ရက်မှ ၈ ရက်ထိ (၃) ရက်တိုင်တိုင်ကျင်းပသွားမည်ဖြစ်ပြီး မြန်မာ့ရိုးရာအစားအစာတွေ၊ ရိုးရာအဝတ်အထည်တွေ၊ ဒေသထွက်ကုန်ပစ္စည်းတွေကို ရောင်းချသွားမှာဖြစ်သလို ရိုးရာမုန့်ပြုလုပ်နည်း သရုပ်ပြပွဲတွေ၊ စကားဝိုင်းဆွေးနွေးပွဲတွေနဲ့ အနုပညာဖျော်ဖြေမှုများဖြင့် စည်ကားသိုက်မြိုက်စွာကျင်းပသွားမည်ဖြစ်သည်။