#Мижоз_билан_сухбатимданпарча

Ҳаммасини очиқ-один тушунтириб бераман:
1. Терапия қанча давом этади ва бюджетни қандай режалаштириш мумкин? Бу ҳар бир инсонда индивидуал кечади, лекин функционал диспепсия каби психосоматик ҳолатларда қисқа муддатли курс одатда 5 тадан 6-7 тагача сессияни (ҳафтада 1 маротаба учрашганда тахминан 1,5–2 ой) ташкил қилади.

Бошида 2–3 та сессиядаёқ организминг қандай жавоб қайтараётгани ва ижобий ўзгаришлар кўрина бошлайди. Шунинг учун дарҳол ойлаб чўзиладиган жараённи режалаштиришинг шарт эмас — асосий блокдан бошлаймиз, кейин эса натижага қараб ўзинг давом эттиришни ҳал қиласан.

2. Фақат суҳбат бўладими ёки топшириқлар ҳам бериладими? Бу шунчаки оддий суҳбат бўлмайди. Сессияларда муаммонинг туб илдизини таҳлил қиламиз, ҳиссий блоклар ва танадаги зўриқишлар билан ишлаймиз. Сессиялар оралиғида эса мен сенга енгил ва қизиқарли амалий машқлар (танадаги чигилларни ёзиш, заземление, нафас ва соматик техникалар) бериб бораман. Бу янги ҳолатни реал ҳаётда мустаҳкамлашга ёрдам беради.

3. Психотерапия ҳақида: Илгари бу нарса билан тўқнаш келмаганинг мутлақо табиий. Бизнинг ишимиз жуда юмшоқ, босимсиз ва самимий ҳамкорлик форматида ўтади.
Агар тайёр бўлсанг, биринчи учрашувимизни белгилаймиз. Унда мақсадларингни янада аниқроқ келишиб, сенга қулай график тузволамиз.