🇺🇿🥊Фарғона шаҳри профессионал бокс мухлисларини ўз бағрига чорлайди...

Обуна бўлинг 👉 Телеграм

🇺🇿🥊IBF`нинг август ойи учун рейтинги эълон қилинди

Халқаро бокс федерацияси (IBF) август ойи учун янгиланган рейтингни эълон қилди.

Эътиборлиси, супероғир вазн тоифасидаги боксчимиз, ҳаваскор боксда икки карра Олимпиада чемпиони Баҳодир Жалолов ҳамда сўнгги жангида мағлубиятга учраган Шоҳжаҳон Эргашев Топ-15 рейтингини тарк этди. Жалолов ҳам, Эргашев ҳам ўтган ой 13-ўринда қайд этилганди.

✅Рейтингда 2 нафар боксчимиз қолди:

Биринчи ярим енгил вазн тоифасида (55,3 кг) Муроджон Аҳмадалиев 4-ўринда қайд этилди;

Ярим ўрта вазн тоифасида (66,6 кг) Шаҳрам Ғиёсов 10-ўринни эгаллади.

Обуна бўлинг 👉 Телеграм

🇺🇿🥊Аббосхон Йўлдошев марказий жангни муддатидан аввал якунлади

Кеча "Янги Ўзбекистон" массиви амфитеатрида профессионал бокс кечаси ўтказилди.

Ali Boxing промоутерлик компанияси томонидан "Қурувчилар куни"га бағишлаб "Ҳоким соврини" учун ташкил этилган бокс оқшомидан бир-биридан қизиқарли жанглар ўрин олганди.

Кечанинг марказий жангида қўқонлик Аббосхон Йўлдошев тожикистонлик Рамазан Табаровга қарши рингга кўтарилди. Жангнинг биринчи раундидаёқ Аббосхон рақибини техник нокаутга учратиб, ғалаба қозонди. Кучли зарбаларни ўтказиб юборган Табаров жангни давом эттира олмаслигини маълум қилди.

🇺🇿🥊Жанг якунланганидан сўнг Ўзбекистон профессионал бокс федерацияси раиси ўринбосари Ғофур Раҳимов Аббосхон Йўлдошевни чиройли ғалаба билан табриклади.

Обуна бўлинг 👉 Телеграм

🇺🇿🇹🇯🥊Аббосхон Йўлдошев иштирокидаги тўлиқ жанг видеоси

Ali Boxing промоутерлик компанияси томонидан Фарғона шаҳрида ташкил этилган проф бокс оқшомининг марказий жангида қўқонлик Аббосхон Йўлдошев тожикистонлик Рамазан Табаровни биринчи раунднинг ўзидаёқ техник нокаутга учратди.

🇺🇿🥊Жанг якунланганидан кейин Фарғона вилояти ҳокими Хайрулло Бозоров ҳамда Ўзбекистон профессионал бокс федерацияси раисининг биринчи ўринбосари Ғофур Раҳимов Аббосхон Йўлдошевни чиройли ғалаба билан табриклашди.

Обуна бўлинг 👉 Телеграм

🇺🇿🥊Баҳодир Жалолов WBC'нинг янгиланган рейтингида 6-ўринга кўтарилди

Бутунжаҳон бокс иттифоқи (WBC) август ойи учун янгиланган рейтингни эълон қилди.

Эътиборлиси, супероғир вазн тоифасидаги боксчимиз Баҳодир Жалолов янгиланган рейтингда 6-ўринга кўтарилиб олди. Икки карра Олимпиада чемпиони июль ойи рейтингида 8-ўринни эгаллаб турганди.

Ушбу вазнда Александр Усик чемпион, Тайсон Фьюри эса 1-ўринни банд этган. Жалоловдан олдинги ўринлардан Агит Кабайе (Германия), Мартин Баколе (Конго/Буюк Британия), Чжанг Чжилей (Хитой), Эфе Ажагба (Нигерия/АҚШ) жой олган.

🇺🇿✅Янгиланган рейтингдан 10 нафар боксчимиз ўрин олган:

✅Супероғир вазн: Баҳодир Жалолов ўтган ойдагидан 2 поғона кўтарилиб, 6-ўриндан жой олди;

✅Суперўрта вазн тоифаси (76,2 кг): Бектемир Мелиқўзиев ўтган ойдагидан бир поғона юқорилаб, 13-ўринга жойлашди;

✅Суперярим ўрта вазн тоифаси (69,9 кг): Исроил Мадримов 3-ўринда қайд этилди;

✅Яримўрта вазн (66,6 кг): Шаҳрам Ғиёсов бир поғона юқорилаб, 7-ўринни банд этган бўлса; Жаҳонгир Расулов 3 поғонага пастлади ва 30-ўринни эгаллади;

✅Ярименгил вазн (57,1 кг): Отабек Холматов 18-ўринни банд этган;

✅Биринчи ярименгил вазн (55,3 кг): Муроджон Аҳмадалиев 4-ўринда қолди; Миразизбек Мирзахалилов ўтган ойдаги каби 28-ўринни банд этиб турибди;

✅Енгил вазн (50,82 кг): Олимжон Назаров ўтган ойдагидан 1 поғона пастлаб, 35-ўринга жойлашди;

✅Биринчи ўта енгил вазн (47,6 кг): Ҳасанбой Дўсматов ўтган ойдагидан бир поғона юқорилади ва 4-ўриндан жой олди.

