🇺🇿🥊Шаҳрам Ғиёсов навбатдаги жанг санаси ва манзилини эълон қилди

Яримўрта вазн тоифасидаги чарм қўлқоп устамиз Шаҳрам Ғиёсов навбатдаги жанги бўйича тафсилотларни очиқлади.

Ҳамюртимиз 12 апрель куни Нью-Жерсида ташкил этиладиган проф бокс оқшомида рингга кўтарилади. Ўша куни унга мексикалик боксчи рақиб бўлади.

Ғиёсов Атлантик Ситида ташкил этиладиган бокс турнирида рингга чиқади. Унинг марказий жанги яримўрта вазнда WBA чемпиони Эймантас Станионис ҳамда IBF чемпиони Жейрон Эннис ўртасида кечади.

Шаҳрам Ғиёсов эса бўлажак жангида ғалаба қозонса, кейинги жангини айнан Эннис — Станионис баҳси ғолибига қарши ўтказади.

Обуна бўлинг 👉 Телеграм

🇺🇿🇺🇸🥊Сергей Богачук: "Исроил Мадримов Виржил Ортис ҳам кучли, ҳам ақллироқ"

Биринчи ўрта вазн тоифасида собиқ вақтинчалик WBC чемпиони Сергей Богачук бугун тунда ўтказиладиган жангда кимнинг имконияти юқори экани ҳақида гапирди.

"Ўйлашимча, жангда Мадримов ғалаба қозонади. У Ортисга қараганда анча кучли боксчи. Унинг ҳаваскор боксдаги фаолияти ҳам муваффақиятли чиққан. Профессионал боксда ҳам зўр одимлаяпти. Исроил кучли ва ақллироқ. Виржилга қарши жанг ўтказган боксчи сифатида шуни айтишим мумкин, Ортиснинг жағи заиф. Бекорга уни икки бор нокдаун ҳолатига тушириб қўймаганман. Ўйлайманки, Мадримов бу жангни кўриб чиққан ва мен айтаётган камчиликларига эътибор қаратган. Исроил мен каби чап хук ва ўнг томондан бериладиган зарбаларга таянса, жангда аниқ ғалабага эришади.

Фикримча, Мадримов Ортисни жанг давомида бир-икки бор нокдаун ҳолатига тушириб, якунда ҳакамлар қарорига кўра рақибини мағлубиятга учратади. Нокаут ҳам бўлиши мумкин. Буни ҳам инкор эта олмайман. Бу менинг субъектив фикларим. Мен ўша жангда Виржилнинг зарбаларини ўзимда ҳис қилмагандим. Тана қисмим ёки бошимга ўтказиб юборган зарбалар кучсиз эди. Мадримовнинг зарбалари эса аксинча, жуда кучли. Агар у яхши позициядан аниқ ва кучли зарба бера олса, жангнинг муддатидан аввал якунланиш эҳтимоли ҳам йўқ эмас.

Ортис — яхши боксчи, у бу менга қарши жангда исботлади. Нокдаун ҳолатларидан кейин ўзига келиб, жангни давом эттира олиши мумкинлигини кўрсатди. Унда характер бор. Бу Виржилнинг ижобий жиҳатлари. Лекин Мадримов умумий олганда барибир кучлироқ кўриняпти. Тажриба эвазига у жангда ғалаба қозонади. Исроил жуда ақлли боксчи", — дея Богачукнинг сўзларини келтиради Boxingscene.

Украиналик боксчи ўтган йилнинг август ойида деярли тенг кечган 12 раундлик жангда Виржил Ортисга ҳакамларнинг қарори билан очколар (113–113, 112–114, 112–114) ҳисоби бўйича ютқазиб қўйганди. Декабрда ўтказилиши белгиланган Мадримов - Богачук жанги эса ҳамюртимизнинг жароҳати сабаб бекор қилинганди.

Обуна бўлинг 👉 Телеграм

🇺🇿🇺🇸😔Исроил Мадримов Виржил Ортисга ютқазиб қўйди

🇸🇦Саудия Арабистони пойтахти Ар-Риёд шаҳрида давом этаётган проф бокс оқшоми доирасида Исроил Мадримов иштирокидаги жанг бўлиб ўтди.

