🇺🇿🇰🇿🥊Расман. Отабек Холматовнинг Қозоғистонда жанг қилиши тасдиқланди

Ярименгил вазн тоифасида WBA камари учун собиқ даъвогар, ўзбекистонлик профессионал боксчи Отабек Холматовнинг навбатдаги жанги тасдиқланди.

Аввал маълум қилганимиздек, Холматов 5 апрель куни Қозоғистоннинг Астана шаҳрида Top Rank промоутерлик компанияси томонидан ташкил этиладиган бокс оқшоми доирасида филиппинлик боксчи Жейсон Канойга қарши рингга кўтарилади.

Ушбу жанг ташкилотчилар томонидан расман тасдиқланди. Ҳамюртимиз ҳозирда мазкур жангига АҚШнинг Калифорния штати, Индио шаҳрида Бектемир Мелиқўзиев, Муроджон Аҳмадалиев каби ўзбекистонлик чарм қўлқоп усталари билан бирга тайёргарлик кўрмоқда.

Маълумот учун, Отабек Холматов фаолияти давомида 13 та жанг ўтказиб, 12 ғалаба ва 1 мағлубият қайд этган. У сўнгги жангини ўтган йилнинг март ойида вакант бўлиб турган WBA камари учун Раймонд Фордга қарши ўтказиб, 12-раунд якунланишига бир неча сониягина қолган бир паллада аламли тарзда имкониятни бой берганди.

Таққослаш учун, Каной ҳисобида 30 ғалаба, 12 мағлубият ва 2 та дуранг бор.

Обуна бўлинг 👉 Телеграм

🌸🌺💐Наврўзи айём муборак!

Бугун, 21 март - миллий ва қадимий байрамимиз Наврўз нишонланадиган кун!

Наврўз, энг аввало, эзгулик элчиси! Байрам кунлари етти ёшдан етмиш ёшгача барча бир-бирига меҳр-мурувват кўрсатиши, деҳқонларимиз яхши ният билан ерга уруғ қадаши, отахонларимиз набиралари, фарзандлари билан кўчат экиши, маҳаллаларда боғ яратиш, ободонлаштириш ишлари авж олиши ҳам эзгуликка қаратилган.

Халқимизда яхши бир гап бор: Тинч, озод ва обод юртга байрамлар ярашади. Ўзбекистон профессионал бокс федерацияси халқимизни байрам билан муборакбод этади. Наврўз айёминингиз муборак бўлсин, азиз юртдошлар!

✍️Ўзбекистон профессионал бокс федерацияси матбуот хизмати

Обуна бўлинг 👉 Телеграм

🇺🇿🥊Жалолов ва Холматов рингга чиқадиган Астана турнирининг ҳозиргача тасдиқланган жанглари

🇰🇿Хабарингиз бор, 5 апрель куни Қозоғистоннинг Астана шаҳрида Top Rank промоутерлик компанияси томонидан профессионал бокс оқшоми ўтказилади.

Турнир доирасида супероғир вазн тоифасидаги чарм қўлқоп устамиз Баҳодир Жалолов украиналик Игорь Шевадзуцкий, ярименгил вазндаги Отабек Холматов эса филиппинлик Жейсон Канойга қарши рингга кўтарилади.

✅Карднинг тасдиқланган жанглари:

Жанибек Алимханули - Анауэль Нгамиссенге

Султан Заурбек - Азинга Фузиле

Батир Жукембаев - Кейн Гардне

Балауса Муздиман - Розалинда Родригес

Махмуд Сабирхан - Жей Фрэнсис Бурай.

Обуна бўлинг 👉 Телеграм

🇺🇸🥊Бокс афсонаси Жорж Форман 76 ёшида вафот этди

Бокс тарихидаги энг катта номлардан бири, Олимпиада-1968 чемпиони, проф бокс рекордчиси Жорж Форман ҳаётдан кўз юмди.

Афсонанинг ўлими сабаблари маълум эмас. Унинг оила аъзолари қаричилик дейишяпти.

"Қалбимиз чирпарчин бўлди. Чуқур қайғу билан шуни маълум қиламизки, энди орамизда катта Жорж Эдвард Форман йўқ. У 2025 йилнинг 21 март куни бу дунёни ўз яқинлари ёнида тарк этди. Жорж севимли умр йўлдош, ота, бобо, оддийликни яхши кўрадиган шунчаки катта номдаги инсон эди", дейилади Форманлар оиласи баёнотида.

