🇬🇧🥊Кун тарихи. Бундан 29 йил аввал, 1995 йилнинг шу куни Насим Хамед Стив Робинсонни 8-раундда техник нокаутга учратиб, рақибига тегишли ярименгил вазндаги WBO чемпионлик камарини тортиб олганди. Ўша жангда Стив титулини саккизинчи бор ҳимоя қилганди...

Обуна бўлинг 👉 Телеграм

🇺🇿🥊Янгиланган WBО рейтингидан 7 нафар боксчимиз жой олди

Бутунжаҳон бокс ташкилоти (WBО) сентябрь ойи учун янгиланган рейтингни эълон қилди.

🇺🇿Рейтингдан 7 нафар боксчимиз жой олган:

✅Ҳасанбой Дўсматов (биринчи ўта енгил вазн (48,8 кг): ўтган ойдагидан 2 поғона пастлаб, 10-ўринга жойлашди;

✅Олимжон Назаров (ўта енгил вазн тоифаси - 50,8 кг) ўтган ойдагидан бир поғона юқорилаб, 4-ўринни эгаллади;

✅Муроджон Аҳмадалиев (биринчи ярим енгил вазн тоифаси - 55,3 кг) ўтган ойдагидан 3 поғона пастлаб, 8-ўринни эгаллади;

✅Муҳаммад Шехов (биринчи ярим енгил вазн тоифаси - 55,3 кг) ўтган ойдагидан бир поғона юқорилаб, 5-ўринни эгаллади;

✅Шаҳрам Ғиёсов (яримўрта вазн тоифаси - 66,6 кг) ўтган ойдаги каби вазн пешқадами;

✅Бектемир Мелиқўзиев (суперўрта вазн - 76,2 кг) ўтган ойдагидан 2 поғона пастлаб, 11-ўринга жойлашди;

✅Баҳодир Жалолов (супероғир вазн - 90,7 кг) ўтган ойдагидек 15-ўринда қолди.

✍️Ўзбекистон профессионал бокс федерацияси матбуот хизмати

Обуна бўлинг 👉 Телеграм

🇺🇿🥊WBА рейтинги янгиланди. Уч боксчимиз 1-ўринда!

Бутунжаҳон бокс ассоциацияси (WBА) сентябрь ойи якунларига кўра янгиланган рейтингни эълон қилди.

Ушбу рейтингдан ўтган ойда бўлгани сингари 8 боксчимиз ўрин олган бўлиб, уларнинг 3 нафари ўз вазн тоифаларида 1-ўринни эгаллаб турибди. WBA расмий давлати Украина деб кўрсатилган ҳамюртимиз Ботир Аҳмедов 13-ўриндан 15-поғонага пастлади.

Отабек Холматов ва Бектемир Мелиқўзиев бир ўринга кўтарилиб олган. Отабекка фаолиятидаги ягона мағлубиятни тақдим этган Раймонд Форд аксинча, 5-ўринга тушди.

🇺🇿🥊Рейтингдаги боксчиларимиз:

✅Ҳасанбой Дўсматов - (минимал вазн) 1-ўрин (ўтган ойда ҳам 1-ўрин;)

✅Муроджон Аҳмадалиев (биринчи ярим енгил вазн) - ўтган ойдаги сингари 1-ўрин;

✅Муҳаммад Шехов (биринчи ярим енгил вазн) - 10-ўрин (ўтган ойда ҳам 10-ўрин);

✅Отабек Холматов (ярим енгил вазн) - 4-ўрин (ўтган ойда 5-ўрин эди);

✅Ботир Аҳмедов (супер енгил вазн) - 15-ўрин (ўтган ой 13-ўринда эди);

✅Шаҳрам Ғиёсов (яримўрта вазн) - ўтган ойдаги сингари 1-ўрин;

✅Исроил Мадримов (супер ярим ўрта вазн) - ўтган ойдаги сингари 3-ўрин;

✅Бектемир Мелиқўзиев (супер ўрта вазн) - 5-ўрин (ўтган ой 6-ўринда эди).

✍️Ўзбекистон профессионал бокс федерацияси матбуот хизмати

Обуна бўлинг 👉 Телеграм

🇬🇧🤣Тайсон Фьюри Энтони Жошуанинг устидан кулди

Супероғир вазнда собиқ WBC чемпиони Тайсон Фьюри ватандоши Энтони Жошуанинг устидан очиқчасига кулди.

