“Men 100 mlndan ko‘proq oylik olaman” – Dilshod Mirzamurodov

Prezident Shavkat Mirziyoyevning kino sohasi vakillari bilan uchrashuvida aktyor va prodyusser Dilshod Mirzamurodov eng birinchi 16 mln oylik olgani, hozir esa oyiga 100 mln so‘mdan oshiqroq daromad topayotganini aytdi.

@portal24_official

⚡️O‘zbekistonliklar Apple Pay va Google Pay xizmatlaridan foydalanishni boshladi

O‘zbekistonda Apple Pay’ga ulash mumkin bo‘lgan banklar:

Uzum Bank — Visa
Orient Finans Bank — Visa va Mastercard
O‘zbekiston Milliy banki (NBU) — Visa va Mastercard
Kapitalbank — Visa va Mastercard
Hamkorbank — Visa
Ipak Yo‘li Bank — Visa va Mastercard
TBC Bank — Visa va Mastercard
Octobank — Visa va Mastercard

@portal24_official

#Diqqat
❗️Tuman shifokorlari va hamshiralariga 30 million so‘mdan mukofot beriladi

“Yangi O‘zbekiston tibbiyot standartlari” bosqichma-bosqich joriy etiladi.

Birlamchi bo‘g‘in xodimlarini rag‘batlantirish maqsadida ilk bor tuman bo‘g‘inidagi eng yaxshi shifokor va hamshira nominatsiyalari bo‘yicha viloyat tanlovlari o‘tkazilmoqda. Ushbu tanlov g‘oliblariga 30 million so‘mdan pul mukofotlari beriladi.

Shuningdek, tibbiyot xodimlarini qo‘llab-quvvatlash kelgusi yilda yanada kuchaytiriladi:

Viloyat bosqichida g‘olib bo‘lgan 14 nafar shifokor elektromobil bilan taqdirlanadi;

Sog‘lom turmush tarzini targ‘ib qiluvchi eng yaxshi o‘nta loyiha muallifiga 200 million so‘mdan grant ajratiladi.

@portal24_official

O‘zbekistonga tijorat maqsadida eng ko‘p Afg‘onistondan kelishmoqda

Statistika qo‘mitasi ma’lumotlariga ko‘ra, 2026-yilning yanvar–sentabr oylarida O‘zbekistonga tijorat maqsadida 357,5 ming nafardan ortiq xorijiy fuqaro tashrif buyurdi. Bu o‘tgan yilning mos davriga nisbatan 10,8 foizga (34,8 ming kishiga) ko‘p.

Ushbu davrda mamlakatimizga tijorat va biznes maqsadida kelgan chet el fuqarolarining davlatlar kesimidagi top-ro‘yxati:

Afg‘oniston — 323 660 kishi
Turkmaniston — 24 196 kishi
Tojikiston — 6 412 kishi
Qirg‘iziston — 695 kishi
Qozog‘iston — 629 kishi
Rossiya — 370 kishi
Turkiya — 346 kishi
Boshqa davlatlar — 1 150 kishi

@portal24_official

Netanyahu davri tugaydimi? Isroil parlament saylovlari bo‘lib o‘tmoqda

Isroil va mintaqa hayotini keskin oʻzgartirib yuborgan HAMASning 7-oktyabrdagi hujumidan uch yil oʻtib, Isroilda parlament saylovlari o‘tkazilmoqda. Koʻpchilik ushbu saylovni mamlakat tarixidagi eng muhim saylov deb atayapti.

Netanyahu boshliq oʻng partiyalar koalitsiyasi Isroilni qisqa uzilish bilan 16 yildan beri boshqarib kelmoqda. Ushbu saylovlarda uning hokimiyatiga chek qo‘yilishi mumkinmi?

@portal24_official

O‘zbekistonlik olima Butunjahon fanlar akademiyasi vitse-prezidenti etib saylandi

O‘zbekiston Fanlar akademiyasi vitse-prezidenti, professor Shahlo Turdiqulova 2027–2028-yillar uchun Butunjahon fanlar akademiyasining (TWAS) Markaziy va Janubiy Osiyo bo‘yicha vitse-prezidenti lavozimiga saylandi.

U tashkilotning o‘tgan davrdagi butun tarixi davomida uning rahbariyatidan joy olgan O‘zbekiston hamda Markaziy Osiyo mintaqasining ilk vakiliga aylandi.

