🇺🇦✅Sports Illustrated Александр Усикни йил боксчиси деб топилди

Супероғир вазн тоифасида асосий камарлардан учтасини ўзида сақлаб турган Александр Кличко WBC томонидан йил боксчиси деб топилганди.

Дунёга машҳур Sports Illustrated нашри ҳам украиналик жаҳон чемпионини 2024 йилнинг энг яхши боксчиси деб эълон қилди. Мағлубият ва муроса нималигини билмай келаётган Усик 2024 йилда 2 та жанг ўтказиб, ҳар иккисида собиқ WBC чемпиони Тайсон Фьюрини очколар ҳисобига кўра мағлубиятга учратди.

Боксчилар ўртасидаги дастлабки жанг 18 май куни бўлиб ўтган ва ўшанда Фьюри WBC чемпиони эди. Ўн икки раунд тўлиқ давом этган жангда Александр ҳакамларнинг айри қарори билан зафар қучганди. Ўша ғалаба эвазига Усик супероғир вазнда мутлақ жаҳон чемпионига айланганди. 21 декабрь куни Ар-Риёд шаҳрида бўлиб ўтган реванш жангида украиналик ҳакамларнинг якдил қарори билан ғалаба қозонди.

Обуна бўлинг 👉 Телеграм

🇦🇺🥊Теремоана Жуниор проф боксдаги олтинчи жангида ҳам муддатидан олдин ғалаба қозонди

Австралиянинг Голд-Кост шаҳрида профессионал бокс турнири бўлиб ўтмоқда.

Оқшом доирасида ўзбек боксчиларига яхши таниш бўлган австралиялик супероғир вазн тоифасидаги чарм қўлқоп устаси Теремоана Жуниор (6-0, 6 КО) ўзининг проф боксдаги олтинчи жангини ўтказди. У германиялик Осасу Отобо (11-2-1, 5 КО)ни биринчи раунддаёқ техник нокаутга учратди. Бу унинг олтинчи жангидаги олтинчи нокаутли ғалабаси бўлди.

Эслатиб ўтамиз, кеча 26 ёшли Теремоана ҳамюртимиз Баҳодир Жалоловга қарши проф рингда жанг ўтказиш ва ҳаваскор боксдаги икки мағлубияти учун реванш олиш истагида эканини айтган эди. Жалолов Париж Олимпиадасининг чорак финалида айнан Теремоанани очколар ҳисобига кўра мағлубиятга учратган эди.

Обуна бўлинг 👉 Телеграм

🇯🇵🇺🇿🥊Наоя Иноуэ мутлақ чемпионлик унвонини йўқотади, Аҳмадалиев автоматик тарзда тўлақонли чемпионга айланиши мумкин

Япониялик боксчи, иккинчи ўта енгил вазн тоифасида мутлақ жаҳон чемпиони Наоя Иноуэнинг WBA камаридан маҳрум бўлиши кутилмоқда.

Ҳамюртимиз Муроджон Аҳмадалиевнинг промоутери Эдди Хирннинг айтишича, Иноуэ мексикалик Алан Пикассо билан жанг қилишга рози бўлган. Шу сабабли, у WBA камаридан маҳрум бўлади. Вақтинчалик чемпион Муроджон Аҳмадалиев эса тўлақонли чемпион деб эълон қилинади.

Лекин бу Иноуэ - Аҳмадалиев жанги ўтказилмайди дегани эмас. Хирн улар ўртасидаги жангни 2025 йил охирида ташкил этишга уриниб кўрмоқчи.

Эслатиб ўтамиз, Наоя Иноуэ 24 январь куни IBF йўналиши бўйича даъвогар Сэм Гудманга қарши жанг ўтказади.

Обуна бўлинг 👉 Телеграм

🇺🇿🇺🇸🥊Исроил Мадримов - Теренс Кроуфорд жанги йилнинг энг яхшиси бўлиши мумкин

Хабар берганимиздек, нуфузли The Ring журнали бир нечта номинация бўйича 2024 йилнинг энг яхшиларини аниқламоқда.

Эътиборлиси, супер яримўрта вазн тоифасидаги чарм қўлқоп устамиз Исроил Мадримовнинг америкалик машҳур Теренс Кроуфордга қарши чемпионлик ҳимоя жанги йилнинг энг яхши оқшоми номинациясига киритилган. Ўша жангда Кроуфорд ҳакамларнинг баҳсли қарори билан очколар ҳисобига кўра ғалаба қозонган эди.

Обуна бўлинг 👉 Телеграм

🇯🇵🇰🇷🥊Наоя Иноуэ Гудманнинг ўрнига кореялик боксчи билан жанг қилади

24 январь куни Токио (Япония) шаҳрида профессионал бокс оқшоми ташкил этилади.

Турнирнинг марказий жангида иккинчи энг енгил вазн тоифасида мутлақ жаҳон чемпиони бўлиб турган япониялик Наоя Иноуэ австралиялик Сэм Гудманга қарши рингга чиқиши керак эди.

Аммо жанг иккинчи бор бекор қилинди. Бунга Сэмнинг жароҳатидан тиклана олмагани сабаб бўлди. Энди Наоя 24 январь куни Гудманнинг ўрнига кореялик Е Чжун Ким (21-2-2, 13 KO) билан баҳс олиб боради.

32 ёшли Ким ҳозирда WBО рейтингида 11-ўринни эгаллаб турибди. WBC, WBA ва IBF рейтингларида эса ҳатто кучли 15 таликка ҳам киритилмаган. Шунга қарамай, жангда япониялик чарм қўлқоп устасининг барча камарлари ўртага қўйилиши кутилмоқда.

Обуна бўлинг 👉 Телеграм

🇺🇿🇺🇸👀Исроил Мадримов ва Виржил Ортис face to face маросимини ўтказиб олишди

Ушбу тадбир ҳозиргина Лондон шаҳрида ўтказилди.

Супер яримўрта вазн тоифасидаги профессионал боксчимиз, собиқ WBA чемпиони Исроил Мадримов 22 февраль куни Саудия Арабистони пойтахти Ар-Риёд шаҳрида ташкил этиладиган бокс оқшоми доирасида WBC Interim чемпиони Вержил Ортисга қарши рингга кўтарилади.

Обуна бўлинг 👉 Телеграм