Британиялик боксчи ўзининг ижтимоий тармоқдаги саҳифасига изоҳли сурат жойлади. Унда ўзи ва Жошуани таққослаган.

Жошуа. Менинг нонуштам тухум, ҳурмодан иборат. Кейин мен жуда кўп бўтқа, протеинли коктейль, бир стакан апельсин шарбати, бир стакан асал, лимон ва имбирдан иборат.

Фьюри. Эслайман, бир куни кечқурун 14 пинт пиво ичиб, кейин ТОП-10 рейтингида бораётган уч нафар супероғир вазн тоифаси жангчиси билан спарринг ўтказиб, уларнинг ҳаммасини додини бергандим.

Эслатиб ўтамиз, Тайсон Фьюри навбатдаги жангини 21 декабрь куни Саудия Арабистони пойтахти Ар-Риёд шаҳрида учта асосий йўналиш чемпиони бўлиб турган украиналик Александр Усикка қарши ўтказади.

Обуна бўлинг 👉 Телеграм

🇰🇿🥊Жанибек Алимханули техник нокаут эвазига чемпионлик камарини ҳимоя қилди

🇦🇺Австралиянинг Сидней шаҳрида навбатдаги профессионал бокс оқшоми ташкил этилди.

Турнирнинг марказий жанги ўрта вазн тоифасида IBF ва WBO камарлари соҳиби қозоғистонлик Жанибек Алимханули ҳамда Янги Зеландия вакили Андрей Михайлович ўртасида кечди. Ўн икки раундлик жанг тўққизинчи раундда тўхтатилди. Унда Алимханули рақибини техник нокаут эвазига таслим этди.

Шу тариқа, Жанибек ўзига тегишли бўлиб турган WBO ва IBF камарларини муваффақиятли ҳимоя қилди. Бу 31 ёшли Алимханули учун 16-жангидаги 16-ғалабаси бўлди. Михайлович эса 23-жангида илк бор мағлубиятни қабул қилиб олди.

Обуна бўлинг 👉 Телеграм

🇺🇿🥊Ўзбекистонлик икки боксчи Шон-шуҳрат залига киритилиши мумкин

Ўн саккиз карра жаҳон чемпиони Артур Григорян ҳамда яна бир ҳамюртимиз Орзубек Назаров шу йил бокс Шон-шуҳрат залига киритилиш учун номзодлар рўйхатига қўшилди.

Артур Григорян профессионал фаолиятини 1994 йилда бошлаган ва 2009 йилгача жанг қилган. У фаолияти давомида 39 та жанг ўтказиб, 38 ғалаба ва 1 мағлубият қайд этган. Григорян енгил вазн тоифасида WBO йўналиши бўйича Жаҳон чемпиони бўлган ва саккиз йил давомида ўз унвонини муваффақиятли ҳимоя қилган. Артур ҳаваскор бокс бўйича 1991 йилда Сиднейда (Австралия) бўлиб ўтган Жаҳон чемпионатида кумуш медалга эга чиққан эди.

Орзубек Назаров эса 1990 йилдан 1998 йилгача профессионал рингда жанг ўтказган. У енгил вазнда WBA йўналиши бўйича жаҳон чемпиони бўлган ва камарни беш йил давомида (1993-1998) ўзида ушлаб турган.

Обуна бўлинг 👉 Телеграм

🇺🇸🥊✅Расман! Жервонта Дэвиснинг навбатдаги жанги тасдиқланди

Бутунжаҳон бокс ассосиацияси (WBA) америкалик проф боксчи Жервонта Дэвис кейинги жангини чемпионлик камари учун ўтказишини маълум қилди.

Дэвис иккинчи ярим енгил вазнда WBA камари соҳиби, ҳамюрти Ламонт-Роуч билан жанг қилади. Ушбу жанг 14 декабрь куни АҚШнинг Техас шаҳрида ўтказилади.

Маълумот учун, Жервонта Дэвис ҳозирга қадар 30 та жанг ўтказиб, уларнинг барчасида зафар қучган. Америкалик 29 ёшли Ламонт-Роуч ҳисобида эса 25 ғалаба, 1 та мағлубият ва 1 дуранг бор.

Обуна бўлинг 👉 Телеграм

🇺🇿🇺🇸✅Расман! Бектемир Мелиқўзиев навбатдаги жангини 2 ноябрь куни ўтказади

2 ноябрь куни АҚШнинг Лас-Вегас шаҳридаги "Theatre at Virgin Hotels" мажмуасида Golden Boy промоутерлик компанияси ўзининг навбатдаги профессионал бокс оқшомини ўтказади.

