Sug‘oriladigan yerlarni asrash — oziq-ovqat xavfsizligi garovi

Muborak tumanida sug‘oriladigan qishloq xo‘jaligi yerini o‘zboshimchalik bilan egallab, noqonuniy qurilish qilganlik holati aniqlandi.

Kadastr agentligining Muborak tumani bo‘limi tomonidan o‘tkazilgan o‘rganishda Qoraqum mahalla fuqarolar yig‘inining Qoraqum qishlog‘i hududidagi qishloq xo‘jaligi xaritasining 1167-q konturida 2 272 kvadrat metr sug‘oriladigan yer maydoni fuqaro tomonidan o‘zboshimchalik bilan egallangani va ushbu hududda noqonuniy qurilish ishlari amalga oshirilgani ma’lum bo‘ldi.

Aniqlangan holat yuzasidan to‘plangan materiallar, harakatlarda jinoyat alomatlari mavjudligi sababli, qonuniy baho berish uchun tuman prokuraturasiga yuborildi.

Eslatib o‘tamiz: sug‘oriladigan yerlar alohida muhofaza qilinadi. Bunday yerlarni o‘zboshimchalik bilan egallash va ulardan belgilangan maqsadga zid ravishda foydalanish qonunchilikda belgilangan javobgarlikka sabab bo‘lishi mumkin.

🇺🇿 Telegram | Instagram | Facebook | Youtube

Yakkabog' tumanida sayyor qabul o'tkaziladi

Aholi va tadbirkorlarning kadastr sohasiga oid murojaatlarini o‘rganish va mavjud muammolarini hal etish maqsadida Kadastr agentligining Qashqadaryo viloyati boshqarmasi tomonidan Yakkabog' tumanida sayyor qabul tashkil etiladi.

📅 Sana: 2026-yil 24-oktabr
🕦 Vaqt: soat 10:00
📍 Manzil: Yakkabog' tumani, Jambul MFY.

☎️ Murojaat uchun telefon: 75-227-81-95

Kadastrga oid muammoingiz bormi? Sayyor qabulda ishtirok eting!

🇺🇿 Telegram | Instagram |Facebook|Youtube

⚡️Qurilishi tugallanmagan uy-joyga kadastr pasporti beriladimi?

📹 Batafsil videoda

🇺🇿 Telegram |🇺🇿 Instagram |🇺🇿 Facebook | 🇺🇿Youtube

RASMIY MUNOSABAT

“Darakchi.uz” YouTube kanalida Shahrisabz tumani Bo‘zariq qishlog‘ida yashovchi oila foydalanib kelayotgan bino yuzasidan murojaat yoritildi.

Mazkur murojaatda ko‘tarilgan holat Davlat kadastrlari palatasi Qashqadaryo viloyati boshqarmasi tomonidan belgilangan tartibda o‘rganildi.

O‘rganish davomida aniqlanishicha, Shahrisabz tumani, “Polmon” MFY, Bo‘zariq qishlog‘i, 506-uyda joylashgan konserva zavodi binosi 1999-yil 13-maydagi tuman hokimining qarori hamda 2008-yil 15-maydagi davlat orderiga asosan fuqaro Jalilov R nomiga rasmiylashtirilgan. Keyinchalik, 2025-yil 18-iyuldagi merosga bo‘lgan huquq to‘g‘risidagi guvohnoma asosida uning qizi Jalilova S nomiga 2025-yil 21-iyul kuni davlat ro‘yxatidan o‘tkazilgan.

Fuqaro tomonidan taqdim etilgan 2005-yil 16-fevraldagi “Kim oshdi” savdosi bayonnomasida obyekt dala shiyponi sifatida ko‘rsatilgan. Biroq kadastr hujjatlarida nizoli bino konserva zavodi binosi sifatida qayd etilgan. Auksion bayonnomasida obyektning aniq joylashuvi ko‘rsatilmaganligi sababli, ushbu hujjat aynan nizoli binoga tegishli ekanini tasdiqlovchi ma’lumotlar mavjud emas. Shuningdek, bayonnoma davlat ro‘yxatidan o‘tkazilmagan.

Shu bois, fuqaro taqdim etgan hujjatlar nizoli binoning aynan unga ajratilganini va ushbu binoga nisbatan mulk huquqini tasdiqlamaydi. Mavjud hujjatlar asosida binoni uning nomiga davlat ro‘yxatidan o‘tkazish uchun huquqiy asos mavjud emas.

Murojaat yuzasidan avval ham bir necha marotaba o‘rganish ishlari olib borilib, tegishli tushuntirishlar berilgan. Mulkka oid nizoni qonunchilikda belgilangan tartibda sud orqali hal etish lozimligi murojaatchiga tushuntirilgan.

Kadastr organi ko‘chmas mulkka bo‘lgan huquqni faqat qonuniy asoslar va aynan shu obyektga tegishli huquqni tasdiqlovchi hujjatlar mavjud bo‘lgan taqdirdagina davlat ro‘yxatidan o‘tkazadi.

🇺🇿 Telegram |🇺🇿 Instagram |🇺🇿 Facebook | 🇺🇿Youtube

Sayyor qabulda ko‘tarilgan masala hal etildi

O‘tgan hafta Muborak tumanida Kadastr boshqarmasi tomonidan sayyor qabul tashkil etildi.