✍️Ўзбекистон профессионал бокс федерацияси матбуот хизмати

Обуна бўлинг 👉 Телеграм

🇷🇺🥊Бетербиев - Бивол оқшомининг тўлиқ карди тасдиқланди

🇸🇦12 октябрь куни Саудия Арабистонида катта бокс оқшоми ташкил этилади.

Оқшомнинг марказий жангида яримоғир вазн тоифасида жаҳон чемпионлари - Артур Бетербиев ва Дмитрий Бивол ўзаро тўқнаш келади.

✅Турнир жуфтликлари билан танишинг:

Артур Бетербиев (20-0, 20 KO), Россия — Дмитрий Бивол (23-0, 12 KO), Россия

Шакур Стивенсон (22-0, 10 KO), АҚШ – Жо Кордина (17-1, 9 KO), Британия

Крис Юбэнк (33-3, 24 KO), Британия – Камил Шеремета (25-2-2, 8 KO), Польша

Фабио Уордли (17-0-1, 16 KO), Британия – Фрейзер Кларк (8-0-1, 6 KO), Британия

Жей Опетайя (25-0, 19 KO), Австралия – Жек Масси (22-2, 12 KO), Британия

Бен Уиттакер (8-0, 5 KO), Британия – Лиам Кэмерон (23-6, 10 KO), Британия

Скай Николсон (11-0, 1 KO), Австралия – Рэйвен Чапмэн (9-0, 2 KO), Британия

Муҳаммад Ал-Оқил (0-0, 0 KO), Саудия Арабистони – Хесус Гонсалес (3-2, 0 KO), Колумбия.

Обуна бўлинг 👉 Телеграм

🇺🇸🇺🇿Афсонавий Майк Тайсон Исроил Мадримов ҳақида гапирди

Бокс афсонаси Майк Тайсон Теренс Кроуфорднинг Исроил Мадримов билан жанги ҳақида фикр билдирди.

"Кроуфорднинг сўнгги жангида бўлдим. Мадримов - кучли йигит, Теренс сўнгги икки раундда камбэк қила олганидан хурсандман. Мадримов жуда ноқулай ҳамда кучли эди. У дуч келган одам билан жанг қилади деган гапларга қўшилмайман. Навбатдаги жангдан маҳрум бўлмаслик учун сен яхши жанглар қилишинг лозим. Мадримов рингда яхши ҳаракатланди. Кроуфорд бундай ҳаракатларга ўрганмаган. Исроил ҳаддан ташқари ноқулай эди", - деди Тайсон. 

Обуна бўлинг 👉 Телеграм

🇺🇿🇺🇸🔥Собиқ WBC чемпиони: "Ўзбекистонлик "Монстр" Кроуфордни мағлуб этди"

Ҳамюртимиз Исроил Мадримов ҳамда мутлақ жаҳон чемпиони Теренс Кроуфорд ўртасидаги супержанг ҳали ҳануз экспертларнинг муҳокамасига сабаб бўлмоқда.

Жумладан, биринчи ўрта вазн тоифасида собиқ вақтинчалик WBC чемпиони Сергей Богачук (24-2, 23 КО) ҳам vRINGe интернет порталига берган интервьюсида ушбу жангга муносабатини билдирган. Украиналик боксчи Р4Р рейтинги етакчиси — америкалик Теренс Кроуфорд (41-0, 31 КО)ни 4 март тонгида бўлиб ўтган жангда мағлубиятга учраганди деб ҳисобламоқда.

"Айтяпманку, ҳакамлар Теренснинг ғалабасига ортиқча баҳо бериб юборишди. Ҳа, конкрет юқори баҳо берилди. Ваҳоланки, у Мадримовга қарши жангда амалда ҳеч нарса қила олмади. Шахсан мен бу жангда Исроил Мадримов ғалаба қозонди, деб бемалол айта оламан. У Кроуфорд аслида ким ва қандай даражадаги боксчи эканини кўрсатиб қўйди. Теренс тактикаси йўқ, фақат олдинга бораверадиган мексикаликларга қарши жангларда енгил ғалабаларни қўлга киритиб ўрганиб қолибди. Мадримов эса умуман бошқа бокс мактабини кўрсатиб берди. Оёқ ҳаракатлари, рақибни ёнига чақириб, кутилмаган хужумлар уюштириш, доимий джеб зарбаларини йўллаши, Теренс бу нарсаларни кутмаганди. Агар Кроуфорд шу жангини намойиш этса, Сауль Альварес уни шунчаки ўлдириб қўяди", - деди Богачук.