Супер яримўрта вазн тоифасида жанг қилувчи ҳамюртимизга WBC Interim чемпиони, америкалик Виржил Ортис ЖР рақиблик қилди.

Афсуски, 12 раунд тўлиқ давом этган чемпионлик жангида ҳакамларнинг якдил қарори билан (117-111, 115-113, 115-113) Виржил Ортис ғалаба қозониб, камарини ўзида сақлаб қолди. Жангнинг бешинчи раундигача тўлиқ устунлик Мадримов томонида бўлганини таъкидлаш жоиз.

Обуна бўлинг 👉 Телеграм

🇷🇺Реванш олинди. Дмитрий Бивол мутлақ жаҳон чемпиони!

🇸🇦Ҳозиргина Саудия Арабистони пойтахти Ар-Риёд шаҳрида узоқ кутилган катта профессионал бокс оқшоми якунига етди.

Турнирнинг марказий жанги яримоғир вазн тоифасида мутлақ жаҳон чемпиони, 40 ёшли Артур Бетербиев ҳамда 34 ёшли Дмитрий Бивол ўртасида кечди.

Ўн икки раундга мўлжалланган жанг тўлиқ давом этди ва якунда Бивол ҳакамлар қарори билан (114-114, 116-112, 115-113) ғалаба қозониб, яримоғир вазн тоифасида янги мутлақ чемпионга айланди.

Обуна бўлинг 👉 Телеграм

🇷🇺🎙️Дмитрий Бивол: "Собиқ жаҳон чемпиони дейишаётгани ёқмаётганди"

Обуна бўлинг 👉 Телеграм

🇷🇺🥊Бивол - Бетербиев трилогияси "Лужники" стадионида ўтказилиши мумкин

Россиялик яримоғир вазн тоифаси вакиллари Дмитрий Бивол ва Артур Бетербиев ўртасидаги учинчи жангнинг ўтказилиш эҳтимоли ошди.

🇸🇦Кеча Ар-Риёд шаҳрида ўтган жангда келиб чиқиши қирғизистонлик бўлган Дмитрий Бивол рақибини очколар ҳисобига кўра мағлуб этиб, яримоғир вазн тоифасида мутлақ жаҳон чемпионига айланган эди. Бу билан у илк жангдаги мағлубият учун реванш олиш баробарида 40 ёшли Бетербиевга фаолиятидаги илк мағлубиятни тақдим этганди.

Боксчилар учинчи жангга ҳам қарши эмас. Трилогия Россия Федерацияси пойтахти Москва шаҳрида ўтказилиши мумкин. Бу ҳақда Халқаро бокс ассоциацияси (IBA) президенти Умар Кремлёв хабар берди.

"Ўйлашимча, биз учун учинчи жанг керак. Уларнинг ҳар иккиси ҳам дунёнинг энг яхши боксчилари. Трилогияни 100 000 томошабинни ўз бағрига сиғдира олувчи "Лужники" стадионида ўтказишимиз керак. Агар сиз буни истасангиз, неч пул сарфлашдан қатъи назар, биз жангни Москвага олиб келамиз. Музокараларни эртагаёқ бошлаймиз", – деди Кремлёв.

Кечаги ғалаба эвазига Дмитрий Бивол ўз қўлида WBC, IBF, WBO, WBA, IBO ва The Ring камарларини бирлаштирди.

Обуна бўлинг 👉 Телеграм

🇺🇿🇯🇵🥊Муроджон Аҳмадалиевнинг менежери: "Наоя Иноуэ жамоаси билан музокараларимиз ижобий кетяпти"

Иккинчи энг енгил вазн тоифасида WBA Interim чемпиони, ўзбекистонлик Муроджон Аҳмадалиевнинг менежери Вадим Корнилов дивизионнинг мутлақ чемпиони Наоя Иноуэнинг вакиллари билан жанг бўйича музокара олиб борилаётганини айтди.

