🇺🇿🇲🇽🥊Муроджон Аҳмадалиев тайёргарликни давом эттирмоқда

Биринчи ярименгил вазнда собиқ жаҳон чемпиони, WBA камари учун расмий даъвогар Муроджон Аҳмадалиев (12-1, 9 КО) 14 декабрь куни Монте-Карлода навбатдаги жангини ўтказади.

Чарм қўлқоп устамиз Matchroom промоутерлик компанияси томонидан ташкил этилаётган проф бокс оқшомининг марказий жангида рингга кўтарилади. Жанг ярименгил вазнда вактинчалик WBA камари учун бўлиб ўтади.

Шу куни 29 ёшли боксчимиз мексикалик 27 ёшли Рикардо Эспиноса Франко (30-4, 25 КО)га қарши рингга чиқади. Бу боксчи WBA рейтингида 13-ўринни эгаллаб турибди. Рикардо Эспиноса Франко 2019 йилда енгил вазнда вақтинчалик WBO камари учун ҳам жанг ўтказган эди. Ўшанда у уч вазн тоифасида жаҳон чемпиони Жон Рил Касимерога 11-раундда нокаут билан ютқазганди. Жанг тўхтатилгунига қадар ҳакамлар ҳисоб-китобига кўра дуранг бўлиб турган эди.

Обуна бўлинг 👉 Телеграм

🇬🇧🥊Расман! Диллиан Уайтнинг навбатдаги жанги эълон қилинди

Супероғир вазндаги британиялик боксчи Диллиан Уайт (30-3, 20 КО)нинг навбатдаги жанги расман тасдиқланди.

🇬🇮🇬🇭У 15 декабрь куни ганалик Эбенезер Тетте (23-1, 20 КО)га қарши рингга чиқади. Ушбу бокс оқшоми Гибралтарда бўлиб ўтади.

Маълумот учун, 36 ёшли Уайт охирги марта шу йилнинг март ойида Кристиан Ҳаммерга қарши жанг ўтказиб, ғалаба қозонган эди.

Обуна бўлинг 👉 Телеграм

🇺🇿🇱🇹✅WBA: Станионис - Ғиёсов жанги бўйича келишувга эришди

Яримўрта вазн тоифасида литвалик WBA чемпиони Эймантас Станионис (15-0, 9 КО) ва унинг камарига мажбурий даъвогар Шаҳрам Ғиёсов (16-0, 9 КО)нинг жамоалари жанг бўйича келишувга эришди.

Бу ҳақда WBA ўз сайтида хабар берди.

Келишув шартлари ҳозирча эълон қилинмаган. Шу тариқа, бугун ўтказилиши керак бўлган очиқ промоутерлик савдоси бекор қилинди.

Эслатиб ўтамиз, Станионис сўнгги жангини май ойи бошида Габриэль Маэстрега қарши ўтказиб, очколар ҳисобига кўра ғалаба қозонганди. Ғиёсов эса 31 июль куни Мигель Парра билан жангда зафар қучган.

Обуна бўлинг 👉 Телеграм

🇨🇺🇺🇸🥊Тарихий жанглар туркумидан. Кубалик афсона Феликс Савон 1991 йил Гавана шаҳрида ўтган Панамерика ўйинларининг финал жангида америкалик Шэннон Бриггсга қарши рингга кўтарилганди. Ўша жангда Савон муддатидан аввал техник нокаут эвазига ғалаба қозонган эди...

Обуна бўлинг 👉 Телеграм

🇺🇿🥊✅Бобоусмон Батуровнинг навбатдаги рақиби ва жанг санаси тасдиқланди

Жиззахлик профессионал боксчимиз Бобоусмон Батуровнинг кейинги жанги расман эълон қилинди.

30 ёшли чарм қўлқоп устамиз 30 ноябрь куни Россия Федерациясининг Екатеринбург шаҳрида ташкил этиладиган RCC Boxing оқшомида рингга кўтарилади.

Батуровга ўша куни асли конголик, ҳозирда Люксембург шарафини ҳимоя қилаётган Майкл Кинг рақиблик қилади.

