🇰🇿🇮🇹 Қасым-Жомарт Тоқаев пен Серджо Маттарелла БАҚ өкілдеріне қандай мәлімдемелер жасады?

▫️ Италия Қазақстанның Еуропа Одағындағы маңызды әрі сенімді стратегиялық серіктесі екенін атап өтті

▫️ Көлік-логистика саласындағы байланысты нығайту мәселесін пысықтады. Халықаралық көлік дәліздерінің, соның ішінде Транскаспий дәлізінің әлеуетін сөз етті. Логистика инфрақұрылымы және қайта өңдеу өнеркәсібі секторындағы ықпалдастық мүмкіндіктерін талқылады

▫️ Ертең Президент Маттарелла аймақтағы ең ірі IT стартап паркі – Astana Hub-қа баратын болды. Еліміздің осы бағыттағы жетістіктерімен танысатынын мәлімдеді

▫️Келесі жылы Италияда «Көшпенділер алтыны» көрмесі өткізілмек. Сондай-ақ Неапольдегі көне Сан Карло театрында «Абай» операсын қою жоспарланған айтты

▫️ Қазіргі таңда Италияның үздік жоғары оқу орындарында Қазақстанның төрт мыңнан астам студенті білім алып жатыр. Сол үшін Италия Үкіметіне алғыс білдірді

@ptrkkz

🇰🇿🇮🇹Мемлекет басшысы Қазақстан мен Италия арасындағы көпжоспарлы ынтымақтастық берік саяси диалогқа, қарқынды экономикалық серіктестікке арқа сүйейтінін айтты.

@ptrkkz

🎥 Қасым-Жомарт Тоқаев: «Қазіргі таңда Италияның үздік жоғары оқу орындарында Қазақстанның төрт мыңнан астам студенті білім алып жатыр. Сол үшін Италия Үкіметіне алғыс айтамын»

@ptrkkz

💬💬 Мемлекет басшысының айтуынша, Италиямен түрлі бағыттағы ынтымақтастық уақыт өткен сайын арта түсуде

@ptrkkz

🇰🇿🇮🇹 Қазақстан мен Италия мәдени-гуманитарлық байланыстарды одан әрі нығайтады. Соның бір дәлелі, биыл Рим қаласында қазақтың бас ақыны Абай Құнанбайұлының мүсіні орнатылады

@ptrkkz

🇰🇿 Мемлекет басшысы «Достық – Мойынты» теміржолының екінші желісін іске қосты

☑ Қасым-Жомарт Тоқаев New Silk Way VII Халықаралық көлік-логистика бизнес-форумының ашылуымен құттықтап, бүгінгі іс-шараның мән-маңызы ерекше екеніне тоқталды.

– Бәріміз «Достық – Мойынты» теміржолының екінші желісінің ресми ашылуына куә болып отырмыз. «Достық – Мойынты» жолы – шын мәнінде аса маңызды инфрақұрылым жобасы. Бұл жоба Қазақстанның көлік-логистика жүйесінің дамуына, оның тиімділігін нығайтуға айрықша серпін беретіні сөзсіз. Ал тарихымызға үңілсек, осыдан отыз бес жыл бұрын «Достық – Алашаңқай» жобасы іске қосылды. Қазақстан мен Қытайдың теміржолы тоғысты. Бұл еліміз үшін тарихи оқиға болды. Сол жолды салған ардагерлеріміз қазір осы жиынға қатысып отыр. Баршаңызға зор алғысымды айтамын. Мен халыққа Жолдауымда, көлік-логистика саласы – экономиканың қозғаушы күші, халықаралық байланысты нығайтатын негізгі фактордың бірі деп атап өттім. Қазақстанның бұл саладағы әлеуеті зор. Ұлы Жібек жолы Қазақстан мен Орталық Азия арқылы өткен. Қазақ жері ежелден Қытай мен Еуропа арасындағы алтын көпір саналады. Қытай – біздің мәңгі, тату көршіміз әрі сенімді одақтасымыз. Біз бір-бірімізге әрдайым қолдау көрсетеміз. Қос халықтың қарым-қатынасы мызғымас достыққа, өзара сенімге негізделген. Елдеріміздің болашаққа деген көзқарасы – ортақ. Көп саладағы ынтымақтастығымыз нығаюда. Әсіресе, «Бір белдеу, бір жол» жаһандық жобасының мән-мағынасы айрықша. Баршаңызға мәлім, 2013 жылы Төраға Си Цзиньпин бұл бастаманы Қазақстанда жариялады. Біз осы жобаны барынша қолдаймыз, оны жүзеге асыруға белсене атсалысып жатырмыз. Себебі бұл бастама еліміздің мүддесіне толық сай келеді. «Достық – Мойынты» теміржолының екінші желісі – соның айқын дәлелі, – деді Президент.

@ptrkkz

🇰🇿🇮🇹Мемлекет басшысы Қасым-Жомарт Тоқаев Италия Президенті Серджо Маттарелланы елорда әуежайынан шығарып салды

@ptrkkz

🇰🇿🇦🇪 Мемлекет басшысы БАӘ Қорғаныс істері жөніндегі мемлекеттік министрі Мұхаммед бен Мубарак Фадел Әл-Мазруиді қабылдады

▫️ Кездесуде екі елдің қауіпсіздік және әскери білім беру салаларындағы ынтымақтастық перспективасы талқыланды.

▫️ Президент Әмірліктердің қорғаныс өнеркәсібіндегі жетістіктеріне тоқталып, озық технология мен инновация бағытындағы тәжірибе алмасу мүмкіндіктеріне назар аударды.

