Ish qidirayotgan bo‘lsangiz, shaxsiy akkauntingizga ham e’tibor bering

Ko‘pchilik ish izlovchilar rezyume va ish tajribalariga katta ahamiyat qaratadi, lekin o‘zlarining shaxsiy akkauntlarini unutib qo‘yishadi.

Ish beruvchilar esa nomzod haqida qo‘shimcha ma’lumot olish uchun ko‘pincha ularning ijtimoiy tarmoqdagi sahifalarini tekshiradi. Agar sizning akkauntingiz tartibsiz bo‘lsa, bu siz haqingizda noto‘g‘ri tasavvur shakllantirishi mumkin.

❔Nimalarga e’tibor berish kerak?

1️⃣To‘liq ismingizni yozing

Profilingizda noaniq laqab yoki qisqartmalar emas, balki rasmiy ism va familiyangiz bo‘lishi kerak. Bu sizning jiddiy va ishonchli nomzod ekanligingizni ko‘rsatadi.

2️⃣O‘zingiz haqingizda ma’lumot bering

Ish beruvchi sizning qaysi sohada ishlashingizni, qanday tajribaga egaligingizni bilishi kerak. Profilingizga qisqa, aniq va professional tavsif yozing. Yoki "stories"ga ish faoliyatingizga doir videolar joylab boring.

3️⃣Profil rasmingizni to‘g‘ri tanlang

Ishga oid akkauntingizga tasodifiy yoki sifatsiz suratlar emas, balki professional yoki eng kamida rasmiyroq ko‘rinishdagi surat qo‘ying.

4️⃣Keraksiz post va aforizmlardan qoching

Shaxsiy fikr va ilhomlantiruvchi aforizmlar yaxshi, lekin faqat shular bilan cheklanib qolish noto‘g‘ri. Profilingiz ish beruvchiga siz haqingizda tushuncha berishi kerak.

Umuman olganda, shaxsiy akkauntingiz ham rezyume kabi sizning professional imidjingizning bir qismidir. Uni tartibga soling va ish beruvchilarda siz haqingizda yaxshi taassurot shakllanishiga harakat qiling.

"Career Service" — talaba va ish beruvchilar uchun birinchi aloqa nuqtasi

Telegram I Veb-sayt

Yaxshi ish topish – o'z-o‘zini reklama qila bilishda

Bilasizmi, odamlar bo'sh ish o'rinlari yo'qligi uchun emas, o'zlarini reklama qila olmaganliklari uchun yaxshi ish topolmaydilar.

Ko‘pchilik ish topishda asosiy to‘siq sifatida bo‘sh ish o‘rinlarining yetishmovchiligini ko‘rsatadi. Aslida esa muammo boshqa joyda – odamlar o‘zlarini to‘g‘ri reklama qila olmaydilar.

Ish beruvchilar yangi xodim yollashga har doim tayyor, lekin ular kimnidir ishga olishdan avval, uning malakasi va tajribasini aniq bilishi kerak.

Afsuski, ko‘pchilik yaxshi mutaxassis bo‘lsa ham, o‘z ustunliklarini taqdim etishda qiynaladi. Natijada, malakali mutaxassis ish topa olmay, undan ancha tajribasiz yoki kamroq bilimga ega bo‘lganlar esa yaxshi lavozimlarga joylashib ketishi mumkin.

Sababi oddiy – ular o‘zlarini ish beruvchiga qanday ko‘rsatish kerakligini biladi.

Xo'sh, o'zini reklama qilishning qanday turlari bor?

O‘z-o'zini reklama qilish (shaxsiy brending) turli usullar orqali amalga oshiriladi. Quyida ularning ayrimlarini keltirib o'tamiz:

✅Professional portfolio yarating

Rezyumengizni tayyorlang. Iloji bo'lsa, elektron portfolio ham tayyorlab qo'yish foydadan holi bo'lmaydi.

Bunda Profi University talabalariga profikaryera.uz platformasi yaqindan yordam berishi mumkin.

✅Internet va ijtimoiy tarmoqlar imkoniyatidan foydalaning

Bugungi kunda internet va ijtimoiy tarmoqlar imkoniyatlaridan foydalanish eng samarali usullardan biri bo‘lib, ular quyidagilarni o‘z ichiga oladi:

LinkedIn profili yaratish, tarmoqda faol bo‘lish, maqolalar yozish, fikrlar bildirish;

Telegram/Instagram/Facebook/Twitter (X) – ma’lum sohaga oid kontent yaratish va auditoriyani jalb qilish;

Shaxsiy blog yoki veb-sayt – o‘z sohangizdagi mutaxassis sifatida maqolalar yozish, xizmatlaringizni taqdim etish.

✅Tarmoq (Networking)

Bu usul insonlar bilan shaxsiy aloqalar o‘rnatish orqali amalga oshiriladi. Masalan, konferensiya, seminar va treninglarga qatnashish, mutaxassislar bilan tanishish va tajriba almashish bunga misol bo'la oladi.