Маълумот ўрнида, Батуров проф фаолияти давомида ҳозирга қадар 4 та жанг ўтказиб, 3 ғалаба ва 1 та дуранг қайд этган. Кинг ҳисобида эса 6 ғалаба ва 2 мағлубият бор.

Обуна бўлинг 👉 Телеграм

🇺🇦🇬🇧💸Усик ва Фьюри реванш жангидан 190 млн доллар ишлаб олади

Супероғир вазн тоифасида жаҳон чемпиони Александр Усик ҳамда собиқ чемпиони Тайсон Фьюри ўртасидаги реванш жанги учун гонорарлар маълум бўлди.

Реванш жанги учун Усик умумий маблағнинг 60, Фьюри эса 40 фоизини олади. The Sportster нашри тарқатган хабарга кўра, гонорарнинг умумий миқдори 190 миллион долларни ташкил қилади. Усик 114 миллион, Тайсон эса 76 миллион долларни қўлга киритади.

🇸🇦📍Улар ўртасидаги жанг 21 декабрь куни Саудия Арабистони пойтахти Ар-Риёд шаҳрида бўлиб ўтади.

🇺🇿🇺🇦Мазкур кардда ҳамюртимиз Исроил Мадримов украиналик Сергей Богачукка қарши рингга кўтарилади.

Обуна бўлинг 👉 Телеграм

🇵🇭🇲🇽🥊Кун тарихи. 18 йил аввал, 2006 йилнинг шу куни Мэнни Пакьяо ва Эрик Моралес ўртасидаги учинчи жанг ўтказилганди. Унда Пакьяо рақибини учинчи раундда нокаутга учратган эди. Мэнни Пакьяонинг ушбу жанг учун кафолатланган гонорари $3 млн, Моралесники — $2,75 млн доллар бўлганди...

Обуна бўлинг 👉 Телеграм

🇺🇿🥊IBF'нинг янгиланган рейтингида биргина Шаҳрам Ғиёсов қолди

Халқаро бокс федерацияси (IBF) ноябрь ойи учун янгиланган рейтингни эълон қилди.

Яримўрта вазн (66,6 кг) вакили Шаҳрам Ғиёсов ўтган ойдагидан 1 поғона юқорилаб, 8-ўринни эгаллади. Биринчи ярименгил вазн (55,3 кг) тоифасидаги боксчимиз Муроджон Аҳмадалиев эса янгиланган рейтингга киритилмади. У ўтган ой рейтингида 4-ўринни эгаллаб турган эди.

Обуна бўлинг 👉 Телеграм

🇺🇸🥊Кун тарихи. Бундан роппа-роса 38 йил аввал, 1986 йилнинг 22 ноябрь куни афсонавий Майк Тайсон супероғир вазн тоифаси тарихидаги энг ёш жаҳон чемпионига айланганди. Ўшанда 20 ёшли Майк WBC чемпиони Тревор Бербикни нокаутга учратган эди.

АҚШнинг Лас-Вегас шаҳридаги Hilton Hotel аренада ўтган жангдаги ғалабаси эвазига у Флойд Паттерсон (21 ёш)нинг рекордии янгилаганди.

Қизиғи, Паттерсонни ҳам, Тайсонни ҳам (1985 йилгача, яъни вафотигача) мураббий Кас Д’Амато шуғуллантирганди...

Обуна бўлинг 👉 Телеграм

🇺🇿🇱🇹🥊Шаҳрам Ғиёсов - Эймантас Станионис чемпионлик жанги 1 март куни ўтказилиши мумкин

Яримўрта вазн тоифасидаги профессионал боксчимиз Шаҳрам Ғиёсов навбатдаги жангини WBA чемпиони литвалик Эймантас Станионисга қарши ўтказади.

Аввалроқ, боксчиларнинг жамоалари промоутерлик савдосидан олдин келишувга эришгани ҳақида хабар берилганди. Хориж нашрларининг маълум қилишича, Ғиёсов — Станионис чемпионлик жанги 2025 йилнинг 1 март куни АҚШнинг Бруклин шаҳридаги "Barclays Arena"да ташкил этиладиган проф бокс оқшоми доирасида ўтказилади. Жанг асосий карддан (PPV) ўрин олган.

