"KORZINKA" savdo majmuasida o‘quv mashg‘uloti o‘tkazildi

Qarshi shahrida joylashgan “Korzinka” savdo majmuasida favqulodda vaziyatlarga tayyorgarlikni oshirish maqsadida o‘quv mashg‘uloti tashkil etildi.
Mashg‘ulot rejasiga ko‘ra, obyektda shartli yong‘in sodir bo‘lgani haqida barcha tezkor xizmatlarga xabar berilib, hodisa joyiga Qarshi shahar Favqulodda vaziyatlar bo‘limining 3 ta yong‘in-qutqaruv va maxsus texnikasi jalb qilindi.
Amaliy jarayonda qutqaruvchilar tomonidan yong‘inni bartaraf etish, kuch va vositalarni to‘g‘ri taqsimlash, jabrlanganlarni xavfsiz hududga evakuatsiya qilish hamda ularga birinchi tibbiy yordam ko‘rsatish bo‘yicha harakatlar bajarildi.

Boshqa yangiliklar 👇
Veb-sayt | Telegram | Instagram | Facebook | YouTube

Korrupsiyaga qarshi kurash — islohotlar samaradorligining muhim omili

Bugun, 25-iyun kuni Qashqadaryo viloyati Favqulodda vaziyatlar boshqarmasida vazirlik mas’ullari, boshqarma boshlig‘i polkovnik F. Mirzayev hamda Qarshi harbiy prokurori, adliya polkovnigi J. Ashurov ishtirokida harbiy xizmatchilar bilan “Islohotlar yo‘lidagi eng katta to‘siq va g‘ov — korrupsiya” mavzusida yig‘ilish o‘tkazildi.

Yig‘ilish davomida mamlakatimizda amalga oshirilayotgan keng ko‘lamli islohotlarning mazmun-mohiyati, davlat xizmatida qonuniylik va shaffoflikni ta’minlash, korrupsiyaning oldini olish hamda unga qarshi murosasiz kurashish masalalari atroflicha muhokama qilindi.

Tadbir yakunida boshqarma mas’ullariga xizmat intizomini yanada mustahkamlash, qonunchilik talablariga so‘zsiz rioya etish hamda korrupsiyaning har qanday ko‘rinishlariga nisbatan qat’iy choralar ko‘rish bo‘yicha tegishli topshiriqlar berildi.

Bizni quyidagi ijtimoiy tarmoqlarda ham kuzatib boring👇
Veb-sayt | Telegram | Instagram | Facebook | YouTube