🇺🇿🥊😔Шерзод Ҳусанов Польшадаги марказий жангда очколар бўйича ютқазиб қўйди

🇵🇱Польшанинг Хойнице шаҳрида профессионал бокс турнири бўлиб ўтди.

Биз учун аҳамиятлиси, Babilon Promotion промоутерлик компанияси томонидан ташкил этилган ушбу бокс оқшомининг марказий жангида ҳамюртимиз Шерзод Ҳусанов рингга кўтарилди. Тажрибали боксчимиз польшалик Павел Степинга қарши жанг ўтказди.

Саккиз раунд тўлиқ давом этган жангда мезбон боксчи очколар ҳисобига кўра ғалаба қозонди. Ҳакамлар Арек Малек, Павел Кардини ва Томаш Ковалик бир хилда 80-71 ҳисобидаги ғалабани Павел Степинга тақдим этган.

Бу 34 ёшли Степиннинг 22-жангидаги 20-ғалабаси бўлди. Унинг ҳисобида 1 тадан мағлубият ва дуранг ҳам бор. 44 ёшли Ҳусанов фаолиятидаги тўртинчи мағлубиятини қабул қилиб олди. Ғалабалари сони 24 талигича қолди.

Обуна бўлинг 👉 Телеграм

🇬🇧🥊Даниэль Дюбуа — Энтони Жошуа жанги статистикаси тақдим этилди

Тунда Лондон шаҳридаги муҳташам "Уэмбли" стадионида профессионал бокс турнири ўтказилди.

Оқшомнинг марказий жанги супероғир вазн тоифасида вақтинчалик IBF чемпионлик камари соҳиби Даниэль Дюбуа ҳамда IBF, WBA, WBO ва IBO йўналишларида собиқ жаҳон чемпиони Энтони Жошуа ўртасида бўлиб ўтди.

Британиялик боксчилар ўртасидаги 12 раундга мўлжалланган жанг 5-раундда якунланди. Дюбуа номдор рақибини нокаутга учратиб, тўлақонли IBF чемпионига айланди. Ушбу камарни украиналик Александр Усик бир муддат аввал вакант, яъни эгасиз қолдирган эди.

CompuBox тақдим этган статистикага кўра, Дюбуа барча жабҳаларда ватандошидан устунликка эришган. У уч маротаба Жошуани нокдаун ҳолатига тушириб қўйди.

Маълумот учун, 26 ёшли Даниэль Дюбуа профессионал боксдаги дебютини 2017 йилда ўтказганди. 2022 йилнинг июнь ойида америкалик Тревор Брайанни нокаутга учратиб, WBA Regular камарини қўлга киритган. Шу йил июнда эса у хорватиялик Филип Хрговичга илк мағлубиятни тақдим этиб, вақтинчалик IBF чемпионига айланганди.

Обуна бўлинг 👉 Телеграм

🇬🇧🥊Энтони Жошуа нокаутли мағлубиятига изоҳ берди

Хабар берганимиздек, Лондон шаҳридаги муҳташам "Уэмбли" стадионида профессионал бокс турнири ўтказилди.

Оқшомнинг марказий жанги супероғир вазн тоифасидаги британиялик боксчилар -вақтинчалик IBF чемпионлик камари соҳиби Даниэль Дюбуа ҳамда IBF, WBA, WBO ва IBO йўналишларида собиқ жаҳон чемпиони Энтони Жошуа ўртасида ўтказилиб, унда Дюбуа тажрибали ватандошини 5-раундда нокаутга учратиб, тўлақонли IBF чемпионига айланди.

"Даниэль ва унинг жамоасини ҳақли ғалаба билан табриклайман. Биз бу жанг учун боримизни ўртага қўйгандик. Лекин якунда аламли мағлубият бўлди. Совуққонликни сақлаб, рақибга ҳурмат бажо келтираман. Биласизми, мен бундай якундан жуда афсусдаман. Аммо олға интилишда давом этишим керак. Дюбуа тезкор ҳаракатларга эга боксчи. Буни ҳам тан олиш керак. Афсуски, мен бундай якундан жуда афсусдаман. Аммо олға интилишда давом этаман", — деди Жошуа.

Обуна бўлинг 👉 Телеграм

🇷🇺💸Бивол Бетербиевга қарши жангдан 30 млн доллар гонорар ишлаб олади

🇸🇦🥊12 октябрь куни Саудия Арабистонининг Ар-Риёд шаҳрида профессионал бокс оқшоми ташкил этилади.

Кечанинг марказий жангида яримоғир вазн тоифасида WBA ва IBO камарлари соҳиби, россиялик Дмитрий Бивол WBC, WBO ҳамда IBF йўналишларидаги чемпион ҳамюрти Артур Бетербиевга қарши рингга кўтарилади.

Маълум бўлишича, Бивол мазкур жанг орқали 30 млн доллар гонорарга эга бўлади.

Эслатиб ўтамиз, Дмитрий ўзининг сўнгги жангини 1 июнь куни мисрлик Малик Зинадга қарши ўтказиб, ғалаба қозонган эди.