Мазкур оқшомнинг марказий жангида аслида, 14 декабрь куни ўтказилиши керак бўлган, бироқ кейинчалик 1 март санасига кўчирилган Жервонта Дэвис ва Ламонт Роач баҳси ташкил этилади.

Бундан ташқари, турнир доирасида Жермалл Чарлонинг ҳам рингга қайтиши кутилмоқда.

Эслатиб ўтамиз, Станионис сўнгги жангини май ойи бошида Габриэль Маэстрега қарши ўтказиб, очколар ҳисобига кўра ғалаба қозонганди. Ғиёсов эса 31 июль куни Мигель Парра билан жангда зафар қучган.

Обуна бўлинг 👉 Телеграм

🇺🇿🥊Саиджамшид Жафаров профессионал боксда дебют қилади

🇷🇺30 ноябрь куни Россия Федерациясининг Екатеринбург шаҳрида профессионал бокс бўйича RCC Boxing оқшоми ташкил этилади.

Турнир доирасида яна бир чарм қўлқоп устамиз — Саиджамшид Жафаров ҳам рингга кўтариладиган бўлди. Унга ўша куни россиялик Гор Оганесян рақиблик қилади. Жанг 6 раунд этиб белгиланган.

Бу Жафаров учун проф фаолиятидаги илк жанги бўлади. Оганесян ҳисобида эса 1 та ғалаба, 1 мағлубият ва 1 та дуранг бор.

Аввалроқ, турнир доирасида Бобоусмон Батуровнинг ҳам рингга чиқиши ҳақида хабар берган эдик.

Обуна бўлинг 👉 Телеграм

🇺🇿🇺🇸🥊Собиқ жаҳон чемпиони: "Мадримов Кроуфордни мағлуб этганди. Мен унга мухлислик қиламан"

Профессионал боксда америкалик собиқ жаҳон чемпиони Крис Алгиери биринчи яримўрта вазнда собиқ WBA чемпиони Исроил Мадримовнинг Украина вакили Сергей Богачук билан жанги ҳақида гапирди.

"Кетма-кет икки мағлубият — бундан кейин ҳар икки боксчи учун тикланиш жуда қийин бўлади. Ҳозирча бу йигитлар жангларда яхши чиқиш қилиб, шоу кўрсатишмоқда. Ўйлайманки, бу икки йигитни эҳтимолий мағлубиятдан кейин яна кўрамиз. Бу дивизион анча катта, аммо Мадримов ва Богачук яхши ўсиб келаётган боксчилардан. Бу дивизион ҳақида гап кетганда, улар кучли бешликка киради.

Мадримов ҳаваскор боксдаги тажрибаси туфайли тез ўсиб келяпти. Иккаласи ҳам ғалаба қозонишни истайди, айниқса Богачук. Турки ал аш-Шейх бу йигитларга имконият бериш учун пул тикди.

Мен Мадримовга мухлислик қиламан. У ҳали ҳам ўзини чемпиондек тутади. Теренс Кроуфордга кичик ҳисобда ютқазди. Аммо мен бу жангда Исроил ғалаба қозонганига ишонаман. Бу дивизионда Кроуфорддан кейинги энг яхши боксчи Мадримов деб биламан", деди Алгиери.

Эслатиб ўтамиз, Исроил Мадримовнинг Сергей Богачукка қарши жанги 21 декабрь куни бўлиб ўтади.

Обуна бўлинг 👉 Телеграм

🇺🇿🇲🇽🥊Муроджон Аҳмадалиев иштирокидаги жангга уч ҳафтача қолди

Биринчи ярименгил вазнда собиқ жаҳон чемпиони, WBA камари учун расмий даъвогар Муроджон Аҳмадалиев (12-1, 9 КО) 14 декабрь куни Монте-Карлода навбатдаги жангини ўтказишидан хабарингиз бор.

Чарм қўлқоп устамиз Matchroom промоутерлик компанияси томонидан ташкил этилаётган проф бокс оқшомининг марказий жангида рингга кўтарилади. Жанг ярименгил вазнда вактинчалик WBA камари учун бўлиб ўтади.

