🇺🇿🥊Руслан Абдуллаев мексикалик Хосе Валензуела Алварадани шу тарзда нокаутга учратди...

Обуна бўлинг 👉 Телеграм

🇺🇿🇲🇽🥊Руслан Абдуллаев ва Хосе Валензуела Алварада ўртасидаги тўлиқ жанг...

Обуна бўлинг 👉 Телеграм

🇯🇵🇺🇿🥊The Ring тасдиқлади. Наоя Иноуэ 2025 йилда иккита жанг ўтказади

Иккинчи энг енгил вазн (55,3 кг) тоифасида мутлақ жаҳон чемпиони япониялик Наоя Иноуэнинг 2025 йилда иккита жанг ўтказиши тасдиқланди.

Бу ҳақда Саудия Арабистони кўнгилочар бошқармаси бошлиғи Турки Ал аш-Шейхга тегишли The Ring нашри хабар берди.

Манбанинг хабар беришича, Наоя 4 май куни Лас-Вегасда мексикалик Рамон Карденасга қарши рингга кўтарилади. Ғалаба қозонган тақдирда, 14 сентябрда Токио шаҳрида ҳамюртимиз Муроджон Аҳмадалиевдан камарларини ҳимоя қилади. Муроджон айни пайтда Индиодаги ўзбек боксчилари қароргоҳида машғулот ўтказяпти.

Маълумот учун, 31 ёшли Наоя Иноуэ 2012 йилда профессионал боксда дебют қилган. Олтинчи жангида биринчи ўта енгил вазн (50,8 кг) тоифасида WBC чемпионлик камарини қўлга киритган.

Обуна бўлинг 👉 Телеграм

💐💐🌹Байрам муборак, азиз аёллар!

Баҳор – аёллар каби нозик, улар каби гўзал ва тароватли фасл. Бежиз уни фасллар келинчаги дейишмайди. Бугун кимдир онаси, яна кимдир вафодор ёри, опа-синглиси, устози, синфдоши, қўйингки ўзи таниган-билган нозик ҳилқат вакилларини табриклашга, бир оғиз ширин сўз билан кўнглини олишга ошиқади.

Ўзбекистон профессионал бокс федерацияси азиз ва дилбар опа-сингиллар, муҳтарама онажонларимизни нафосат ва гўзаллик байрами – 8 март Халқаро хотин-қизлар куни муносабати билан самимий муборакбод этади. Ҳамиша хонадонингиз фариштасию бекаси, севимли ва вафодор ёр, меҳрибон она, яқинларингиз ардоғида бўлиб юринг!

✍️Ўзбекистон профессионал бокс федерацияси матбуот хизмати

Обуна бўлинг 👉 Телеграм

🇺🇿🥊Отабек Холматов бир йиллик танаффусдан кейин рингга қайтмоқда

Ярименгил вазн тоифасида WBA камари учун собиқ даъвогар, ўзбекистонлик профессионал боксчи Отабек Холматов рингга қайтмоқда.

Холматов 5 апрель куни Қозоғистоннинг Астана шаҳрида Top Rank промоутерлик компанияси томонидан ташкил этиладиган бокс оқшомида иштирок этади. Унга ўша куни филиппинлик боксчи Жейсон Каной рақиб бўлади.

Ҳамюртимиз ҳозирда мазкур жанг учун АҚШнинг Калифорния штати, Индио шаҳрида Бектемир Мелиқўзиев, Муроджон Аҳмадалиев каби ўзбекистонлик чарм қўлқоп усталари билан бирга тайёргарлик олиб бормоқда.

Маълумот учун, Отабек Холматов фаолияти давомида 13 та жанг ўтказиб, 12 ғалаба ва 1 мағлубият қайд этган. У сўнгги жангини ўтган йилнинг март ойида вакант бўлиб турган WBA камари учун Раймонд Фордга қарши ўтказиб, имкониятни бой берганди.

Таққослаш учун, Каной ҳисобида эса 30 ғалаба, 12 мағлубият ва 2 та дуранг бор.

Обуна бўлинг 👉 Телеграм

🇺🇿🥊👏WBC Гран-Присида иштирок этадиган боксчиларимиз 5 нафарга етди!

Аввалроқ, боксчиларимиз Абдумалик Халоков ва Мужибилло Турсунов WBC томонидан ташкил этиладиган Гран-При турнирида қатнашиши хабар қилинганди.

Маълум бўлишича, яна уч ҳамюртимиз - Олимпиада чемпиони Лазизбек Мулложонов, шунингдек Камронбек Эшматов ва Суҳроб Қаюмов ҳам Бутунжаҳон бокс кенгаши томонидан ўтказиладиган Гран-При мусобақасида иштирок этади.

Шу тариқа, ҳозирча мазкур мусобақада қатнашадиган ўзбекистонликлар сони 5 нафарга етди.

