“Yong‘indan ogohlik” umummilliy kampaniyasi oyligi doirasida Qashqadaryo viloyati Favqulodda vaziyatlar boshqarmasi mas’ul xodimlari tomonidan Qarshi davlat universitetining yong‘in xavfsizligi holati o‘rganildi.

O‘rganish davomida aniqlangan kamchiliklar yuzasidan mas’ullarga tegishli topshiriq va ko‘rsatmalar berildi.

Boshqa yangiliklar👇
Veb-sayt | Telegram | Instagram | Facebook | YouTube

YIRIK SAVDO MAJMUADA O‘QUV MASHG‘ULOTI O‘TKAZILDI

Bugun, 9-sentabr viloyat FVB hamda Qarshi shahar bo‘limi mas’ullari kamkorligida Qarshi shahrida joylashgan “Korzinka” savdo majmuasida favqulodda vaziyatlarga tayyorgarlikni oshirish, kuch va vositalarning hamkorlikdagi harakatlarini muvofiqlashtirish maqsadida amaliy o‘quv mashg‘uloti tashkil etildi.

Amaliy mashg‘ulot davomida qutqaruvchilar tomonidan shartli yong‘inni bartaraf etish, kuch va vositalarni to‘g‘ri taqsimlash, obyekt hududidagi fuqarolarni xavfsiz hududga evakuatsiya qilish hamda shartli jabrlanganlarga birinchi tibbiy yordam ko‘rsatish bo‘yicha amaliy harakatlar bajarildi.

Mashg‘ulot yakunida ishtirokchilarning favqulodda vaziyatlarda tezkor va to‘g‘ri harakat qilish ko‘nikmalari mustahkamlandi hamda obyektning favqulodda vaziyatlarga tayyorgarlik darajasi baholandi.

Boshqa yangiliklar👇
Veb-sayt | Telegram | Instagram | Facebook | YouTube