#vakansiya

ARTEL kompaniyasi servis markaziga CALL CENTER operatorlarini ishga taklif qiladi

📍Hudud: Toshkent shahri

💼 Ish turi: Smenalik grafik

✅ Talablar:
• Rus tilida erkin muloqot qila olish
• Boshlang‘ich kompyuter savodxonligi
• Mas’uliyat va mijozlar bilan ishlash madaniyati

🎓 Tajriba shart emas!
Barcha kerakli bilim va ko‘nikmalar maxsus o‘quv kurslarimizda o‘rgatiladi.

🎁 Biz taklif qilamiz:
• Mehnat qonunchiligiga asosan rasmiy ishga qabul (suhbatdan o‘tgan kunning o‘zida)
• Tushlik va poldnik (kechki yengil ovqat)
• Ijtimoiy ta’minot (har oy qo‘shimcha oziq-ovqat mahsulotlari)
💵Oylik: 4 000 000 so‘m Sinov muddati uchun
• KPI asosida qo‘shimcha rag‘batlantirish (mijozlar baholash tizimi orqali)

📍 Manzil:
Toshkent shahri, Yashnobod tumani, Mahtumquli ko‘chasi, 3/4
Mo‘ljal: Texnopark zavodi

📞 Bog‘lanish uchun:
+998999091534

Telegram l Veb-sayt l YouTube

Ish beruvchilar endi diplomga emas, ko’nikmaga qaramoqda

AQShdagi Kollejlar va ish beruvchilar milliy assotsiatsiyasi (NACE) tadqiqotiga ko’ra, ish beruvchilarning 70 foizi ko’nikmaga asoslangan yollash usulidan foydalanmoqda, bir yil oldin bu ko’rsatkich 65 foiz bo’lgan.

Bundan tashqari, 2019-yildan beri bitiruvchilarni o’rtacha baho (GPA) bo’yicha saralaydigan ish beruvchilar ulushi 73 foizdan 42 foizga tushgan.

Eng muhim tomoni:

✅ish beruvchilarning 59 foizi rezyumeda aniq ko’nikmalar misollar bilan isbotlanishini xohlaydi;

✅faqat ko’nikmalar ro’yxatidan qoniqadiganlar atigi 16,1 foiz, umumiy, isbotsiz ro’yxatni qabul qiladiganlar esa bor-yo’g’i 1,9 foiz.

Shu sababli,endilikda “jamoada ishlay olaman” deb yozishning o’zi yetarli emas. Qayerda, qanday vaziyatda va qanday natija bilan — shuni ko’rsating. Kealsi safar buni qanday qilishni misollar bilan tushuntiramiz.

Telegram l Veb-sayt l YouTube

#grant

🇪🇺 Yevropada to’liq grant asosida magistratura: Erasmus Mundus 2027 qabuli boshlandi!

Erasmus Mundus — Yevropa Ittifoqi tomonidan moliyalashtiriladigan qo’shma magistratura dasturlari.

Bunda talaba ikki yoki undan ortiq Yevropa davlatida tahsil oladi va bir nechta universitetning qo’shma diplomini qo’lga kiritadi.

Kimlar ariza topshirishi mumkin?

✅Bakalavr diplomiga ega bitiruvchilar;

✅Bakalavriatning oxirgi kurs talabalari (magistratura boshlanishidan oldin o’qishni tamomlasangiz bo’lgani);

✅Barcha davlatlar fuqarolari, yosh chegarasi yo’q.

Grant nimalarni qamrab oladi?

✅O’qish to’lovi to’liq;

✅Oyiga taxminan 1 400 yevro yashash xarajatlari uchun;

✅Yo’l va joylashish xarajatlari;

✅Tibbiy sug’urta.

2027-yil qabulida sun’iy intellekt, tibbiy tasvirlash, yarimo’tkazgichlar, huquq va ma’lumotlar, animatsiya kabi yangi dasturlar qo’shilgan.

Ma'lumot uchun: Yagona ariza portali yo’q. Katalogdan o’zingizga mos dasturni tanlab, to’g’ridan-to’g’ri o’sha dastur saytiga ariza topshirasiz. Ko’pchilik dasturlarda qabul oktabrda ochilib, dekabr–yanvarda yopiladi — har birining muddati alohida.

Odatda ingliz tili sertifikati (IELTS 6.5 atrofida), motivatsion xat va tavsiyanomalar talab qilinadi.

🔗Dasturlar katalogi: https://www.eacea.ec.europa.eu/scholarships/erasmus-mundus-catalogue_en

Telegram l Veb-sayt l YouTube

Rezyumedagi ko’nikmalarni qanday “isbotlash” kerak?

Kecha aytgandik: ish beruvchilar ko’nikmalar ro’yxatini emas, ularning isbotini so'raydi, deb. Buni qanday qilish mumkin?

