📰🇰🇿🇨🇳Бүгін Қытайдың ағылшын тілді танымал Сhina Daily газетінде Президент Қасым-Жомарт Тоқаевтың «Strong Kazakh-Sino ties key to successful cooperation» («Қазақстан мен Қытайдың берік қарым-қатынасы – табысты ынтымақтастық кепілі») атты мақаласы жарық көрді. Бұл туралы Президенттің кеңесшісі - Баспасөз хатшысы Руслан Желдібай хабарлады.

🖋Мақалада Қазақстан мен ҚХР арасындағы жан-жақты стратегиялық серіктестікті дамыту, сондай-ақ Шанхай ынтымақтастық ұйымының әлеуетін нығайту тақырыптары қозғалған.

⚠Газеттің дүниежүзілік таралымы – 700 000 дана. Басылымның газет, онлайн және мобильді нұсқаларын әлем бойынша 350 миллионнан астам адам оқиды.

@ptrkkz

🇰🇿Президент Конституция күнімен құттықтады

Құрметті отандастар!

Баршаңызды Конституция күнімен құттықтаймын!

Осыдан 30 жыл бұрын өткен референдумда халқымыз Ата заңын қабылдап, тарихи таңдауын жасады.

Конституциямыз Қазақстан Республикасы тәуелсіздігінің, қазақ мемлекеттілігінің берік тұғырына айналды. Онда ұлтымыздың бүгінін және болашағын айқындайтын мызғымас құндылықтар мен қағидаттар нақты көрініс тапты.

Ата заң Қазақстанның барлық азаматының мүддесін ұлтына, дініне қарамастан бірдей қорғайтын әлеуметтік мемлекет ретіндегі құқықтық іргетасын қалыптастырды. Конституция қоғамдық келісім мен ішкі тұрақтылықтың басты кепілі саналады. Сан түрлі саладағы жетістіктерге осы негізгі заңымызға сүйене отырып қол жеткіздік.

Үш жыл бұрын ел дамуының жаңа тарихи кезеңіндегі міндеттерге сәйкес, ауқымды конституциялық реформа жасалды. Оның басты нәтижесі – саяси жүйенің «Күшті Президент – ықпалды Парламент – есеп беретін Үкімет» тұжырымдамасының негізінде жаңғыруы.

Конституциялық реформада адам құқықтарын қорғауға, Заң мен тәртіп үстемдігін орнықтыруға баса мән берілді. Ата заңға әлемдік тәжірибеде бұрын-соңды болмаған, инновациялық сипаттағы бірқатар жаңа ереже енгізілді. Қазақстанның конституциялық реформасына Венеция комиссиясы және өзге де беделді халықаралық ұйымдар, сондай-ақ шетелдік сарапшылар оң бағасын берді.

Әділетті, Таза, Қуатты әрі Қауіпсіз Қазақстан құрамыз десек, азаматтарымыз Ата заңды құрметтеп, оның барлық ережесін мүлтіксіз сақтауы керек.

Қазақстан Республикасының стратегиялық мақсаттарына ұлтымызды жұмылдыратын Конституциямыздың аясында барша азаматымыздың Отанымызды өркендету үшін жасампаздықпен еңбек етуіне барлық жағдай жасалған.

Еліміздің барша азаматына зор денсаулық, бақ-береке тілеймін!

@ptrkkz

🇰🇿🇨🇳«Қазақстан мен Қытай қазір жаңа тарихи кезеңнің тоғысында тұр»

🖋Бүгін Қытайдың танымал Сhina Daily газетінде Қасым-Жомарт Тоқаевтың "Strong Kazakh-Sino ties key to successful cooperation" (Қазақстан мен Қытайдың берік әрі сенімді қарым-қатынасы – табысты ынтымақтастықтың кепілі) атты мақаласы жарық көрді.