O'z-o‘zini reklama qilishning yana boshqa usullari ham mavjud. Bu haqda keyingi postlarimizda...

"Career Service" — talaba va ish beruvchilar uchun birinchi aloqa nuqtasi

Telegram I Veb-sayt

#vakansiya

10-15 mln so'mlik maosh taklif etilayotgan bo'sh ish o'rni bor

"Najot Ta'lim" o'quv markazi Perfomance menejerlar uchun bo'sh ish o'rinlari mavjud ekanligi haqida xabar berdi.

⏰Ish vaqti: 09:00-18:00, 6/1

💵 Oylik maoshi: 10 000 000 - 15 000 000 mln so'm

Talablar:

✅ Performance marketing yoki raqamli marketing bo'yicha kamida 2-3 yil tajriba;

✅ Google Ads, Facebook Ads, Instagram Ads, Yandex Direct kabi reklama platformalarida tajriba;

✅ Google Analytics, Google Data Studio va boshqa analitik vositalar bilan ishlash qobiliyati;

✅ Trafik, konversiya va ROIni optimallashtirishda tajriba;

✅ Byudjetlarni samarali taqsimlash va natijalarni tahlil qilish ko'nikmalari;

✅ Hisobot tayyorlash va analitik fikrlash qobiliyati;

✅ Sotuv bo'limi bilan ishlash ko'nikmalari va jamoada faol hamkorlik qilish qobiliyati;

✅ Performance strategiya tuzish va uni amalga oshirish.


Nimalar taklif qilinadi:

✅ Til o'rganish va kitob sotib olish uchun chegirmalar;

✅ Yaqinlaringizni IT sohalarida o'qitish uchun chegirma;

✅ Kontrakt to'lovni oylikdan ushlab qolish sharti bilan bir martada, oldindan to'lab berish;

✅ 300 dan ortiq mutaxassislar bilan netvorking qilish imkoniyati;

✅ Turli mavzularda maxsus master-klasslarda qatnashish;

✅ Samaradorlikka ko'ra o'sib boruvchi oylik maosh;

✅ Bir-birini qo'llab-quvvatlovchi, ahil jamoa.

Ariza qoldirish uchun so'rovnomani to'ldiring.

📄So'rovnoma — https://forms.gle/nk1jynQNeivpApCN9

"Career Service" — talaba va ish beruvchilar uchun birinchi aloqa nuqtasi

Telegram I Veb-sayt

10 yildan keyin bizni mehnat bozorida nimalar kutmoqda?

LinkedIn asoschisi Rid Xoffman
10 yildan keyingi prognozlar bilan bo‘lishdi.

Unga ishonsa bo‘ladi, chunki 1997-yildayoq u ijtimoiy tarmoqlar ommalashishini bashorat qilgan, keyinchalik LinkedIn tarmog‘ini $26 milliard dollarga sotgan va SI rivoji haqida ChatGPT paydo bo‘lishidan ancha oldin aytgan edi.

Xo‘sh, Rid Xoffmanga ko‘ra, bizni nimalar kutmoqda?

1️⃣Frilans va masofadan ishlash. 10 yildan so‘ng bu oddiy holga aylanadi, ishchilarining 50% dan ortig‘i ofisda emas, masofadan turib pul topadi.

2️⃣Rezyumelar ahamiyatini yo‘qotadi — HR diplom va lavozimlarga emas, real tajriba va onlayn-portfolioga ko‘proq e’tibor qaratadi. Shaxsiy brend tarjimai holdan ko‘ra muhimroq bo‘ladi.

3️⃣SI ish unumdorligini oshiradi — neyrotarmoqlar nafaqat kundalik vazifalarni avtomatlashtirish, balki diqqatni strategiya va mijozlar bilan ishlashga qaratishga yordam beradi.

4️⃣2034-yilga borib turli rollar birgalikda olib boriladi: frilans, kompaniyada ishlash, investitsiya va hatto o‘z biznesini boshqarish.

Telegram I Veb-sayt

Bir soatda bitta kitobni o‘qib tugatish mumkinmi?

Bu oson emas, albatta! Ammo Profi Universityning "Kitob podkasti" loyihasi orqali siz bir kitobni o‘qib chiqqandek bo‘lasiz!

Birinchi sonimizda Kel Nyuportning "Diqqat" nomli kitobini tahlil qildik!

Siz ham muhokamalarda qatnashing, yangi qarashlarni kashf eting!

🎁Eng yaxshi izoh yozib qoldirgan kuzatuvchimizga Profi Universityning esdalik sovg‘asi topshiriladi!

Ko'rsatuvni ko'rishni boshlashingiz bilanoq bir dona layk va izoh yozib, bizning loyihamizni qo'llab-quvvatlab qo'yasiz degan umiddamiz.

▶️ To'liq video — https://youtu.be/c1YJ6_hLZ1A

Telegram I Veb-sayt