— Жорж Форман 1968 йил Мехикода ўтган Олимпиада чемпиони

— 1973 йилда профессионал бокснинг супероғир вазн тоифасида жаҳон чемпиони бўлган. Ўшанда у яна бир афсона Жо Фрэйзерни иккинчи раундда нокаутга учртганди

— 1974 йил Зоир (ҳозирги Конго Демократик Республикаси) давлатида ўтказилган ва Rumble in the Jungle жанги сифатида тарихга муҳрланган аср жангида афсонавий Муҳаммад Алига имконияти бой бериб, бокс билан хайрлашганди

— Ўзида ирода топиб, 1987 йил, 38 ёшида яна катта боксга қайтган. 1994 йил 45 ёшида Майкл Мурерни мағлубиятга учратиб, рекорд соҳибига айланган (бу рекорд ҳалигача янгилангани йўқ).

— Жорж Форман 1997 йилда 76-5 (68 KO) рекорди билан профессионал боксдаги фаолиятини якунлаган

— Боксдан кейинги ҳаёти тадбиркорлик билан ўтди. У George Foreman Grill брендига асос солди.

— Беш маротаба уйланган, 12 нафар фарзанднинг отаси (5 ўғил, 7 қиз).

Обуна бўлинг 👉 Телеграм

🇺🇸🥊Мадримовнинг вазнидаги Фундора қайтмоқда, у эртанги жанги олдидан тарозига чиқди

Бизнинг вақт билан эртага тонг саҳарда АҚШнинг Невада штати Лас-Вегас шаҳрида навбатдаги профессионал бокс турнири ўтказилади.

Оқшомнинг асосий жангида биринчи ўрта вазн тоифасида WBC ва WBO йўналишлари чемпиони Себастьян Фундора даъвогар Чордейл Букерга қарши рингга кўтарилади. Эртанги жанг олдидан боксчилар тарозидан ўтиш маросимида ҳозир бўлишди.

Ҳар икки боксчи ҳам тарозида белгиланган вазн меъёрини бажаришди. Фундора — 69,3 кг; Букер — 69,2 кг вазн қайд этди.

Маълумот учун, Фундора ўзининг сўнгги жангини 2024 йилнниг март ойида эндиликда биринчи ўрта вазнда собиқ жаҳон чемпиони Тимофей Цзюга қарши ўтказиб, ғалаба қозонганди. Букер эса ўтган йилнинг июнида Демьен Чавесни учинчи раундда техник нокаутга учратан эди.

Обуна бўлинг 👉 Телеграм

🇯🇲Тарихий жанглар рукни. 1973 йил, "Миллий" стадион, Кингстон, Ямайка:

Бокс афсоналари Жорж Форман ва Жо Фрейзер ўртасида кечган тарихий жанг. Ушбу жанг "The Sunshine Showdown" номи билан ҳам машҳурликка эришган.

Жанггача супероғир вазнда жаҳон чемпиони бўлган Фрейзер ажойиб натижа (29-0, 25 KO) қайд этиб турганди. У 1968 йил NYSAC, 1970 йилда Жимми Эллисни мағлуб этиб, WBA ва WBC чемпионлик камарларини қўлга киритган эди. Унинг энг катта ғалабаси шубҳасиз, 1971 йилда Муҳаммад Алини мағлуб этгани бўлдганди. Ўша тарихий тўқнашув "Аср жанги" (Fight of the Century) деб ном олган эди.

Форман 1968 йил 24 ёшида Олимпиада чемпионлигига эришганди. У 37 та жангидан 34 тасида рақибларини нокаутга учратганди. Форман жанг давомида Фрейзерни 6 маротаба (3 бор биринчи ва яна 3 бор иккинчи раундда) нокдаун ҳолатига тушириб, иккинчи раундда техник нокаут эвазига ғалаба қозонганди.

Ушбу жанг The Ring журнали томонидан 1973 йилнинг энг яхши жанги деб топилган эди...

Обуна бўлинг 👉 Телеграм

🇺🇿🥊Янгиланган WBO рейтингидан 4 боксчимиз жой олди

Бутунжаҳон бокс ташкилоти (WBO) янгиланган рейтингни эълон қилди.

✅Ундан тўрт нафар ўзбекистонлик боксчи ўрин олди:

Олимжон Назаров (ўта енгил вазн тоифаси - 50,8 кг) 3-ўриндан жой олди;

Шаҳрам Ғиёсов (яримўрта вазн тоифаси - 66,6 кг) 7-ўринни эгаллаб турибди;

Исроил Мадримов (суперўрта вазн тоифаси -69,9 кг) 9-ўринга жойлаштирилди;

Бектемир Мелиқўзиев (суперўрта вазн - 76,2 кг) 10-ўринга жойлашди.