⚛Президенттің мақаласындағы негізгі ойларын ұсынамыз:

– Ғасырлардан тамыр тартатын қазақ пен қытайдың тату көршілік қарым-қатынасы өзара сенім, қолдау мен түсіністікке арқа сүйейді

– Бүгінгі таңда осынау берік достық байланыстарымыз стратегиялық серіктестік пен мемлекетаралық ынтымақтастықтың үлгісіне айналды

– Бізді бейбіт және тату көршіліктің символына айналған 1700 шақырымға созылатын ортақ шекара біріктіреді

– 2024 жылы екіжақты сауда-саттық көлемі 44 миллиард долларға жетті. Бұл – тарихи меже. Осылайша, Қытай Қазақстанның ең ірі сауда-экономикалық серіктесі ретінде позициясын күшейтті

– 2005 жылдан бері қытайлық кәсіпорындар Қазақстанға 27 миллиард доллардан астам инвестиция құйды. Бүгінгі таңда қытай капиталының үлесі бар алты мыңға жуық компания жұмыс істейді

– Транскаспий халықаралық көлік бағдарының немесе Орта дәліздің өркендеуі – біздің ортақ күш-жігеріміздің нәтижесі

– 2024 жылы «Достық – Мойынты» учаскесінде қосымша теміржол желісінің іске қосылуы Қазақстан арқылы Қытай – Еуропа дәлізімен бес есе көп жүк жөнелтуге мүмкіндік береді

– Қазақстан – Қытай мұнай құбырын кеңейту, мұнай өңдеу зауытын жаңғырту және мұнай химиясы кәсіпорындарын салу осы саладағы ортақ жобаларымыздың бір парасы ғана

– Былтыр Қазақстаннан Қытайға жөнелтілетін ауыл шаруашылығы өнімдерінің экспорты 10 пайызға ұлғайды

– Қос халықтың мәдени байланыстары бұрыннан берік болған. Былтыр Қытайдағы Қазақстан туризмі жылы табысты өтті. Ал 2025 жылды «Қазақстандағы Қытай туризмінің жылы» деп жарияладық

– Дипломатиялық тұрғыдан Қазақстан мен Қытай Шанхай ынтымақтастық ұйымының аясында тығыз жұмыс істеуге бейіл

– Тяньцзинь қаласында өтетін ШЫҰ-ның тарихи саммиті ұйымның алдағы даму траекториясын айқындайды. Басқосу өзекті жаһандық мәселелер бойынша стратегиямызды үйлестіріп, институттық реформаларды ілгерілетуге айрықша мүмкіндік береді

– Қазақстан мен Қытай қазір жаңа тарихи кезеңнің тоғысында тұр. Сол себепті біз қос мемлекеттің ортақ мақсаты, бір-біріне деген құрметі және бірлескен стратегиядан айнымауы өзара серіктестігімізді жаңа жетістіктерге бастайтынына сенімдіміз.

ℹ️Мақаланың қазақ тілінде аудармасын Kazinform агенттігінің сайтында оқыңыз!

@ptrkkz

🎥ҚР Президентінің Телерадиокешені «Жаңа Атырау» деректі фильмін ұсынады!

🏢Атырау – Қазақстан экономикасының жүрегі. Өңірдің жалпы мемлекеттің ішкі өніміне қосатын үлесі – республикалық көрсеткіш бойынша алдыңғы қатарда. Мұнай мен газдың күретамыры да осы өңірден бастау алады. Тек мұнымен шектелмеген Атырау өңірі бүгінде көлік-логистикалық әлеуетін тиімді пайдаланып экономиканы әртараптандыруға күш салып жатыр.

🎞️Деректі фильмде өңір ахуалы ондағы еңбек адамдарының қарапайым оқиғасы арқылы толыққанды қамтылады.

📰📺Атыраудың бүгіні, даму жағдайы және болашағы туралы 31 тамыз, 15:30-да Jibek Joly арнасынан көре аласыздар!

@ptrkkz

🇰🇿🇨🇳Президент Шанхай ынтымақтастық ұйымының саммитіне қатысу үшін Тяньцзинь қаласына барды

🤝Бүгін «Инбингуань» мемлекеттік резиденциясында Қасым-Жомарт Тоқаев пен Си Цзиньпин келіссөз жүргізеді. Мемлекеттер басшылары қазақ-қытай жан-жақты әрі мәңгі стратегиялық серіктестігін нығайту перспективасын талқылайды.

