🇰🇿🇰🇷 Сеул сапарынан есте қалар сәттер

@ptrkkz

🎥 Президент Қасым-Жомарт Тоқаевтың Кореяға мемлекеттік сапары

@ptrkkz

🇰🇿🇮🇳 Мемлекет басшысы Қасым-Жомарт Тоқаевтың БРИКС саммитіне қатысу үшін Үндістанға барған тарихи сапары – Астана мен Нью-Дели арасындағы геосаяси серіктестіктің жаңа кезеңіне жол ашты

Президент Телерадиокешені дайындаған «Астана – Нью-Дели: Диалог уақыты» деректі фильмі халықаралық деңгейдегі саяси-экономикалық шешімдер мен екі ел арасындағы шынайы адами қарым-қатынасты ұштастырады. Фильм Мемлекет басшысының БРИКС+ аурич пленарлық отырысында сөйлеген сөзі мен сарапшылар, мемлекет қайраткерлерінің сұхбаттары арқылы Қазақстанның әлемдік аренадағы салмағын таразылайды. Сарапшылардың эксклюзивті пікірі арқылы екі халық арасындағы шынайы достық пен ынтымақтастықты баяндайды.

📺 Бүгін, сағат 18:40-та Jibek Joly арнасында. Өткізіп алмаңыздар!

@ptrkkz

🇰🇿 Біздің Президент бірқатар мемлекеттің елшілерінен сенім грамоталарын қабылдады

Сенім грамоталарын:

🇪🇬Мысыр Араб Республикасының елшісі Самех Шехата
🇨🇭Швейцария Конфедерациясының елшісі Кристина Хонеггер-Золотухин
🇪🇪Эстония Республикасының елшісі Марье Лууп
🇴🇲Оман Сұлтандығының елшісі Салах Джабуб
Мажарстан елшісі Ференц Цомбош
🇬🇼Гвинея-Бисау Республикасының елшісі Браима Эмбало
🇳🇬Нигерия Федеративтік Республикасының елшісі Джозеф Олусола Иджи
🇩🇰Дания Корольдігінің елшісі Ларс Туесен табыстады.

– Бүгін – шын мәнінде, елдеріңіздің өкілі ретінде Сіздер үшін де, Қазақстан Республикасы үшін де өте маңызды күн. Осы орайда барлығымыз бірлесіп жұмыс істеуіміз қажет екеніне сенімдімін. Өйткені Қазақстан бейбітсүйгіш ел саналады. Біз теңгерімді және сындарлы сыртқы саясат ұстанамыз. Ел ішінде реформа жүргізуге қолайлы жағдай жасауға ұмтыламыз. Сыртқы істер министрлігінің, мемлекеттік органдардың, сондай-ақ Президент резиденциясының Сіздер үшін әрдайым есігі ашық. Өйткені қазіргі тұрақсыз әрі құбылмалы әлемде бірге болуға тиіспіз, – деді Қасым-Жомарт Тоқаев.

@ptrkkz

🏓 Қасым-Жомарт Тоқаев Халықаралық үстел теннисі федерациясының президенті Петра Сёрлингті қабылдады
 
🔹Президентіміз ел жастарының үстел теннисіне қызығушылығы арта түскенін айтты. Қазір 260 мыңнан астам адам осы спорт түрімен жүйелі түрде шұғылданады.

🔹Қасым-Жомарт Тоқаев 2027 жылы Астанада үстел теннисінен өтетін әлем чемпионатын ұйымдастыруға жәрдемдескені үшін Петра Сёрлингке ризашылығын білдірді. Бұл Орталық Азияда аталған спорт түрі бойынша өтетін алғашқы біріншілік болмақ.
 
🤝 ITTF жетекшісі Петра Сёрлинг үстел теннисіне жан-жақты қолдау көрсетіп келе жатқаны үшін Мемлекет басшысына алғыс айтты, сондай-ақ федерацияның осы спортты одан әрі насихаттау жоспарымен бөлісті.

@ptrkkz

🎥 «Сыр бойында» деректі фильмі – Қызылорда өңірінің терең тарихын, бай мәдени мұрасын, табиғатын және бүгінгі тынысын таныстыратын туынды

Көне қалалар мен тарихи ескерткіштер, Арал тағдыры, еңбек дәстүрі, ауыл шаруашылығы мен жаңа өндіріс жобалары арқылы Сыр елінің өткені мен қазіргі дамуы көрсетіледі. Фильм Сыр бойының тарихи мұрасы мен заманауи келбетін сабақтастыра отырып, өңірдің туристік және экономикалық әлеуетін ашады.

🈂️Бүгін, сағат 15:25-те «Jibek Joly» телеарнасынан көріңіз!
 
@ptrkkz

❕ Президент ғимарат қабырғаларына граффити салғандарға қатаң шара қолдануды тапсырды

Қасым-Жомарт Тоқаев Астана әкімі Жеңіс Қасымбекке ғимараттарға рұқсатсыз граффити салуға жол бермеу үшін қатаң шаралар қабылдауды тапсырды.

⚖ Мемлекет басшысы қалалардың келбетіне кері әсер ететін мұндай әрекеттерге тосқауыл қойып, қоғамдық орындарды бүлдіруге жол бермейтін тиісті заңнамалық шаралар қабылдау қажет екенін атап өтті.

@ptrkkz

🇰🇿 Біздің Президент «Таза Қазақстан» акциясына қатысушылар алдында сөз сөйлеп, маңызды ойларын бөлісті

🌲Мен осындай игі іске өз үлесін қосып жүрген жастарды нағыз отаншыл азамат деп санаймын. Себебі Отанға, туған жерге деген сүйіспеншілік өз үйіңнен, өз ауылың мен қалаңнан бастау алады

🌲Біз экологиялық мәдениеті жоғары ел болуымыз керек. Тағы да атап өтейін: бұл – мемлекетіміздің Конституциясында айқындалған аса маңызды міндет

🌲Өркениеттілік, жасампаздық пен ілгерілеу ұғымдарының ластыққа, селқостыққа ешқандай қатысы жоқ. Бұл – өмірдің ақиқаты

🌲Еліміздің әрбір азаматы бүгін де, ертең де «Таза Қазақстанда» жайлы өмір сүруі керек. Алайда осындай керемет өмір өзінен өзі аспаннан түспейді, бұл да – ең алдымен, әрбір азаматтың саналы көзқарасы, болмысы

🌲Бүгінде Қазақстанның әр аймағында ауқымды жұмыс істеліп жатыр. Жыл басынан бері еліміз бойынша 600-ден астам түрлі экологиялық іс-шара өтті
 
🌲Осы маңызды жұмысқа 7 миллион адам қатысты, 130 мыңнан астам гектар жер тазартылды. Елімізде 1,3 миллион тал егілді. Мұның бәрі аз шаруа емес, шын мәнінде көп жұмыс істеліп жатыр. Бұл – азаматтарымыздың Отанымызға деген таза ниеті, шынайы қамқорлығы және ең бастысы, еңбекқорлығы

🌲Жалпы, ел азаматтары да, елімізге келген шетел азаматтары да қоғамдық орындарда тазалық пен тәртіпті сақтап, заң талаптарына құрметпен қарауға тиіс

Еліміздің болашағы – сіздер сияқты білімді, белсенді, көзі ашық, көкірегі ояу, талапты жастардың қолында!
Жолдарыңыз әрдайым ашық болсын!
Баршаңызға амандық және сәттілік тілеймін!

@ptrkkz