🇷🇺🤝🇺🇿Сергей Ковалёв нима сабабдан Ўзбекистонда яшаётганини айтди

Яримоғир вазн тоифасида собиқ жаҳон чемпиони, россиялик таниқли боксчи Сергей Ковалёв нима учун ҳозирда Ўзбекистонда яшаётганини тушунтириб берди.

"Мен биринчи навбатда, ўз касбим учун қулай бўлган жойда яшайман. Ўзбекистонда бокс жуда юқори савияда. Ўзбекларда жуда кучли жамоа бор, деб ўйлайман. Спарринг учун кучли рақиблар бор, чапақай боксчилар ҳам кўп. Чап қўлли боксчини топиш керак, деган муаммо йўқ. Бу ерда ҳар қандай усул ва услубга эга боксчиларни топиш мумкин", деди Сергей Ковалёв.

Маълумот учун, Ковалёв навбатдаги жангини 18 апрель куни Россиянинг Челябинск шаҳрида Артур Маннга қарши ўтказади. Ковалёв ўз вақтида ўзбекистонлик мураббий Аброр Турсунпўлатов қўл остида яримоғир вазн тоифасидаги WBO чемпионлик камарини қўлга киритганди.

Обуна бўлинг 👉 Телеграм

🇺🇿🥊Бугундан Ар-Риёдда WBC Гран-приси старт олади, турнирнинг илк куни Аюбхон Бахтиёров рингга кўтарилади

🇸🇦Бугун Саудия Арабистони пойтахти Ар-Риёд шаҳрида бокс бўйича WBC Гран-приси бошланади.

Аввал хабар берганимиздек, мусобақада жами 5 нафар ҳамюртимиз баҳс олиб боради. Турнирнинг илк куни доирасида ярименгил вазн тоифасидаги беллашувларга старт берилади. Унда ҳамюртимиз Аюбхон Бахтиёров иштирок этади.

Бахтиёровга дастлабки босқичда Франция вакили Жамал Хажаб рақиблик қилади. Бугунги жанглар Тошкент вақти билан соат 18:00 да старт олиши режалаштирилган.

Маълумот учун, Гран-прида Бахтиёровдан ташқари Мужибилло Турсунов, Лазизбек Мулложонов, Камронбек Эшматов ва Суҳроб Қаюмовга ҳам мухлислик қиламиз.

Обуна бўлинг 👉 Телеграм

🇺🇿🥊Бугун WBC Гран-при турнирида рингга чиқадиган Аюбхон Бахтиёровнинг вазни учун қуръа натижалари

🇸🇦Хабар берганимиздек, бугун Саудия Арабистони пойтахти Ар-Риёд шаҳрида бокс бўйича WBC Гран-приси бошланади.

Турнирнинг илк куни доирасида ярименгил вазн тоифасидаги боксчимиз Аюбхон Бахтиёров илк босқичда франциялик Жамал Хажабга қарши рингга кўтарилади...

Обуна бўлинг 👉 Телеграм

🇺🇿🇫🇷🥊Аюбхон Бахтиёров WBC Гран-присининг 1/8 финалига чиқди

🇸🇦Бугун Саудия Арабистони пойтахти Ар-Риёд шаҳрида бокс бўйича WBC Гран-приси бошланди.

Турнирнинг илк куни доирасида ярименгил вазн тоифасидаги боксчимиз Аюбхон Бахтиёров франциялик Жамал Хажабга қарши рингга кўтарилди ва рақибини 6-раундда техник нокаут эвазига мағлубиятга учратди. Ушбу ғалаба ҳамюртимизни 1/8 финалга олиб чиқди. Бу босқич жанглари 20-22 июнь кунлари бўлиб ўтади.

Обуна бўлинг 👉 Телеграм

🇺🇿🥊Бугун Жаъфаров ва Саидраҳимов проф боксдаги иккинчи жангларини ўтказишади

🇷🇺Бугун Россия Федерациясининг Челябинск шаҳрида "IBA.Pro 2" профессионал бокс турнири бўлиб ўтади.

