Мен: өзім қайта берейін үйім жақын.
Мама: апарып тастаймыз.
Мен: әуре болмаңыздар
Мама: құрсын, қызымыздан айырылып қалармыз. Бүтін күйіңде үйіңе апарып тастайық.
Ж: үйге барып, шәй ішейік.
Мама: шаршап тұрған адамды қинап, менің қызым болса, ұрысар едім қайда жүрсің деп.

#кеше

أحب مصيرك

Тағдырыңа ғашық бол

#күнтәртібіндегібастымәселе

Басқаға бұйыра берсем қайтеді?! Біреудің тағдыры болғым келмейді. Біреудің “менің өмірімді өзгертетін осы,”-дегені болғым келмейді. Біреуді біреуінен жалыққаным үшін қолданғым келмейді.

Мен жай бақытты болғым келеді. Бірақ сол адаммен. Мен оянғанда оның күтіп отырған көзін көргім келеді.
Мен сол адамның құшағында ұйқыға кеткім келеді.
Мен оның өмірлік таңдауы болғым келеді.
Басқаның емес…

#бүгін

Алдыма сары жапырақ құлағанда қазір күз екені еске түсті. Мәңгілік сағыныштың мезгілі. Не алдыға қадам басқызбайды, не артқа оралуға мұрша бермейді.

#джәйәңгіме

Екеуміз армандаған болашақта, екеуміз де қалғанымызды қалаймын...

#оған

Өмірді көзілдіріктің бергі жағынан көруді үйреніп қалыппын. Бәлкім, мүлдем шешіп тастап, дым көрмей жүре беремін-ау…

#күнтәртібіндегібастымәселе

Мынадай ой туды. Сіздермен Абайдың қара сөздерін оқып, талқылау деген. Аптасына 1-2 қара сөз оқып талқыласақ қалай?

Ойларың?

#кітапtalk

24.10.2026
20:00 (уақыты өзгеруі мүмкін)
Абайдың 1, 2, 3 қара сөздеріне талқы

Қазақ пәлсапашы, ақын Абай (Ибраһим) Құнанбайұлы жайлы деректер:
📝10.08.1845 жылы қазіргі Семей облысының Шыңғыс тауларында, Қарқаралының
аға сұлтаны Құнанбайдың төрт әйелінің бірі, екінші әйелі Ұлжаннан туған;
📝MBTI бойынша ол кісі INFJ;
Абайдың үш әйелі, 20 баласы болған
📝Абай өз өлеңдерінде де, өмірде де әйел құқығы ұшін күрескен.
📝Ұлы ақынымызға арналған Лондон қаласында үлкен музей бар.
📝 170-ке жуық өлең жазып, 56 шығарманы қазақ тіліне аударып, 45 қара сөзін қалдырып, 3 поэманың авторы болды.
📝өз өлеңдеріне ән жазған, сол себепті композитор десек те болады.
📝 Шәкәрім Құдайбердіұлының немере ағасы
📝 Көп өлеңдерін өлгеннен кейін алғашқы абайтанушы Әлихан Бөкейханов ат салысып, 1909 жылы Петерборда алғашқы өлең жинағын басып шыққан.
📝 Негізі Абай қара сөздерін бірінші, екінші қара сөз деп бөлмеген. Оны кейінірек баспада бөліп, нөмірлеген екен.
📝 Абай туындылары әлемнің 60 тіліне аударылған.
📝 Абай алғашқы жазба әдебиетінің негізін қалаушы десек те айып емес секілді.

#қызықмысық

Айналысқым келетін хоббилер:
1) флористика (үйге айына бір рет айлықтан неше түрлі гүл алып, өзім үйлестіріп жинап көру)
2) суретті толыққанды салып үйрену
3) атқа бару (айына бір рет) осы орайда ат үстінде садақ атып үйрену
4) киімдер тігіп, тоқып үйрену
5) пинтерестті тамақ жасап үйрену (тамақтан толыққанды витаминдерді ала алатындай тамақтар жасау керек еді)
6) күнделік жүргізіп үйрену
7) каллиграфиямен айналысу
8) шахмат ойнауды үйрену
9) велосипед теуіп жұмысқа бару
10) үлкен теннис немесе паддл ойнап үйрену
11) әдемі, эстетик суреттер түсіріп үйрену
12) осының бәрін жасайтын ер адамымды сүю

- мен Сезімімді жасырып, сен байқамағандай болып, қашанғы жүре бермекпіз?
- төзімің таусылғанша…
- неге? Махаббатты ең ұлы сезім дейді. Бағымды сынап көргім келеді сенімен.
- бағымызды сынап көрем деп, сағың сынып, кейін жаралы жүректерді қалай емдемекпіз?
- Бүкіл проблемаларды шешіп жүрміз ғой. Сағымыз сынбады, керісінше белді бекем будық.
- Мидағы проблемаларды ұмытуға болады. Уақытша ақпарат. Жүректегі проблемалардың шешімі жоқ. Ұмытуға тырысқаныңмен, естеліктер санаңда жаңғырып тұрады. Кейін маған қайта оралам дейсің. Қайта оралып, бәрін орнына қойғың келеді. Бірақ оған менің жүрегім көне ме? Санам уәделеріңе сене ме? Қызықсың…

#деппінбұрын

Көздеріңнен болашаққа деген үмітті көрем. Ол жерде мен бар ме екем?

#оған

Ескі әнге елігізеп тұратыным сағыныштан шығар…

#атама

Осы кейде “ақкөңілдіктеріңе сиейін,”-дегім келеді. “ЖОҚ!”-деген сөзді үйреніңдерші. Границаларыңды сызыңдар, шимайлаңдар. Бірақ адамның көңіл-күйін түсіріп, “маған ұнамады,”-деп артқа тартпаңдаршы. Бардың ба? Саған төлеп жатыр ма? Қуан, әкесінің. “Бекер келдім. Мен қайтам. Мен шаршадым. Менің қарным ашты,”-деп ығырды шығарып жібереді ғой, рахаттанып, демалғаныңа мәз болып тұрсаң…

#жалпысолай