Qabul davomida fuqarolardan birining xatlov bilan bog‘liq murojaati tinglandi. Murojaatni o‘rganish maqsadida mutaxassislar tomonidan joyiga chiqilib, holat bevosita o‘rganildi.

O‘rganish natijasida fuqaro ko‘targan masala ijobiy hal etilib, xatlov bilan bog‘liq muammo bartaraf qilindi.

🇺🇿 Telegram |🇺🇿 Instagram |🇺🇿 Facebook | 🇺🇿Youtube

2027-yilda Kitob tumanidagi qaysi mahallarda xatlovlar o'tkazilishi sizga qiziqmi?

ETIROF.KADASTR.UZ saytiga kirib xatlov reja-jadvali bilan tanishishingiz mumkin.

Foydali ma'lumotni yaqinlaringizga yuborib qo'ying.

🇺🇿 Telegram | Instagram | Facebook|Youtube

Oktabr oyidagi uchinchi manzil Yakkabog‘ tumani

Joriy yilning oktabr oyida Kadastr boshqarmasi mas’ullari tomonidan fuqarolar murojaatlarini o‘rganish va ularning muammolariga yechim topish maqsadida sayyor qabullar tashkil etilmoqda.

Dastlab, Qamashi tumanida, keyinchalik Muborak tumanida o‘tkazilgan sayyor qabullarning navbatdagi manzili — Yakkabog‘ tumani bo‘ldi.

Sayyor qabullar davomida fuqarolarning kadastr sohasiga oid murojaatlari tinglanib, ularni qiziqtirgan savollarga mutaxassislar tomonidan tegishli tushuntirishlar berilmoqda.

🇺🇿 Telegram | Instagram | Facebook|Youtube

Xatlov uchun to‘lov talab qilinmaydi!

Kadastr xodimlari o‘lchovga borishganida ularga xolis va to‘liq ma’lumot bering

🏘 Xatlovdan so'ng, ijobiy xulosa qabul qilingan fuqarolarga xabarnoma yuboriladi.

Xabarnoma asosida bir martalik to‘lovni amalga oshirganganlarga Xalq deputatlari viloyat Kengashi qarori bilan huquqlar eʼtirof etiladi .

Ma'lumot uchun 75-227-51-13
75-227-51-14

#Foydali_malumot

🇺🇿 Telegram |🇺🇿 Instagram |🇺🇿 Facebook | 🇺🇿Youtube

RASMIY MUNOSABAT

Telegram messenjeridagi “Huquq.uz” kanalida Ko‘chmas mulk obyektlariga bo‘lgan huquqlarni davlat ro‘yxatidan o‘tkazishda yuzaga keladigan nizolarni sudga qadar hal qilish komissiyasining qarori ijro etilmayotgani yuzasidan e’lon qilingan ma’lumot Davlat kadastrlari palatasi Qashqadaryo viloyati boshqarmasi tomonidan o‘rganildi.

O‘rganish davomida mazkur holat yuzasidan sud hujjatlari, mavjud ma’lumotlar hamda tegishli hujjatlar tahlil qilindi.

Aniqlanishicha, komissiyaning 2026-yil 5-iyundagi qarorida belgilangan, “AL-SARVAR NON” MChJ nomiga davlat ro‘yxatidan o‘tkazilgan ko‘chmas mulk obyektlariga oid ko‘chirmalarni bekor qilish vazifasi belgilangan muddatlarda to‘liq ijro etilmagan.

Mazkur holat yuzasidan sud tomonidan ham tegishli huquqiy baho berilib, komissiya qarorini ijro etmaslik bilan bog‘liq harakatsizlik qonunga xilof deb topilgan hamda qaror ijrosini ta’minlash majburiyati yuklatilgan.

Hozirgi vaqtda mazkur ko‘chmas mulk obyektlariga oid davlat ro‘yxatidan o‘tkazish haqidagi ko‘chirmalar bekor qilingan.

Ijtimoiy tarmoqda e’lon qilingan mazkur masala Boshqarma mas’ullari tomonidan atroflicha o‘rganilib, tegishli choralar ko‘rilishi natijasida ijobiy hal etildi.

Aniqlangan holat yuzasidan qonunchilik talablariga rioya etish hamda sud hujjatlari ijrosini o‘z vaqtida ta’minlash masalalari alohida nazoratga olindi.

🇺🇿 Telegram |🇺🇿 Instagram |🇺🇿 Facebook| 🇺🇿Youtube

“Eng katta xato — tezdagina taslim bo‘lishda. Ba’zida istaganimizga erishish uchun bor yo‘g‘i yana bir marotaba harakat qilib ko‘rish kerak”

🇺🇿 Telegram | Instagram | Facebook|Youtube

Endi uyimiz o‘zimizniki ekanini hujjat ham tasdiqlaydi!

Kadastr xatlovlari natijasida ko‘plab uy-joylarga egalik huquqini rasmiylashtirish imkoniyati yaratilmoqda. Yillar davomida o‘z uyini qonuniy hujjatlar bilan ta’minlashni kutgan fuqarolar uchun bu katta quvonch va muhim voqea!

Endilikda o‘z xonadoniga egalik huquqini qo‘lga kiritayotgan fuqarolarning ko‘ngli xotirjam, ertangi kunga ishonchi yanada mustahkam.

🇺🇿 Telegram | Instagram | Facebook|Youtube