Обуна бўлинг 👉 Телеграм

🇺🇸🥊⚖️Флойд Мейвезер рақибидан 10 кг енгил тош босди

🇲🇽Эртага Мексика пойтахти Мехико шаҳридаги "CDMX" аренада профессионал бокс кечаси ўтказилади.

Оқшомнинг марказий жанги бешта вазнда собиқ жаҳон чемпиони Флойд Мейвезер ҳамда аралаш яккакураш устаси Жон Готти III ўртасида бўлиб ўтади. Эртанги жанг олдидан расмий тарозидан ўтиш ҳамда face to face маросимлари ташкил этилди. Жон Готти III тарозида 82,1 кг, 47 ёшли Флойд эса 72,75 кг тош босди.

Бу тўқнашув реванш жанги мақомида бўлади. Ўтган йилги жангда ҳам Готти 82,1 кг вазн қайд этганди. Ўшанда Мейвезер тарозига чиқишдан бош тортган эди. Аввалги жанг олтинчи раундда тўхтатилганди. Ўшанда Жоннинг жамоаси норозилик билдириб, рингга югуриб чиққан ва натижада икки томон ўртасида даҳанаки жанг бошланиб кетганди. Ҳакамлар эса якунда Мейвезерни ғолиб деб эълон қилишганди.

Маълумот учун, Жон Готти III таниқли мафиоз Жон Готтининг невараси ҳисобланади. 30 ёшли Готти 2017 йилдан бери профессионал ММА жангчиси сифатида фаолият юритиб келмоқда. Унинг ММАдаги рекорди 5-1ни ташкил этади. Флойд Мейвезер эса проф боксдаги фаолиятини мағлубиятсиз якунлаган.

Обуна бўлинг 👉 Телеграм

🇺🇿🇺🇸🥊Исроил Мадримов кейинги жангини камар учун ўтказиши мумкин

Супер яримўрта вазн тоифасида собиқ WBA чемпиони Исроил Мадримов кейинги жангида WBC Interim камари соҳиби, америкалик Вержил Ортис билан тўқнаш келиши мумкин.

Бу ҳақда Саудия Арабистони кўнгилочар департаменти бошқармаси раиси Турки ал аш Шайх маълум қилди.

"Биз Ортис учун уч нафар энг яхши рақибларни танладик. Агар Кроуфорд жанг қилишни истамаса, Виржил учун уч нафар идеал рақиблар бор. Биринчиси - Исроил Мадримов! У бу жангга ҳақли. Иккинчиси эса Жейрон Эннис, у хам бу жангга хақдор. Кейингиси Тим Цзю, лекин мен Цзю билан ишлашни хоҳламайман. У менга ўртамизда нима бўлганини тушунтириб бериши керак. Бу аниқ унга йўлланган хабар", деди ал аш Шайх.

Обуна бўлинг 👉 Телеграм

🇺🇸🥊Флойд Мейвезер жангида ғолиб аниқланмади

🇲🇽Бугун Мексика пойтахти Мехико шаҳридаги "CDMX" аренада профессионал бокс кечаси ўтказилди.

Оқшомнинг марказий жанги бешта вазнда собиқ жаҳон чемпиони Флойд Мейвезер ҳамда аралаш яккакураш устаси Жон Готти III ўртасида бўлиб ўтди. Саккиз раунд тўлиқ давом этган кўргазмали мақомдаги жангда ғолиб номи эълон қилинмади. Кеча Жон Готти III тарозида 82,1 кг, 47 ёшли Флойд эса 72,75 кг тош босганди.

Обуна бўлинг 👉 Телеграм

🎁🎂"Дўстлик" ордени соҳиби Ойбек Касимовни табриклаймиз!

🇺🇿Париж-2024 Олимпиадасидаги муваффақиятли иштирокимиз сабабчиларидан бири, ўзбек спорти ривожида ўзининг салмоқли хиссасини қўшиб келаётган тажрибали ва жонкуяр мутахассис, Ўзбекистон Миллий олимпия қўмитаси Бош котиби, "Дўстлик" ордени соҳиби Ойбек Касимов бугун ўз таваллуд айёмини нишонламоқда.

Ойбек Касимов Париж-2024 ёзги Олимпия ўйинларида делегациямиз раҳбарларидан бири сифатида, Ўзбекистон тарихидаги энг яхши натижанинг қайд этилишида ўзининг муносиб улушини қўшди. Юртимизда спортни ривожлантириш йўлидаги самарали хизматлари учун "Дўстлик" ордени билан мукофотланган.