@portal24_official

Saraton belgilarini 16 oy avval sezadigan sun'iy intellekt yaratildi

Tadqiqotchilar ishlab chiqqan REDMOD sun’iy intellekt tizimi kompyuter tomografiyasi tasvirlarida oshqozon osti bezi saratonining yashirin belgilarini klinik tashxisdan qariyb 16 oy oldin aniqlay olgan. Aniqlash muddati ayrim holatlarda qisqaroq, boshqalarida uzoqroq bo‘lgan.

@portal24_official

“Dok-1 Maks”dan jabrlangan bolalarning oilalariga belgilangan tovon puli to‘liq to‘lab berildi

O‘zbekistonda “Dok-1 Maks” va “Ambronol” dori vositalaridan zaharlanib, vafot etgan hamda nogiron bo‘lib qolgan bolalarning oilalariga sud qarori bilan belgilangan kompensatsiya pullari to‘liq qoplab berildi.

Sudlangan shaxslardan undirilmay qolgan 80 foiz tovon puli davlat hisobidan to‘lab berilganini jabrlanuvchilarning ota-onalari va Majburiy ijro byurosi matbuot kotibi Farrux Toshpo‘latov tasdiqladi.

@portal24_official

Uchtepadagi 26 yoshli ayolning o‘limi va uyi yoqib yuborilgani bo‘yicha jinoyat ishi qo‘zg‘atildi

Shanba kuni soat 02:00 larda Uchtepa tumanidagi xonadonlardan birida yong‘in sodir bo‘lgan.

Hodisa joyidan shu uyda yashab kelgan, 2000-yilda tug‘ilgan ayolning jasadi topilgan. Marhumaning tanasida yelka qismidan son qismigacha termik jarohatlar aniqlangan.

Xonadonni ko‘zdan kechirish davomida oshxona, yotoqxona va mehmonxonada bir-biriga bog‘liq bo‘lmagan uchta o‘choq topilgan hamda qasddan o‘t qo‘yish alomatlari qayd etilgan. Batafsil

@portal24_official

Namanganda fuqaroga aksiyada yutib olgan Cobalt avtomobili berilmagani aniqlandi

Raqobat qo‘mitasi savdo va xizmat ko‘rsatish shoxobchalaridagi aksiyalarni o‘rganib, 65 ta qoidabuzarlikni aniqladi va iste’molchilar foydasiga 250 mln so‘mga yaqin mablag‘ni qayta hisob-kitob qildi.

“Namanganda avtotexxizmat” MChJ aksiya vaqtida telefon raqami xato terilgani bahona qilinib, fuqaro A.A. yutib olgan Chevrolet Cobalt avtomobili boshqasiga berib yuborilgan. Qo‘mita aralashuvi bilan mashina haqiqiy egasiga qaytarildi.

“Water Life Mineral” MChJ Andijonda o‘tkazgan “Orzu ushalsin” aksiyasida 3 nafar ishtirokchiga jami 60 million so‘m miqdoridagi pul sovrinlari taqdim etilmagani aniqlanib, korxonaga nisbatan ish qo‘zg‘atildi.

@portal24_official

Toshkentda transformatorni ta‘mirlayotgan erkak yonib ketdi

Toshkentdagi “Parkwood” majmuasi yaqinidagi transformator punktida yuz bergan yong‘inda elektr xodimi kuyib jarohatlandi.

Dastlabki ma’lumotlarga ko‘ra, hodisa ta’mirlash vaqtida fazalararo qisqa tutashuv sabab yuz bergan, transformator punkti va xodim “Hududiy elektr tarmoqlari” balansiga tegishli bo‘lmagan. Batafsil.

@portal24_official

Shahrisabzda avtomobil daraxtga urilishi oqibatida haydovchi shifoxonada vafot etdi

Qashqadaryoning Shahrisabz tumanida “VAZ-2105” daraxtga borib urilishi oqibatida 2006-yilda tug‘ilgan haydovchi vafot etdi.

Tekshiruvlarda haydovchi rul boshqaruvini yo‘qotgani aniqlangan. Shundan so‘ng mashina yo‘l chetidagi daraxtga borib urilgan.
To‘qnashuvda tan jarohatlari olgan haydovchi shifoxonaga olib borilgan, biroq ko‘rsatilgan tibbiy yordamga qaramay vafot etgan. Batafsil.

@portal24_official