Биз учун аҳамиятлиси, ушбу оқшомда мазкур компания билан ҳамкорлик қилувчи ягона ўзбекистонлик боксчи — Бектемир Мелиқўзиев ҳам рингга кўтарилади. Ўша куни Бектемирга америкалик Дэвид Стивенс рақиблик қилади.

Оқшомнинг марказий жанги эса Флойд Скофилд ва Рене Теллес ўртасида кечади.

Маълумот учун, айни пайтда Бектемир Мелиқўзиев ҳамда унинг бўлажак рақиби Дэвид Стивенснинг ҳисобида 14 тадан ғалаба ва 1 тадан мағлубият бор. Яъни, уларнинг статистикалари бир хил.

✍️Ўзбекистон профессионал бокс федерацияси матбуот хизмати

Обуна бўлинг 👉 Телеграм

🇺🇿🇺🇦✅Расман! Исроил Мадримов Усик-Фьюри кардида жанг ўтказади

Супер яримўрта вазн тоифасида собиқ WBA чемпиони Исроил Мадримовнинг навбатдаги жанги тафсилотлари эълон қилинди.

🇸🇦Хабар берганимиздек, чармқўлқоп устамиз 21 декабрь куни Ар-Риёд (Саудия Арабистони) шаҳрида ташкил этиладиган проф бокс оқшоми доирасида рингга кўтарилади. Ўша куни ҳамюртимизга украиналик Сергей Богачук рақиблик қилади.

Оқшомнинг марказий жанги эса супероғир вазн тоифасида собиқ WBC чемпиони Тайсон Фьюри ҳамда мазкур вазнда учта асосий камарни эгаллаб турган украиналик Александр Усик ўртасида кечади.

Эслатиб ўтамиз, Исроил Мадримов (10-1-1) ўзининг сўнгги жангини 4 август куни америкалик Теренс Кроуфордга қарши ўтказиб, ҳакамларнинг баҳсли қарори эвазига очколар ҳисоби билан мағлуб бўлганди. Украиналик 29 ёшли Сергей Богачук (24-2-0) эса ўзининг охирги жангини Вержил Ортисга қарши ўтказиб, имкониятни бой берган эди. 

Обуна бўлинг 👉 Телеграм

🇺🇿🥊Отабек Холматов: "Чемпионлар, тез орада сизлар билан учрашаман"

Ярим енгил вазн тоифасида WBA камари учун собиқ даъвогар Отабек Холматов Инстаграм саҳифаси орқали айни пайтдаги ҳолати ҳақида маълумот берди.

У апрель ойида тиззасидаги жароҳатини операция қилдирган эди.

"Тикланишим жуда яхши кечди! Тиззам аллақачон 90 фоизга яхшиланди, яна 2 ҳафтадан сўнг мен қайтишга тайёргарликни бошлайман! Рингга чиқишимни сабрсизлик билан кутяпман, мен соғломман! Ин Ша Аллоҳ, тез орада сизлар билан кўришаман, Чемпионлар", деб ёзди Холматов.

Эслатиб ўтамиз, Отабек Холматов март ойида WBA камари учун америкалик Раймонд Фордга қарши жанг қилиб, аламли тарзда имкониятни бой бериб қўйган эди. У айни пайтда ташкилот рейтингида 4-ўринни эгаллаб турибди.

Обуна бўлинг 👉 Телеграм

🇺🇿🇺🇦Исроил Мадримов рингга кўтариладиган Усик - Фьюри II оқшомнинг тўлиқ андеркарди билан танишинг

Оғир вазнда WBC, WBА, WBО ва IBO йўналишлари чемпиони Александр Усик ҳамда собиқ чемпион Тайсон Фьюри ўртасидаги реванш жангининг андеркарди эълон қилинди.

🇸🇦Бокс оқшоми 21 декабрь куни Ар-Риёд (Саудия Арабистони) шаҳрида бўлиб ўтади. Оқшом доирасида ҳамюртимиз Исроил Мадримов ҳам ўзининг навбатдаги жангини украиналик Сергей Богачукка қарши ўтказади.

✅Бокс оқшомининг андеркарди:

Сергей Богачук – ИСРОИЛ МАДРИМОВ

Мусо Итаума - Демси МакКин

Жонни Фишер - Девид Аллен

Деннис МакКенн - Питер МакГрейл

Исаак Лоу - Ли Макгрегор.

Обуна бўлинг 👉 Телеграм