🤲Ҳурматли, Ойбек Омилович! Сизни бугунги шукрона кунингиз билан Ўзбекистон профессионал бокс федерацияси раҳбарияти, мураббийлар ҳамда боксчилар номидан табриклаймиз. Сизга масъулиятли ва машаққатли меҳнат фаолиятингизда янги зафарлар тилаймиз. Фарзандларингиз, оила аъзоларингиз ва яқинларингиз бахтига ҳамиша соғ ва саломат бўлинг!

✍️Ўзбекистон профессионал бокс федерацияси матбуот хизмати

Обуна бўлинг 👉 Телеграм

🇺🇦🇬🇧Александр Усик — Тайсон Фьюри реванш жанги учун расмий постер намойиш этилди

Супероғир вазнда мутлақ жаҳон чемпионлиги учун украиналик Александр Усик ҳамда британиялик Тайсон Фьюри ўртасидаги реванш жанги учун расмий постер эълон қилинди.

Усик - Фьюри жанги 21 декабрь куни Саудия Арабистони пойтахти Ар-Риёд шаҳрида бўлиб ўтади.

Бу боксчилар ўртасида кечган илк жанг 18 май куни айнан Ар-Риёдда ўтказилиб, унда украиналик боксчи очколар ҳисобига кўра ғалаба қозонган ҳамда мултақ жаҳон чемпионига айланган эди. Тўққизинчи раундда Усик рақибини нокдаун ҳолатига ҳам тушириб қўйганди.

Обуна бўлинг 👉 Телеграм

🇺🇿🥊Исроил Мадримов The Ring рейтингида иккинчи ўринга кўтарилди

Супер ярим ўрта вазн тоифаси WBA йўналишида собиқ жаҳон чемпиони Исроил Мадримов дунёга машҳур The Ring рейтингида кўтарилишга муваффақ бўлди.

Рейтингнинг биринчи поғонаси Мадримов устидан очколар ҳисобига кўра ғалаба қозонган Теренс Кроуфордда қолди.

✅The Ring рейтинги Топ-10:

1. Теренc Кроуфорд (АҚШ)
2. Исроил Мадримов (Ўзбекистон)
3. Себастьян Фундора (АҚШ)
4. Виржил Ортис (АҚШ)
5. Тим Цзю (Австралия)
6. Сергей Богачук (Украина)
7. Эриксон Лубин (АҚШ)
8. Хесус Рамос (АҚШ)
9. Чарльз Cонуелл (АҚШ)
10. Брайан Мендоза (АҚШ).

Обуна бўлинг 👉 Телеграм

🇺🇿🥊Икки боксчимиз Россияда камар учун жанг қилади

🇷🇺6 сентябрь куни Россия Федерациясининг Челябинск шаҳрида RCC Boxing промоутерлик компаниясининг навбатдаги профессионал бокс оқшоми ташкил этилади.

Таъкидлаш жоиз, оқшом доирасида тўрт нафар ўзбекистонлик тажрибали боксчилар рингга кўтарилишади. Уларнинг икки нафари ўз вазнларида IBF Intercontinental камарлари учун жанг қилишлари аҳамиятлидир.

Иккинчи энг енгил вазнда IBF Intercontinental камари учун кечадиган жанг бухоролик Муҳаммад Шехов (14-0-1) Осиёнинг кучли чарм қўлқоп усталаридан бири Зонг Лиу (Хитой, 19-1-0) билан тўқнаш келади. Шехов ўз жангларига Ўзбекистон ва Россия байроқларида чиқиб келади.

Оқшомнинг марказий жанги енгил вазн тоифасида россиялик Заур Абдуллаев (19-1, 11 KOs) ҳамда аргентиналик Хуан Хавьер Карраско (20-1, 12 KOs) ўртасида бўлиб ўтади. Жанг ғолиби IBF рейтингида иккинчи ўринга кўтарилиб олади ва катта эҳтимол билан кейинги жангини камар учун ўтказади.

🇺🇿🥊Ҳамюртларимиз иштирокидаги жанглар:

✅Иккинчи энг енгил вазнда IBF Intercontinental камари учун: Муҳаммад Шехов (14-0-1) - Зонг Лиу (Хитой, 19-1-0)

✅Иккинчи ўрта вазнда IBF Intercontinental камари учун: Улуғбек Собиров (14-3-0) - Павел Сильягин (Россия, 14-0-1)

✅Биринчи ярим ўрта вазнда: Жаҳонгир Расулов (7-0-1) - Иван Козловский (Россия, 9-0-0)

✅Ўрта вазнда: Баҳромжон Фозилов (10-3-3) - Жамбулат Бижамов (Россия, 1-0-0).

Обуна бўлинг 👉 Телеграм