#Қонунчиликдаги_янгиликлар

🛡 ЗЎРАВОНЛИКДАН ЖАБРЛАНГАН БОЛАЛАР ҲИМОЯСИ ЯНАДА КУЧАЙТИРИЛАДИ

Ўзбекистон Республикаси Президентининг 2026 йил 14 октябрдаги ПҚ–375-сон «Болаларни ижтимоий ҳимоя қилиш тизимини такомиллаштиришга қаратилган қўшимча чора-тадбирлар тўғрисида»ги қарори қабул қилинди.

📌 Қарор билан қандай янгиликлар белгиланди?

🔹 «Нажот» болалар маркази ташкил этилади.
Самарқанд шаҳрида «Барнахус» модели асосида ташкил этиладиган марказда зўравонликдан жабрланган болаларнинг ҳуқуқлари ва қонуний манфаатларини ҳимоя қилишга алоҳида эътибор қаратилади.

🔹 Процессуал ҳаракатлар махсус шароитда ўтказилади.
2026 йил 20 октябрдан бошлаб қарорда белгиланган жинсий жиноятлар бўйича жабрланган вояга етмаган шахсларни сўроқ қилиш, экспертиза учун намуналар олиш, экспертиза ўтказиш ва бошқа процессуал ҳаракатлар ихтисослаштирилган хоналарида амалга оширилади.
Бунда процессуал ҳаракатлар махсус тайёргарликдан ўтган прокуратура органи ходими — интервьюер томонидан психолог хулосаси асосида ўтказилади ҳамда мажбурий аудио- ва видеоёзув орқали қайд этилади.

🔹 Болаларга давлат ҳисобидан юридик ёрдам кўрсатилади.
2027 йил 1 январдан бошлаб жиноят иши бўйича жабрланувчи ёки гувоҳ сифатида жалб қилинган болаларга болалар билан ишлаш бўйича махсус тайёргарликдан ўтган адвокатлар томонидан давлат ҳисобидан юридик ёрдам кўрсатилади.

🔹 «Ишонч телефони» фаолияти такомиллаштирилади.
Болаларни зўравонликнинг барча шаклларидан ҳимоя қилиш, уларга ижтимоий, психологик ва ҳуқуқий хизмат кўрсатишга қаратилган 1246 қисқа рақамли «ишонч телефони» «112» ягона диспетчерлик хизмати билан интеграция қилинади.

📍 Мазкур қарор болаларнинг ҳуқуқ ва қонуний манфаатларини ишончли ҳимоя қилиш, зўравонликдан жабрланган болаларнинг қайта руҳий жароҳатланишининг олдини олиш ҳамда уларга малакали ҳуқуқий ва психологик ёрдам кўрсатиш тизимини такомиллаштиришга қаратилган.

📲 Ҳуқуқий янгиликлардан хабардор бўлиш учун каналга обуна бўлинг! @iiv_huquqiy_targibot

Президент: Қонун ва қарорлар равон, аниқ ва тушунарли тилда ёзилиши керак

Шавкат Мирзиёев Ўзбекистон халқини 21 октябрь – Ўзбек тили байрами билан табриклади. Табрикда давлат идоралари давлат тилидан фойдаланишда намуна бўлиши зарурлигига алоҳида эътибор қаратилган.

«Фуқаро ўзининг ҳақ-ҳуқуқи ёки мажбуриятини англаш учун ортиқча қийинчиликка дуч келмаслиги лозим. Давлат тилига ҳурмат давлат хизматининг сифатида ҳам кўриниши керак», – дейилади табрикда.

Шунингдек, таълимда ўқувчиларнинг ўқиш, тушуниш, гапириш ва саводли ёзиш кўникмаларини ривожлантириш муҳимлиги қайд этилган. Дарслик ва ўқитиш усулларини янгилашда ўзбек тилини она тили сифатида ўрганаётган бола билан уни давлат тили сифатида эгаллаётган ўқувчининг эҳтиёжлари ҳисобга олиниши лозим.

Табрикда ўзбек тилидаги илмий адабиётлар, сифатли таржималар ва электрон ресурсларни кўпайтириш, электрон луғатлар, таржима ва таҳрир воситаларини ривожлантириш вазифаларига ҳам тўхталиб ўтилган.

Нутқни матнга ва матнни овозга айлантирувчи технологиялар одамларга қулайлик яратиши, улардан ногиронлиги бўлган инсонлар ҳам фойдалана олиши зарурлиги таъкидланган.

Каналга қўшилиш 👈

Veb-sayt|Facebook | Instagram | Медиабанк