▫️ Сонымен қатар Қазақстан мен Біріккен Араб Әмірліктерінің қарым-қатынасы қарқынды дамып келе жатқанын атап өтіп, екіжақты стратегиялық серіктестікті одан әрі нығайтуға дайын екенін айтты.

▫️Бұл сапар әскери саладағы өзара ықпалдастықты нығайтуға тың серпін беретініне сенім білдірді.

@ptrkkz

📣 Мемлекет басшысының шақыруымен 1-3 қазан күндері Астанаға Мажарстан Президенті Тамаш Шуйок ресми сапармен келеді

🇰🇿🇭🇺Сапар аясында президенттер келіссөз жүргізіп, Қазақстан мен Мажарстан арасындағы стратегиялық серіктестікті нығайту перспективасын талқылайды.

⚡️Қасым-Жомарт Тоқаев мен Тамаш Шуйок Digital Bridge 2025 халықаралық форумының пленарлық отырысына қатысады.

@ptrkkz

⚠ Президент алдағы уақытта 5 мың шақырым теміржол салу жоспарланып отырғанын мәлімдеді.

☑ Сондай-ақ 11 мың шақырым теміржол жөнделмек.

@ptrkkz

🇰🇿 Қасым-Жомарт Тоқаев Қазақстан Еуразиядағы басты транзит хабының біріне айналғанын атап өтті

🚊 Еліміз арқылы әлемнің ең ірі сауда нарықтарына 5 теміржол дәлізі өтеді.

@ptrkkz

⚛ Мемлекет басшысы Жасанды интеллектіні дамыту жөніндегі кеңестің алғашқы отырысын өткізді
 
📝📝📝📝📝

▫️ Басқосу «Білім беру саласындағы жасанды интеллект: мүмкіндіктер және сын-қатерлер» тақырыбына арналды

▫️Мемлекет тарапынан көрсетілетін қызметтің 92 пайыздан астамы онлайн форматта ұсынылады. Биыл алғашқы жарты жыл ішінде Қазақстан азаматтарына 26 миллион цифрлық қызмет көрсетілген

▫️ Барлық саладағы интеграцияны үйлестіру үшін Жасанды интеллект министрлігі құрылды

▫️ Президенттің айтуынша, AI-Sana бағдарламасы аясында 440 мыңнан астам студент жасанды интеллект саласы бойынша арнайы сертификатқа ие болды

▫️ Қазақстанда 79 университетте ІТ мамандығы бойынша 63 мыңнан астам студент оқиды. Былтырдан бері білім беру бағдарламаларына Жасанды интеллект пәні жаппай енгізіліп жатыр

▫️Қазақстан үш жыл ішінде толыққанды цифрлық ел болуы керек

▫️ Жасанды интеллектіні кеңінен пайдалану орталық пен аймақ, қала мен ауыл арасындағы білім алшақтығын қысқартуға қолайлы жағдай жасайды

▫️Мемлекет басшысы жасанды интеллектіні цифрлық экономиканың негізгі қозғаушы күші екенін атап өтіп, кеңестің келесі отырысын осы тақырыпқа арнауды ұсынды

▫️ Қасым-Жомарт Тоқаев Үкіметке жаңа ЖИ университетімен интеграцияланған оқушылардың ұлттық цифрлық профильдер жүйесін құруды және ұлттық білім беру платформасын әзірлеуді тапсырды.

@ptrkkz

⚡️ Мемлекет басшысы цифрлық шешімдер көрмесіне барды

🇰🇿 Қасым-Жомарт Тоқаев Жасанды интеллектіні дамыту жөніндегі кеңес отырысы аясында ұйымдастырылған цифрлық шешімдер көрмесімен танысты.

❗️Көрмеге отандық жетекші компаниялар мен ұйымдар ЖИ саласындағы жобалары қойылды.

🌐 Экспозициялар білім беру, мәдениет, логистика, «ақылды қала» технологиялары секілді ауқымды бағыттарды қамтыды. Туристік онлайн қызметтері, генеративті ЖИ платформалары, В2В-агенттері мен AITU отандық мессенджері таныстырылды.

🔗 Көлік бағытында жаңа буынды 5G базасында тасымалды басқару мен телекоммуникацияға арналған ЖИ негізіндегі кешенді жүйелер көрсетілді.

@ptrkkz

🇰🇿 Президент алдағы Ұстаздар күнімен құттықтады

☑ Мемлекет басшысы мұғалімдердің кәсіби мерекесі елімізде ерекше аталып өтетінін жеткізіп, ұстаздар қауымына зор құрмет көрсетілетінін айтты.

– Міржақып Дулатұлы «Халыққа ең пайдалы адам – мұғалім» деген. Мұғалім – әр азамат үшін өте қадірлі тұлға. Басқа сөзбен айтқанда, мұғалім – әрбір балаға өмір жолын көрсетеді. Ұстаз – тәлім-тәрбие мен білімнің қайнар көзі. Кез келген қоғамның кемелдігі, өркениеттілігі ұстазға деген қатынасымен өлшенеді. Ұстазын ұлықтаған елдің ұрпағы саналы, болашағы жарқын болары хақ. Себебі әр мұғалімнің еңбегі – ерен, еліміздің дамуына қосқан үлесі – орасан. Сондықтан бүгін мен білім беру саласында еңбек етіп жүрген барша азаматқа шынайы ризашылығымды білдіремін, – деді Қасым-Жомарт Тоқаев.

@ptrkkz