"Аслида, ҳозирга келиб ҳаммаси ойдинлашмоқда. Иноуэ жамоаси билан ижобий музокаралар олиб боряпмиз. Унинг май ойида, кейин эса 14 сентябрда Японияда жанг ўтказиши ҳақида кўп гапирилмоқда. Декабрни кутамиз", деди Корнилов.

The Ring хабарига кўра, Иноуэ ва Аҳмадалиев қарама-қаршилиги 2025 йил охирида ташкил этилиши мумкин.

Аввалроқ, Наоя 3 май куни Девид Пикассога қарши жанг қилиши мумкинлиги ҳақида хабарлар тарқалган эди.

Обуна бўлинг 👉 Телеграм

🇺🇿🇻🇪🥊Бугун Абдумалик Халоков Испанияда проф боксдаги иккинчи жангини ўтказади

🇪🇸Бугун Испаниянинг Севилья шаҳридаги Centro Deportivo San Pablo мажмуасида профессионал бокс турнири ташкил этилади.

Биз учун аҳамиятлиси, унинг кардидан ҳамюртимиз Абдумалик Халоков иштирокидаги жанг ҳам ўрин олган. Париж-2024 Олимпиадаси чемпиони профессионал боксдаги иккинчи жангида венесуэлалик Марлемброн Акуньяга қарши рингга кўтарилади.

Жанг 6 раунд этиб белгиланган кеча боксчилар тарозидан ўтиш маросимида ҳозир бўлишди ва уларнинг ҳар иккиси ҳам белгиланган вазн меъёрини бажарди.

Маълумот учун, тажрибали Акунья проф боксда 25 та жанг ўтказиб, 13 ғалаба, 11 мағлубият ва 1 та дуранг қайд этган. Абдумалик Халоков эса проф боксдаги дебют жангини 2023 йилнинг 17 ноябрь куни Тошкентда украиналик Олександр Егоровга қарши ўтказиб, иккинчи раунддаёқ нокаут эвазига зафар қучганди.

Обуна бўлинг 👉 Телеграм

🇺🇿🇻🇪🥊Абдумалик Халоков проф боксдаги иккинчи ғалабасини қўлга киритди

🇪🇸Испаниянинг Севилья шаҳрида профессионал бокс турнири ўтказилди.

Оқшом доирасида Париж Олимпиадаси чемпиони Абдумалик Халоков профессионал боксдаги иккинчи жангида венесуэлалик Марлемброн Акуньяга қарши рингга чиқди. Олти раундга белгиланган жанг тенг ярмида чарм қўлқоп устамизнинг техник нокаутли ғалабаси билан якунланди.

Обуна бўлинг 👉 Телеграм

🎁🎂Шаҳобиддин Зоировни табриклаймиз!

Бугун Олимпиада ва жаҳон чемпиони Шаҳобиддин Зоиров ўз таваллуд кунини нишонламоқда. Профессионал боксчимиз яна бир ёшга улғайди.

🇺🇿🥊Ўзбекистон профессионал бокс федерацияси "Ўзбекистон ифтихори" фахрий унвони соҳиби Шаҳобиддин Зоировни бугунги таваллуд айёми билан муборакбод этади. Унга сиҳат-саломатлик, оилавий бахт, профессионал боксдаги фаолиятида зафар ёр бўлишини тилаймиз.

Обуна бўлинг 👉 Телеграм

🇺🇿🇲🇽👀Руслан Абдуллаев эртанги жанги олдидан рақиби билан юзма-юз келди

Аввалроқ, ҳаваскор боксда жаҳон чемпиони Руслан Абдуллаев профессионал боксдаги дебют жангини эртага Калифорнияда ўтказиши ҳақида хабар бергандик.

Бугун тонгда Абдуллаев рақиби мексикалик Хосе Валензуела Алварада билан юзма-юз келди.

⏰Ушбу жанг эртага Тошкент вақти билан соат 7:00 дан кейин бошланиши кутилмоқда.

Обуна бўлинг 👉 Телеграм