Биз учун аҳамиятлиси, ушбу оқшом доирасида ўзбекистонлик икки боксчи ҳам рингга кўтарилади. "Premier Boxing Academy" жамоаси аъзоси Саиджамшид Жаъфаров 6 раундлик жангда россиялик Сергей Лубковичга қарши рингга чиқади. Бу чарм қўлқоп устамиз учун проф рингдаги иккинчи жанг бўлади. Тажрибали Лубкович эса 18 (12 нокаут) ғалаба ва бир мағлубиятга эга.

Кеча боксчилар тарозидан ўтиш маросимида ҳозир бўлишди. Иккала боксчи ҳам 71 килограммгача вазн тоифасида ташкил этиладиган ушбу жанг учун белгиланган вазн меъёрини бажаришди. Сергей Лубкович - 70,6 кг, Саиджамшид Жаъфаров эса 70,75 кг вазн қайд этди. Саиджамшид тўрт кун аввал Боку шаҳрида якунига етган "Буюк ипак йўли" турнирида Озарбайжон номидан қатнашиб, якунда чемпион бўлган эди.

Бугун турнир кардидан Мадияр Саидраҳимов иштирокидаги жанг ҳам ўрин олган. Боксчимиз 6 раундлик жангда россиялик Андрей Стоцкийга қарши баҳс олиб боради. Ҳамюртимиз тарозида рақибидан бир килограммга яқин оғирроқ тош босди.

⚖️IBA PRO тарози натижалари:

-71 кг, 6 раунд, IBA PRO: Сергей Лубкович (18-0-1, КО 12, 70,6 кг) - Саиджамшид Жаъфаров (1-0, Ўзбекистон, 70,75 кг);

-90,7 кг, 6 раунд, IBA PRO: Андрей Стоцкий (5-0-1, КО 3, Россия, 90,35 кг) – Мадияр Саидраҳимов (1-0, Ўзбекистон, 91,2 кг);

Бугунги турнирнинг асосий жанги яримоғир вазн тоифасида собиқ жаҳон чемпиони Сергей Ковалёв иштирокидаги ўтказилади. Ушбу жангга тайёргарликнинг катта қисмини Ўзбекистонда ўтказган россиялик боксчи германиялик Артур Маннга қарши рингга чиқади. Бу Ковалёв учун профессионал фаолиятидаги сўнгги жанг бўлади.

Обуна бўлинг 👉 Телеграм

🇺🇿🥊Бугун WBC Гран-присида Мужибилло ва Камронга мухлислик қиламиз

🇸🇦Саудия Арабистони пойтахти Ар-Риёд шаҳрида бокс бўйича WBC ташкилотининг Гран-при турнири ўтказилмоқда.

Кеча мусобақа доирасида ҳамюртимиз Аюбхон Бахтиёров франциялик рақиби устидан техник нокаут эвазига ғалаба қозониб, 1/8 финалга йўл олганди. Бугун Мужибилло Турсунов ва Камронбек Эшматов 1/6 финалда рингга кўтарилади.

🇺🇿🥊Боксчиларимиз иштирокидаги бугунги жанглар:

Мужибилло Турсунов - Майкл Адесодун (ЖАР)

Камронбек Эшматов - Данило Лозан (Украина)

⏰Жанглар бизнинг вақт билан соат 17:00дан кейин бошланади.

Обуна бўлинг 👉 Телеграм

🇺🇿🇰🇿🥊WBC Гран-приси. Аюбхон Бахтиёровнинг кейинги рақиби қозоғистонлик боксчи!

🇸🇦Кеча Саудия Арабистонининг Ар-Риёд шаҳрида бокс бўйича WBC Гран-приси старт олган эди.

Мусобақанинг илк куни ярименгил вазн тоифасидаги Аюбхон Бахтиёров Франция вакили Жамал Хажабни олтинчи раундда муддатидан олдин зафар қучганди.

Энди ҳамюртимиз нимчорак финал босқичида қозоғистонлик Жолдас Женисов билан тўқнаш келади. Женисов кеча биринчи жангида Испания вакили Элязид Эззайданини иккинчи раундда нокаутга учратди.

Маълумот ўрнида, Гран-при доирасида нимчорак финал беллашувлари июнь ойида ташкил этилади.

Обуна бўлинг 👉 Телеграм