Обуна бўлинг 👉 Телеграм

😥Айбсиз боксчи 47 йиллик қамоқ учун $1,48 миллион доллар компенсация пули олди

У қатл жазосини энг узоқ муддат кутган инсон бўлди.

🇯🇵Япониялик Ивао Хакамада 1966 йилда қамоққа олинган. Ўша вақтда у боксчилик фаолиятини якунлаб, мисо (японча идиш) ишлаб чиқариш фабрикасида ишлаётган эди. Бир куни у ўз бошлиғининг уйида ёнғинни ўчиришга ёрдам бераркан, бошлиқ, хотини ва икки фарзанди пичоқлаб ўлдирилганини кўриб қолади.

Полиция уни асосий гумондор сифатида кўрган. Хакамада ҳатто жиноятни тан олган, аммо кейинчалик аниқланишича, у қийноқлардан сўнг айбни тан олган. 1968 йилда суд уни айбдор деб топиб, қатл этишга – осиб ўлдириш жазосига ҳукм қилди.

Бироқ ҳукм ижроси мунтазам равишда кечиктириб келинди. 1992 йилда у қамоқда ёзган "Худойим, бу қанча давом этади?" китобини нашр қилди. 2011 йилда эса "Гиннесс рекордлари" китобига энг узоқ муддат қатлни кутган маҳбус сифатида киритилди. Унинг учун ҳар куни охиргиси бўлиши мумкин эди.

2014 йилда суд ишни қайта кўриб чиқиб, Хакамадани озод қилди – у деярли 48 йил қамоқда ўтириб чиққанди. Озод бўлганидан сўнг, у WBC томонидан фахрий чемпионлик камари билан тақдирланди.

Тергов давомида аниқланишича, полиция далилларни сохталаштирган, ҳамда воқеа жойида топилган ДНК намунаси Хакамаданики эмас эди. Аммо, унинг оқланиши учун яна 10 йил керак бўлди – фақат 2024 йилда, ҳибсга олинганидан 58 йил ўтибгина...

Ҳозирда 89 ёшдаги собиқ боксчи ҳар бир ноқонуний қамоқ куни учун 83 доллар миқдорида компенсация олади. Жами сумма - 1,48 миллион доллар. Бу тарихдаги энг катта товон пулидир.

Шу йиллар давомида адолат учун курашган Хакамаданинг синглиси эса "бу пуллар у ўтказган азобларни оқламайди" дейди...

Обуна бўлинг👉 Olamsportcom

🇺🇿🥊Тўрт боксчимиз қатнашадиган WBC Гран-присининг бошланиш санаси эълон қилинди

Бутунжаҳон бокс кенгаши (WBC) ташкил этадиган Гран-при 17 апрель куни бошланади.

Бу ҳақда ташкилот президенти Маурисио Сулейман ўзнинг X (Twitter)даги саҳифасида хабар берди.

"Riyadh Season билан ҳамкорликдаги Гран-прига тайёр бўлинг. Бокс оламидаги янги авлод чемпионларини аниқлаш учун 128 нафар чарм қўлқоп устаси рингда бирлашади. Турнир 17-20 апрель кунлари BlvdCity'да бўлиб ўтади", деб ёзди Сулейман.

Маълумот учун, ушбу мусобақада ёши 26 га етмаган ҳамда проф боксда 16 та жанг ўтказиб улгурмаган иқтидорли боксчилар иштирок этади.

Аввалроқ ушбу турнирда Мужибилло Турсунов, Лазизбек Мулложонов, Камронбек Эшматов ва Суҳроб Қаюмов қатнашиши ҳақида хабар бергандик.

Обуна бўлинг 👉 Телеграм

🤲🌜Ийд Рамазон муборак!

Ўзбекистон профессионал бокс федерацияси ҳамюртларимизни муқаддас Ийд Рамазон байрами билан муборакбод этади.

Яратган юртимиз тинчлиги, осмонимиз мусаффолигини бардавом қилсин. Қалбингизда неки пок тилаклар бўлса, барчаси ижобат топсин. Хонадонгизга тинчлик, дастурхонингизга тўкинлик, қут-барака тилаймиз!