Обуна бўлинг 👉 Телеграм

🇺🇸🇲🇽Теренс Кроуфорд: "Кейинги рақибим Канело бўлишига умид қиламан"

Мағлубият нималигини билмай келаётган Теренс Кроуфорд навбатдаги жангини Сауль Альваресга қарши ўтказмоқчи.

"Канело? Умид қиламанки, кейинги жангим айнан унга қарши бўлиб ўтади. Агар ундай бўлмаса... Олдинга қараб ҳаракат қилишда давом этаман", - деди Теренс Кроуфорд.

Эслатиб ўтамиз, Кроуфорд сўнгги жангини 4 август куни ҳамюртимиз Исроил Мадримовга қарши ўтказиб, ҳакамларнинг баҳс қарори билан очколар эвазига ғалаба қозонганди.

Обуна бўлинг 👉 Телеграм

🇺🇿🇷🇺⚖️Миразизбек Мирзахалилов Всеволод Шумковдан деярли икки килограмм оғирроқ тош босди

🔥Мирзахалилов - 57 кг
Шумков - 55,3 кг

🇦🇿🥊Жанг эртага, 28 сентябрь куни Озарбайжон пойтахти Боку шаҳрида ўтказилади...

Обуна бўлинг 👉 Телеграм

🇺🇿🇷🇺😔Миразизбек Мирзахалилов камар учун кечган марказий жангда ютқазиб қўйди

🇦🇿🥊Озарбайжон пойтахти Боку шаҳрида "IBA Чемпионлар оқшоми" турнири бўлиб ўтди.

Кечанинг марказий жанги 57 кг вазн тоифаси IBA чемпионлик камари учун россиялик Всеволод Шумков ҳамда ҳамюртимиз, ҳаваскорлар ўртасида жаҳон чемпиони Миразизбек Мирзахалилов ўртасида ўтказилди.

Ўн раунд тўлиқ давом этган жангда Шумков ҳакамларнинг якдил қарори билан очколар ҳисобига кўра ғалаба қозониб, IBA чемпионига айланди. Россиялик боксчи бутун жанг давомида иккинчи рақам бўлиб ҳаракат қилди ва рақибини қарши ҳужумларда кутиб олди.

Обуна бўлинг 👉 Телеграм

💐Бош эгиб таъзимдамиз, азиз Устозлар!

🇺🇿📚Бугун 1 октябрь – Ўқитувчи ва мураббийлар куни!

Бу дунёда ҳар қайси онгли инсон – қаерда ишламасин, қандай касбу кор, лавозим эгаси бўлмасин, унга билим ва тарбия бериб, ҳаётга йўллаган муҳтарам ўқитувчи ва мураббийлари олдида ҳамиша қарздорлик ҳисси билан яшайди.

Ҳақиқатан ҳам, ўзининг кўз нури, қалб қўри, бутун борлиғини бағишлаб, барчамизга эзгуликдан сабоқ берган, отадек мўътабар, онадек меҳрибон, азиз устозларнинг ҳеч нарса билан ўлчаб, баҳолаб бўлмайдиган машаққатли ва шарафли меҳнати учун ҳар қанча таҳсин ва ташаккурлар айтсак, арзийди.

🇺🇿🥊Ўзбекистон профессионал бокс федерацияси бугунги байрам билан устозларимизни, ўқитувчи ва мураббийларни чин қалбдан муборакбод этади. Барчаларига ҳурмат-эҳтиром ва самимий тилакларимизни изҳор қиламиз. Барча устоз ва мураббийларга бошимиз ерга теккунича таъзимдамиз!

🤲Шогирдлар бахтига ҳамиша соғ ва омон бўлинг, азиз устозлар!

✍️Ўзбекистон профессионал бокс федерацияси матбуот хизмати

Обуна бўлинг 👉 Телеграм

🇺🇿🇯🇵🔥Муроджон Аҳмадалиев: "Иноуэ, сени нокаут қиламан!"

Иккинчи энг енгил вазн тоифасида собиқ WBA ва IBF йўналишлари чемпиони Муроджон Аҳмадалиев яна бир бор эҳтимолий рақиби Наоя Иноуэга мурожаат қилди.

Чарм қўлқоп устамиз ўзининг ижтимоий тармоқдаги саҳифаси орқали япониялик жаҳон чемпионини қочиб юрмасликка чақирди.

"Иноуэ, қочиб юришни бас қил! Мен ўз чемпионлик камарларимни соғиндим. Уларни қайтариб олиш вақти келди. Қачонгача мендан қўрқиб, қочиб юрасан? Менга локация ташла! АҚШми, Япониями ёки бошқа давлат, очиғи менга бунинг фарқи йўқ. Чемпионлик камари учун исталган жойда жанг қилишга тайёрман. Мен сени нокаут эвазига мағлуб этаман", деди Аҳмадалиев.

Маълумот учун, 31 ёшли япониялик Наоя Иноуэ айни пайтда иккинчи энг енгил вазн тоифасида WBA, WBC, WBO ҳамда IBF камарлари соҳиби ҳисобланади. Муроджон Аҳмадалиев эса унинг WBA камари учун мажбурий даъвогар бўлиб турибди. Иноуэ 3 сентябрь куни австралиялик Ти Жей Дохени билан жанг қилиб, муддатидан олдин ғалаба қозонган эди.

Обуна бўлинг 👉 Телеграм