@ptrkkz

🤝Мемлекет басшысы ҚХР Төрағасы Си Цзиньпинмен келіссөз жүргізді

🇰🇿Қасым-Жомарт Тоқаев:

– ҚХР Төрағасы Си Цзиньпиннің тікелей қолдауымен қазақ-қытай қатынасы бұрын-соңды болмаған қарқынмен дамып жатқанын атап өткім келеді

– Былтыр екі ел арасындағы тауар айналымы 44 миллиард долларға жетті. Бұл – ең жоғары көрсеткіш

– Мен осы сапарымның аясында Қазақ-қытай іскерлік кеңесінің отырысына қатысамын. Қытайдың бірқатар ірі компаниясының басшыларымен кездесемін

– Екі елдің мәдени-гуманитарлық ықпалдастығын нығайтуға қолайлы жағдай жасалған. Соның жарқын мысалы – Қазақстанда «Лу Бань зертханасының» екінші және үшінші филиалдары ашылатын болды.

🇨🇳ҚХР Төрағасы Си Цзиньпин:

– Араға екі ай салып қайта жүздесіп отырмыз. Бұл қытай-қазақ қатынастарының деңгейі жоғары әрі ерекше сипатта екенін көрсетеді

– Сіздің төрағалығыңызбен екінші «Қытай – Орталық Азия» саммиті табысты өтті. Біз Қытай мен аймақ елдерінің ынтымақтастық рухына сай келетін және Қытай – Орталық Азия диалогының жаңа кезеңіне жол ашатын маңызды құжаттар қабылдадық

– Халықаралық ахуал қалай құбылатынына қарамастан, Қытай мен Қазақстан бір-біріне әрдайым сенім артып, арқа сүйей алатын стратегиялық серіктестер

– Екі ел тату көршілік және достық байланыстарға әрқашан бейіл. Біз ашықтық пен өзара тиімді ынтымақтастық қағидаттарынан айнымай, тағдыры ортақ көршілес елдер қоғамдастығын құру бағытын ұстанамыз

– Түпкі мүддеміз бен басты түйткілдерге қатысты мәселелерде бір-бірімізге жан-жақты қолдау көрсетуге әзірміз.

@ptrkkz

🇰🇿🇨🇳Қазақстанда Лу Бань зертханалары ашылды

▫️Президент Қасым-Жомарт Тоқаев пен ҚХР Төрағасы Си Цзиньпиннің жоғары деңгейдегі келіссөздерінен кейін Қазақстанда екінші және үшінші Лу Бань зертханаларының ашылу рәсімі өтті.

⚛Бұл жоба Лу Бань зертханасының тәжірибесін тарату жөніндегі Мемлекет басшысының тапсырмасы аясында іске асырылды. Ол экономиканың түрлі секторы бойынша тәжірибеге бағдарланған оқыту мен маман даярлауды көздейді.

@ptrkkz

📎Халықаралық Silk Way Star музыкалық байқауы аясында Қазақстан Республикасының Конституциясы күніне арналған мәдени бағдарлама ұйымдастырылды

🇰🇿Бағдарламаның басты мақсаты – жоба қатысушыларын Қазақстанның ұлттық дәстүрлерімен таныстыру, Конституция мерейтойының маңыздылығын атап өту.

⚜️Бағдарламада экскурсия мен қазақ мәдениетінің элементтері үйлесімді түрде ұштастырылады. Қатысушыларға «Жеті қазына» символикасы, патриоттық әндер және достық қарым-қатынас атмосферасы ұсынылды.

@ptrkkz

🇨🇳 Президент Қасым-Жомарт Тоқаев ШЫҰ саммитіне қатысушы елдердің делегация басшылары құрметіне ұйымдастырылған салтанатты қабылдау рәсіміне қатысу үшін Тяньцзиндегі «Мэйцзян» конференц-орталығына келді

🇰🇿🇨🇳Мемлекет басшысын ҚХР Төрағасы Си Цзиньпин мен оның зайыбы Пэн Лиюань күтіп алды.