Oddiy formula bilan tushunrtiramiz:

❌ “Muloqot ko’nikmam yaxshi”
✅ “Fakultet tadbirini tashkil etishda 5 kishilik jamoani boshqardim, 200 dan ortiq talaba qatnashdi”

❌ “Excel’ni bilaman”
✅ “Kafedra uchun 300 nafar talaba uchun davomat jadvalini Excel’da avtomatlashtirib, hisobot tayyorlash vaqtini 2 baravar qisqartirdim”

❌ “Mas’uliyatliman”
✅ “Amaliyot davomida 3 ta loyihani belgilangan muddatdan oldin topshirdim”

Tajribangiz yo’qmi? Kurs ishlari, to’garaklar, volontyorlik, fakultet tadbirlari, frilans buyurtmalar — bularning barchasi tajriba hisoblanadi. Asosiysi, ularni natijalar orqali isbotlab berishingiz kerak.

Postni saqlab qo’ying va rezyumeyingizni esa bugunoq qayta ko’rib chiqing!

Telegram l Veb-sayt l YouTube

Vengriyada bepul o’qish: Stipendium Hungaricum’ga hozirdan tayyorlaning!

Vengriya hukumatining Stipendium Hungaricum dasturi orqali bakalavriat, magistratura va doktoranturada bepul tahsil olish mumkin. Taxminan 30 ta universitetdagi 900 ga yaqin dasturdan ikkitagacha tanlash imkoniyati bor.

Bu kimlar uchun?

✅Bitiruvchilar — magistraturaga;
✅ Talabalar — bakalavriatni Yevropada boshidan boshlamoqchi bo’lsangiz.

Grant nimalarni beradi?

✅ Bepul o’qish;
✅Oylik stipendiya;
✅ Turar joy uchun yordam puli;
✅ Tibbiy sug’urta.

🗓 Muddatlar: 2027/2028 o’quv yili uchun ariza tizimi noyabr oyi o’rtalarida ochilishi, topshirish muddati esa 2027-yil 15-yanvar atrofida bo’lishi kutilmoqda. Rasmiy e’lon hali chiqmagan.

Nega hozirdan boshlash kerak?

Hujjatlarni tarjima qilish, apostil qo’yish va til sertifikatini olish vaqt talab qiladi. Ayrim davlatlarda yuboruvchi tashkilotning o’z muddati asosiy muddatdan ertaroq bo’ladi. Hozirdan tayyorlangan nomzod yanvarda shoshib qolmaydi.

Hozir nima qilish kerak:

1️⃣ Rasmiy saytdan o’zingizga mos dasturlarni tanlang;
2️⃣ Diplom/transkript tarjimasini tayyorlang;
3️⃣ Ingliz tili sertifikatini rejalashtiring;
4️⃣ Motivatsion xat qoralamasini yozing.

Ma'lumotlar — https://stipendiumhungaricum.hu

Telegram l Veb-sayt l YouTube

Sun’iy intellekt nimalarni o’zgartirmoqda?

LinkedIn ma’lumotlariga ko’ra, AI muhandisligi ketma-ket ikkinchi yil yoshlar orasida eng tez o’sayotgan kasb bo’ldi. AI sohasidagi lavozimlarda o’rtacha yillik maosh 177 ming dollarni tashkil etadi — bu boshqa sohalardagi 80 ming dollardan ikki baravar ko’p.

Ammo tanganing ikkinchi tomoni ham bor: boshlang’ich lavozimlarga ishga olish 2020-yil martiga nisbatan 23 foizga kamaygan. Chunki AI yosh xodimlar avval bajargan oddiy, takrorlanuvchi vazifalarni o’zi bajaryapti.

Talaba sifatida nima qilish kerak?

1️⃣ O’z sohangizda AI vositalaridan foydalanishni o’rganing — buni rezyumeda aniq misol bilan ko’rsating;

2️⃣ Kichik kompaniyalarga e’tibor bering: LinkedIn 250 tagacha xodimli kichik bizneslar yosh ish izlovchilar uchun asosiy yo’nalish bo’lishini bashorat qilgan;

3️⃣ Talabalik davridayoq amaliyot va loyihalar orqali tajriba to’plang.

💬 Siz o’qish yoki ishingizda AI’dan foydalanasizmi? Izohlarda yozing!

Telegram l Veb-sayt l YouTube

“O’zingiz haqingizda gapirib bering” — bu savolga qanday javob berish kerak?

Deyarli har bir ish suhbati shu savol bilan boshlanadi. Ko’pchilik esa tarjimai holini boshidan aytib beradi: “Men 2003-yilda tug’ilganman, ... maktabni tamomlaganman...” Bu xato!

To’g’ri javob formulasi esa biroz boshqacharoq

1️⃣ Hozir: Kimsiz va nima bilan shug’ullanasiz.
“Men Profi University’ning 4-kurs Iqtisodiyot yo'nalishi talabasiman, hozir bank sohasida amaliyot o’tayapman.”

2️⃣ O’tmish: Shu lavozimga tegishli 1–2 ta yutuq.
“Amaliyot davomida mijozlar arizalarini qayta ishlash jarayonini tartibga solishda ishtirok etdim.”

3️⃣ Kelajak: Nega aynan shu kompaniya.
“Kompaniyangizning raqamli xizmatlar yo’nalishida o’z bilimlarimni qo’llamoqchiman.”

⏱️ Javob uzunligi: 1–2 daqiqa. Undan ortig’i suhbatdoshni zeriktiradi.

Javobingizni oldindan yozib, ovoz chiqarib mashq qiling — bu ishonchingizni ancha oshiradi. Sinab ko'ramizmi?

Telegram l Veb-sayt l YouTube