Обуна бўлинг 👉 Телеграм

🇺🇿🇯🇵🥊Муроджон Аҳмадалиев - Наоя Иноуэ жанги 14 сентябрга мўлжалланяпти

Иккинчи энг енгил вазн тоифасида WBA Interim чемпиони бўлиб турган Муроджон Аҳмадалиев вазннинг мутлақ чемпиони Наоя Иноуэга қарши рингга кўтарилади.

Фақат бунинг учун 4 май тонгида Лас-Вегасда бўлиб ўтадиган бокс оқшомида Иноуэ америкалик Рамон Карденасни, Аҳмадалиев эса ҳозирча номаълум бўлган рақибини енгиши талаб этилади.

Муроджоннинг менежери Вадим Корниловнинг сўзларига кўра, Иноуэ — Аҳмадалиев жанги 14 сентябрь санасида Япония пойтахти Токио шаҳрида ўтказилиши режалаштириляпти.

Аввалроқ, чарм қўлқоп устамиз Наояга мурожаат қилиб, истагалган жойда, ҳатто рақибининг ватанида ҳам жанг ўтказишга тайёрлигини айтганди.

Обуна бўлинг 👉 Телеграм

🇺🇿🇯🇵🥊Эдди Хирн ҳам Аҳмадалиев - Иноуэ жанги шу йил ўтказилишини тасдиқлади

Британиялик таниқли промоутер Эдди Хирннинг айтишича, ушбу жанг шу йилнинг сентябрь ойида ўтказилиши мумкин.

Бунинг учун иккинчи энг енгил вазн тоифасида мутлақ жаҳон чемпиони бўлиб турган япониялик боксчи ҳам, WBA Interim чемпиони Муроджон Аҳмадалиев ҳам 4 май тонгида Лас-Вегас шаҳрида ўтказиладиган бокс оқшомидаги ўз жангларида ғалаба қозонишлари талаб этилади. Иноуэ шу куни америкалик Рамон Карденасга қарши рингга кўтарилади. Ҳамюртимизнинг эса ҳозирча рақиби тасдиқланмаган.

"Биз Аҳмадалиев - Иноуэ жанги бўйича музокараларни деярли якунладик. Жангнинг сентябрь ойида ўтказилиши бўйича келишувга эришдик. Биз рози бўлган тақдирдагина Иноуэ - Карденас жанги мутлақ жаҳон чемпионлиги мақомида бўлади. Чунки, Наоя навбатдаги жангини Аҳмадалиевга қарши ўтказиши шарт. WBA унинг зиммасига ана шу мажбуриятни қўйган. Агар жангдан қочса, WBA чемпионлик камаридан маҳрум этилади. Биз япониялик боксчига шу ҳолатда ҳам имконият беряпмиз. Сентябрда Муроджонга қарши рингга чиқиш шарти эвазига Карденас билан жанг қилишига рухсат беряпмиз. Бу бўйича унинг промоутери Хонда билан ҳам келишиб олдик. Иноуэ - Аҳмадалиев жанги сентябрь ойида Японияда ўтказилади. Тез кунда жанг бўйича расман шартнома имзолаймиз", — дея Хирннинг сўзларини келтирмоқда BoxingScene.

Аввалроқ, Муроджоннинг менежери Вадим Корнилов Иноуэ — Аҳмадалиев жанги 14 сентябрь куни Япония пойтахти Токио шаҳрида ўтказилиши режалаштирилаётганини айтганди.

Обуна бўлинг 👉 Телеграм

🇺🇿🥊✅Баҳодир Жалолов ва Отабек Холматов жанг ўтказадиган турнирнинг тўлиқ карди тасдиқланди

🇰🇿Хабарингиз бор, 5 апрель куни Қозоғистоннинг Астана шаҳрида Top Rank промоутерлик компанияси томонидан проф бокс оқшоми ташкил этилади.

Биз учун аҳамиятлиси, турнир доирасида икки боксчимиз - супероғир вазн тоифасидаги чарм қўлқоп устамиз Баҳодир Жалолов (Ўзбекистон, 14-0, 14 КО) ҳамда ярименгил вазндаги Отабек Холматов (12-1, 11 КО) ҳам ўзларининг навбатдаги рейтинги жангларини ўтказишади. Жалолов украиналик Игорь Шевадзуцкий (12-2, 10 КО)га, Холматов эса филиппинлик Жейсон Кано Манигос (30-12-2, 20 КО)га қарши рингга кўтарилади.