@ptrkkz

🇨🇳 ШЫҰ саммитіне қатысушы мемлекеттердің делегация басшылары бірге суретке түсті

@ptrkkz

🇨🇳 ШЫҰ-ға мүше мемлекеттер басшылары кеңесіне қатысушылар бірге суретке түсті

Сәлден кейін Тяньцзиндегі «Мэйцзян» конференц-орталығында ШЫҰ саммиті басталады.

@ptrkkz

🇨🇳Президент ШЫҰ-ға мүше мемлекеттер басшылары кеңесінің отырысында сөз сөйледі

✉️✉️✉️✉️✉️✉️

– Қазақстан ШЫҰ шеңберіндегі қауіпсіздік пен тұрақтылықты, экономикалық ықпалдастық және мәдени-гуманитарлық байланыстарды нығайтуға бағытталған Қытайдың сарабдал саясатын жоғары бағалайды

– Ұйымның басым міндеттері жаңа технологиялық дәуірде халықтарымыздың әл-ауқатын, қауіпсіздігін және орнықты дамуын қамтамасыз етуді көздейді

– ШЫҰ жарғылық құжаттарының негізгі қағидаттарын берік ұстана отырып, Қазақстан «үш зұлымдыққа», яғни, терроризмге, сепаратизмге және діни экстремизмге қарсы күресте күш-жігер біріктіруді өте өзекті санайды

– Біз жаһандық бейбітшілік пен қауіпсіздік мүддесі үшін халықаралық ынтымақтастық нышанына айналған «Шанхай рухын» одан әрі ілгерілетуді қуаттаймыз

– Қазақстан ШЫҰ-ның қауіпсіздік сын-қатерлерімен күрес жөнінде төрт орталық құру бастамасын қолдайды

– Қытай Төрағасының жаһандық даму, жаһандық қауіпсіздік, жаһандық өркениет және жаһандық басқару жөніндегі бастамаларын оң бағалаймыз

– Шанхай ынтымақтастық ұйымы мен Азиядағы өзара сенім шаралары жөніндегі кеңес арасында іскерлік байланыстарды күшейту маңызды деп ойлаймыз

– ШЫҰ елдерін Ауғанстанға гуманитарлық, техникалық көмек көрсетуді жалғастыруға шақырамын. Сол арқылы аталған мемлекетті қалпына келтіріп, өңірлік және экономикалық процестерге қатыстыра аламыз

–Қазақстанның ШЫҰ елдерімен тауар айналымы да тұрақты түрде өсіп, өткен жылы 70 миллиард долларға жуықтады

– Қазақстан ШЫҰ даму банкін құру жөніндегі Қытайдың бастамасына қолдау білдіріп, аталған перспективті жобаға атсалысуға әзір

– Астана халықаралық қаржы орталығы базасында перспективті инвестициялық жобаларды сүйемелдеп, заңгерлік, консалтингтік және қаржылық компанияларды шоғырландыратын ШЫҰ Кеңсесін құруды ұсынамын

– Жасанды интеллектіні қарқынды дамытуда ШЫҰ әлемде көш бастай алады деп есептеймін. Сондықтан Қытайдың Жасанды интеллект саласындағы ынтымақтастық бойынша жаһандық ұйым құру туралы ұсынысын толық қолдаймыз

– Қазақстан цифрландырудың барлық спектрі бойынша ынтымақтастықты арттыруды, соның ішінде экономиканың нақты секторларына, денсаулық сақтау ісіне, көлік-логистика саласына, қалаларды басқару жүйесіне «ақылды шешімдерді» енгізуді қуаттайды

– Еліміз 2027 жылы «ШЫҰ-ның экономика қызметіндегі жасанды интеллект» тақырыбында жоғары деңгейдегі конференция ұйымдастыруға ниетті.

@ptrkkz