Шу куни 29 ёшли боксчимиз мексикалик 27 ёшли Рикардо Эспиноса Франко (30-4, 25 КО)га қарши рингга чиқади. Бу боксчи WBA рейтингида 13-ўринни эгаллаб турибди. Рикардо Эспиноса Франко 2019 йилда енгил вазнда вақтинчалик WBO камари учун ҳам жанг ўтказган эди. Ўшанда у уч вазн тоифасида жаҳон чемпиони Жон Рил Касимерога 11-раундда нокаут билан ютқазганди. Жанг тўхтатилгунига қадар ҳакамлар ҳисоб-китобига кўра дуранг бўлиб турган эди.

Обуна бўлинг 👉 Телеграм

🇸🇦✅21 декабрь кунги бокс оқшомининг расмий постери эълон қилинди

🇺🇿🇺🇦Турнирнинг co main-event жангида собиқ WBA чемпиони Исроил Мадримов (10-1-1, 7 КО) собиқ вақтинчалик WBC камари соҳиби Сергей Богачук (24-2, 23 КО)ка қарши рингга чиқади.

🇺🇦🇬🇧Ар-Риёддаги оқшомнинг марказий жанги эса супероғир вазн тоифасида ўтказилади. Реванш мақомидаги ушбу жангда учта асосий камар соҳиби бўлиб турган украиналик Александр Усик британиялик Тайсон Фьюрига қарши рингга кўтарилади...

Обуна бўлинг 👉 Телеграм

🇺🇿🥊Исроил Мадримов янгиланган WBO рейтингида 10-ўринда қайд этилди, унинг бўлажак рақиби 14-поғонада!

Бутунжаҳон бокс ташкилоти (WBO) биринчи яримўрта вазн тоифасининг янгиланган рейтингини эълон қилди.

Рейтингда ҳамюртимиз собиқ WBA чемпиони Исроил Мадримов ўнинчи ўриндан жой олди. Унинг бўлажак рақиби украиналик Сергей Богачук эса 14-ўринни эгаллаб турибди. Улар ўртасидаги жанг 21 декабрь куни Саудия Арабистони пойтахти Ар-Риёд шаҳрида ташкил этилади.

✅WBO рейтинги:

1. Ксандер Заяс
2. Жош Келли
3. Чарльз Конвелл
4. Такеши Иноуэ
5. Хесус Рамос
6. Чердаль Букер
7. Хорхе Гарсия Перес
8. Фрейдис Рохас
9. Ардреал Холмс
10. Исроил Мадримов...
14. Сергей Богачук.

Обуна бўлинг 👉 Телеграм

🇺🇿🇫🇷🥊Расман! Баҳодир Жалолов 6 февраль куни Канадада жанг қилади

🇨🇦2025 йилнинг 6 февраль куни Канаданинг Монреал шаҳрида профессионал бокс оқшоми ташкил этилади.

Аввал хабар берганимиздек, океан ортидаги ушбу турнирда супероғир вазн тоифасидаги боксчимиз Баҳодир Жалолов ҳам рингга кўтарилади. Унга ўша куни франциялик Дэвид Спильмонт рақиблик қилади. Top Rank промоутерлик компанияси буни расман тасдиқлади. Ҳамюртимиз Артур Биярсланов ва Моҳамед Мимун ўртасидаги марказий жангнинг андеркардида рингга чиқади.

Маълумот учун, Баҳодир Жалолов профессионал боксдаги фаолияти давомида ҳозирга қадар 14 та жанг ўтказиб, уларнинг барчасида ғалаба қозонган. Сўнгги жангини 2023 йил 17 ноябрь куни Тошкентда ЖАР вакили Крис Томпсонга қарши ўтказиб, илк раунддаёқ нокаут орқали зафар қучганди.

Унинг бўлажак рақиби Дэвид Спильмонт эса шу кунгача 27 та жанг ўтказиб, 16 ғалаба, 8 мағлубият ва 1 та дуранг қайд этган. Ғалабаларининг 11 тасини нокаут орқали қўлга киритган.

Обуна бўлинг 👉 Телеграм