Ташкилотчилар ушбу турнирнинг тўлиқ кардини расман тасдиқлашди. "Барыс Арена"да ўтадиган оқшомнинг асосий жанги ўрта вазн тоифасида WBO ва IBF йўналишлари чемпиони, қозоғистонлик Жанибек Алимханули (16-0, 11 КО) ҳамда франциялик Анауэль Нгамиссенге (14-0, 9 КО) ўртасида бўлиб ўтади. Ҳар икки боксчи ҳам ҳали проф фаолиятларида мағлубият ва дуранг қайд этишмаган.

✅Астанадаги турнирнинг тўлиқ карди:

Асосий жанг, ўрта вазнда WBO ва IBF камари учун 12 раундлик жанг

Жанибек Алимханули (Қозоғистон, 16-0, 11 КО) — Анауэль Нгамиссенге (Франция, 14-0, 9 КО)

Со-main event жанги, биринчи енгил вазнда IBF Intercontinental камари учун 10 раундлик жанг

Султан Заурбек (Қозоғистон, 19-0, 13 КО) — Азинга Фузиле (ЖАР, 18-2, 12 КО)

Супероғир вазнда 10 раундлик жанг: Баҳодир Жалолов (Ўзбекистон, 14-0, 14 КО) — Игорь Шевадзуцкий (Украина, 12-2, 10 КО)

Биринчи яримўрта вазнда 10 раундлик жанг: Батир Жукембаев (Қозоғистон, 23-1, 17 КО) — Кейн Гарднер (Буюк Британия, 17-4, 7 КО)

Иккинчи энг енгил вазнда 6 раундлик жанг: Маҳмуд Сабирхан (Қозоғистон, дебют) — Николас Тордесилья (Колумбия, 2-0, 2 КО)

Аёллар ўта енгил вазнда 8 раундлик (2 дақиқадан) жанг: Балауса Муздиман (Қозоғистон, 6-0, 5 КО) — Мария Тереза Пинили (Филиппин, 7-1, 2 КО)

Ярименгил вазнда 8 раундлик жанг: Отабек Холматов (Ўзбекистон, 12-1, 11 КО) — Жейсон Кано Манигос (Филиппин, 30-12-2, 20 КО)

Яримўрта вазнда 6 раундик жанг: Торехан Сабирхан (Қозоғистон, дебют) — Йиржи Хауке (Чехия, 4-6, 2 КО)

Яримўрта вазнда 4 раундлик жанг: Акниет Алимбай (Қозоғистон, 2-0, 1 КО) — Йозеф Дубски (Чехия, 1-0, 1 КО)

Биринчи ўрта вазнда 4 раундлик жанг: Алишер Абдуалим (Қозоғистон, 3-0, 2 КО) — Ашиш Чаудхари (Ҳиндистон, 3-0, 0 КО)

Обуна бўлинг 👉 Телеграм

🇺🇿🥊ИНТЕРВЬЮ. Отабек Холматов Top Rank билан фаолияти якунигача ҳамкорлик қилиши, оёғидаги жароҳати, Қозоғистонда жанг қилиши ва чемпионлик жангига қанчалик яқин экани ҳақида гапирди

Бир неча кундан сўнг Қозоғистонда жанг қиладиган боксчимиз Отабек Холматов olamsport.com сайтига интервью берди

ТЎЛИҚ ЎҚИШ
👇👇👇
https://olamsport.com/uz/news/116024

Обуна бўлинг👉 Olamsportcom

🇺🇿🥊Муроджон Аҳмадалиев 4 май кунги жангига Наоя Иноуэнинг бўлажак рақиби билан тайёрланяпти

Иккинчи энг енгил вазн тоифасида WBA Interim камари соҳиби Муроджон Аҳмадалиев навбатдаги жангига тайёргарликни давом эттирмоқда.

30 ёшли чарм қўлқоп устамиз бизнинг вақт билан 5 май куни тонгда АҚШнинг Лас-Вегас шаҳрида ташкил этиладиган бокс оқшомида рингга кўтарилади. Унга ким рақиблик қилиши ҳозирча номаълум.

Турнирнинг марказий жанги иккинчи энг енгил вазн тоифасида мутлақ жаҳон чемпиони, япониялик Наоя Иноуэ ҳамда АҚШ вакили Рамон Карденас ўртасида кечади.

Қизиғи, Аҳмадалиев ўз жанги учун тайёргарлик машғулотларини айнан Карденас билан биргаликда ўтказмоқда. Агар Иноуэ ва Аҳмадалиев ўз жангларида ғалаба қозонишса, сентябрь ойида ўзаро тўқнаш келишади.

Обуна бўлинг 👉 Телеграм