Обуна бўлинг 👉 Телеграм

🇸🇦🥊WBC Гран-приси апрель ойида старт олади

Бутунжаҳон бокс кенгаши (WBC) илк бор катта масштабдаги Гран-при мусобақасини ўтказиши ҳақида эълон қилганди.

Ушбу турнирнинг апрель ойида Саудия Арабистонида бошланиши расман эълон қилинди. WBC Гран-при турнирида 41 давлатдан 128 нафар боксчи иштирок этади. Олимпия тизимида ўтадиган мусобақада 4 та вазнда жанглар ташкил этилади ва уларнинг ҳар бирида 32 нафардан боксчи чемпионлик учун рингга кўтарилади.

Гран-при 5 та босқичдан иборат бўлади. Сўнгги босқич йил охирида ўтказилади. Турнирда иштирок этиш учун чегаралар бор: боксчиларнинг ёши 26 дан, проф рингда ўтказган жанглари 16 тадан ошмаслиги шарт.

💸WBC Гран-приси учун белгиланган мукофот пуллари:

1/16 финал — ғолибга 15 000, мағлубга 7 500 АҚШ доллари;

1/8 финал — ғолибга 20 000, мағлубга 10 000 доллар;

1/4 финал — ғолибга 35 000, мағлубга 15 000 доллар;

1/2 финал — ғолибга 50 000, мағлубга 25 000 доллар;

Чемпион — 100 000 доллар.

Шу тариқа, ҳар бир вазн чемпионлари Гран-придаги иштирокларидан жами 220 000 АҚШ доллари ишлаб олишади.

🇺🇿🥊Ўзбекистондан 5 нафар боксчи - Абдумалик Халоков, Мужибилло Турсунов, Лазизбек Мулложонов, Камронбек Эшматов ва Суҳроб ҚаюмовWBC Гран-присида иштирок этади.

Обуна бўлинг 👉 Телеграм

🇺🇿🥊Расман. Баҳодир Жалолов навбатдаги жанги санаси ва манзилини тасдиқлади!

Супероғир вазн тоифасидаги боксчимиз Баҳодир Жалолов кейинги жанги бўйича маълумотларни очиқлади.

Ҳамюртимиз аввал хабар берилганидек, 5 апрель куни Қозоғистоннинг Астана шаҳрида Top Rank промоутерлик компанияси ташкил этадиган бокс оқшомида рингга кўтарилади. Унга ким рақиблик қилиши ҳақида аниқ маълумотлар ҳозирча йўқ. Жалоловнинг қозоғистонлик Иван Дичко билан жанг қилишини тахмин қилмоқда.

Эслатиб ўтиш жоиз, Жалолов 7 февраль куни Канаданинг Монреаль шаҳрида ўтказилган проф бокс оқшоми доирасида франциялик Девид Спилмонт билан жанг қилиши керак эди. Аммо ташкилотчилар Баҳодирнинг юзидаги ҳуснбузар туфайли жангни бекор қилишганди.

Маълумот учун, 5 апрель куни "Барыс Арена"да ўтказиладиган турнирнинг марказий жангида ўрта вазн тоифасида IBF ва WBO йўналишлари чемпиони қозоғистонлик Жанибек Алимханули (16-0, 11 KO) келиб чиқиши конголик, ҳозирда Франция шарафини ҳимоя қилаётган Анауэль Нгамиссенге (14-0, 9KO)га қарши рингга кўтарилади. Шунингдек, Астанадаги турнирда қозоғистонлик ака-ука Маҳмуд ва Торехан Сабирхонлар профессионал боксдаги дебют жангларини ўтказишади.

Ҳамюртларимиздан эса Баҳодир Жалоловдан ташқари ярименгил вазн тоифасида WBA камари учун собиқ даъвогар Отабек Холматов иштирок этади.

Обуна бўлинг 👉 Телеграм

🇺🇿🥊✅Расман. Руслан Абдуллаев Golden Boy промоутерлик компанияси билан шартнома имзолади

Фаолиятини профессионал боксда давом эттираётган ўзбекистонлик жаҳон чемпиони Руслан Абдуллаев афсонавий Оскар Де Ла Хойя бошчилигидаги Golden Boy промоутерлик компанияси аъзосига айланди. Бу ҳақда компания матбуот хизмати хабар берди.

22 ёшли Руслан проф фаолияти давомида ҳозирча битта жанг ўтказиб, ғалабага эришган. У 7 март куни Индио шаҳрида бўлиб ўтган бокс оқшоми доирасида Хосе Валенсуэла Альварадони нокаутга учратган эди.

🤝Golden Boy компанияси билан Абдуллаевдан ташқари яна бир ўзбекистонлик боксчи — Бектемир Мелиқўзиев ҳам ҳамкорлик қилади.

