❌Мұғалімдерден әлеуметтік желі жүргізуді талап етуге тыйым салынуы мүмкін

Мұғалімдерден әлеуметтік желі жүргізуді талап етуге заң жүзінде тыйым салынуы мүмкін. Жуырда Мәжіліс тиісті заң жобасын қарауға кіріседі. Бұл туралы депутат Асхат Аймағамбетов айтты.

✅Ата-аналар немесе мектеп басшылығы педагогтерді жұмыстан тыс уақытта ватсап желісі арқылы жауап беруге, рилс түсіруге міндеттей алмайды. Сондай-ақ есепті электронды және қағаз жүзінде қайталап тапсырту алдағы уақытта заңсыз деп саналмақ.

Түркістанда 15 жастағы қыздың ішінен 1 келі шаш шықты

Түркістан қалалық балалар ауруханасында 15 жастағы қызға сирек кездесетін күрделі хирургиялық ота сәтті жасалды.

2 сағат 50 минутқа созылған операция барысында оның асқазанынан 900 грамм шаш түйіні алынған.

Мамандар мұндай жағдай медицинада өте сирек кездесетінін және көмек көрсетілмесе, асқынатынын ескертті.

Қытайда жаңа жылдық гала-шоуда роботтар өнер көрсетті

Қытайда «Көктем» мерекесіне арналған гала-шоуда Unitree Robotics компаниясының заманауи гуманоид роботтары өнер көрсетті.

Шарада роботтар балалармен бірге синхронды жекпе-жек өнері қойылымдарын орындап шықты.

Ұлттық банк телефон арқылы жасалатын жаңа алаяқтық схема туралы ескертеді

🔐 Алаяқтар жеке деректеріңізді пайдаланып, банк не құқық қорғау органы қызметкері ретінде қоңырау шалады. «Картаны бұғаттан шығару» немесе «ақшаны қауіпсіз шотқа» аудару керек екенін айтып, SMS-код пен карта деректерін сұрайды.

❗️Есіңізде болсын:
* Банктер SMS-код сұрамайды;
* Карта деректерін беруге болмайды;
* Банкоматта тұрғанда біреудің өтінішімен ақша аудармаңыз.
Бұл – заңға қайшы, дропперлік деп танылатын әрекет.

Алаяқтық дерегіне тап болған жағдайда құқық қорғау органдарына жүгіну қажет.

Қазақстандық оқушылар робототехника чемпионатында үш бірдей жүлдені жеңіп алды

Астанада өткен Central Asia FIRST Championship & Drone Racing 2026 халықаралық фестивалінде алматылық барлық команда жүлделі орын иеленіп, жоғары нәтиже көрсетті.

FIRST LEGO League Explore санатында «Alem Innovators» командасы жеңімпаз атанып, Қазақстан намысын әлемдік финалда - Хьюстон қаласында (АҚШ) қорғайтын болды.

FIRST LEGO League Challenge санатында «ALASH» командасы ІІ орынға ие болып, Грекияның Софико қаласында өтетін халықаралық чемпионатқа жолдама алды.

Ал «KAZBOTS» командасы Core Value Award номинациясының жүлдегері атанып, Қазақстан атынан Бейжіңде (Қытай) өтетін жарысқа қатысады.

Айта кетейік, ауқымды додаға 7 елден 3 мыңнан астам оқушы қатысты.

💰Жыл басынан бері қазақстандықтарға 395 млн теңге зейнетақы төленді

Оның ішінде базалық зейнетақы төлеуге – 131,3 млн теңге, ынтымақты зейнетақы төлеуге – 263,9 млн теңге. Қазір елде 2 млн 538 мың зейнетке бар.

2026 жылғы 1 ақпандағы жиынтық зейнетақының орташа мөлшері 157 843 теңгені құрады.