Обуна бўлинг 👉 Телеграм

🇯🇵🇺🇸🥊Расман: Наоя Иноуэ 4 йиллик танаффусдан кейин АҚШда жанг ўтказади

Иккинчи энг енгил вазнда мутлақ жаҳон чемпиони, япониялик Наоя Иноуэ (29-0, 26 КО) ҳамда америкалик Рамон Карденас (26-1, 14 КО) ўртасидаги жанг расман эълон қилинди.

🇺🇸Чемпионлик жанги 4 май куни АҚШнинг Лас-Вегас шаҳридаги T-Mobile Arena мажмуасида бўлиб ўтади. Бу Иноуэнинг 2021 йилдан бери АҚШдаги илк жанги бўлади.

Наоя ушбу жангда ғалаба қозонган тақдирда сентябрь ойида Японияда WBA Interim чемпиони, ўзбекистонлик Муроджон Аҳмадалиев билан тўқнаш келади.

Обуна бўлинг 👉 Телеграм

🇺🇦🇳🇿🥊WBO Александр Усикка расмий даъвогар берди

Бутунжаҳон бокс ташкилоти Александр Усикка WBO камарини ҳимоя қилиши учун расмий ва мажбурий рақиб тайинлади.

Украиналик жаҳон чемпиони ўз камарини Янги Зеландия вакили Жозеф Паркердан ҳимоя қилади. Боксчилар ва уларнинг жамоалари ихтиёрида келишиб олиш учун 30 кун муҳлат бор. Агар белгиланган муддатда томонлар келишувга эришмаса, WBO промоутерлар учун очиқ савдо эълон қилади.

Айни пайтда Александр Усикнинг асосий мақсади яна мутлақ жаҳон чемпиони бўлиш. Бунинг учун у IBF чемпионлик камарини қайтариб олиши керак бўлади. Ҳозирда ушбу камар Даниэль Дюбуага тегишли бўлиб турибди. Усикнинг менежери Александр Красюкнинг айтишича, ҳозирда Дюбуанинг жамоаси билан музокара давом этмоқда.

Обуна бўлинг 👉 Телеграм

🇲🇽🇨🇺🥊Сауль Альварес - Уильям Скалл оқшомининг тўлиқ карди тасдиқланди

🇸🇦3 май куни Саудия Арабистони пойтахти Ар-Риёд шаҳрида Riyadh Season промоушени томонидан навбатдаги катта проф бокс оқшоми ўтказилади.

Ташкилотчилар ушбу турнирнинг тўлиқ кардини тасдиқлашди. Асосий жанг тўрта вазн тоифасида жаҳон чемпиони Сауль Альварес (62-2-2, 39 KO) иштирокида бўлиб ўтади. Мексикалик афсона иккинчи ўрта вазн (76,2 кг) тоифасида мутлақ жаҳон чемпионлиги учун кубалик Уильям Скалл (23-0, 9 KO)га қарши рингга кўтарилади. Сауль "Канело" Riyadh Season билан тўртта жанг учун шартнома имзолаган.

Оқшомнинг co main-event жангида мексикалик яна бир таниқли боксчи Хайме Мунгиа франциялик Бруно Сурасга қарши реванш жангини ўтказади. Мунгиа ўтган йилнинг декабрь ойида ўзи туғилиб ўсган Тихуана шаҳрида ўтган илк жангда Сурасга кутилмаганда ютқазиб қўйганди. Француз боксчиси номдор рақибини ҳамюртлари кўз ўнгида олтинчи раундда нокаутга учратган эди.

Яна бир қизиқарли жанг супероғир вазнда Мартин Баколе ва Эфе Аджагба ўртасида кечади. Февраль ойида Баколе жароҳат сабаб сафдан чиққан Дэниэль Дюбуанинг ўрнига Жозеф Паркерга қарши жанг ўтказишга розилик берганди. Икки кун қолганда жангни қабул қилиб олган Мартин иккинчи раунддаёқ нокаутга учраган эди.

Биринчи оғир вазнда янги WBC чемпиони Баду Жек канадалик мажбурий даъвогар Райан Розицкидан ўз камарини ҳимоя қилади. Шунингдек, 3 май кунги турнирда мексикалик 23 ёшли Марко Верде профессионал боксдаги дебют жангини ватандоши Мичел Галван Полина (4-5-3, 2 КО)га қарши ўтказади. Марко ўтган йили Париж-2024 Олимпиадасида кумуш медални қўлга киритганди.

🇸🇦Riyadh Season турнирининг тўлиқ карди:

Сауль Альварес (Мексика) — Уильямс Скалл (Куба)

Хайме Мунгия (Мексика) – Бруно Сурас (Франция)

Мартин Баколе (Конго Демократик Республикаси) – Эфе Аджагба (Нигерия)

Баду Жек (Швеция) – Райан Розицки (Канада)

Брайан Леон (Куба) – Аарон Герреро (Мексика)

Марко Верде (Мексика) – Мишель Полина (Мексика)

Обуна бўлинг 👉 Телеграм