✔️Жаңа Конституция жобасына байланысты «Референдум–2026» онлайн-марафоны жалғасып жатыр

Шара сағат 18:00-ге дейін өтеді. Шара аясында Конституциялық комиссия мүшелері, заңгерлер, сарапшылар және азаматтық белсенділер пікір алмасу алаңында бас қосып отыр.

Онлайн трансляция qazaqstan.tv сайтында, сондай-ақ Facebook, YouTube, Instagram, TikTok желілеріндегі ресми аккаунттарда.

Жаңа Конституцияға «Миранда қағидасы» енгізіледі

Жаңа Ата заң жобасында «Миранда қағидасын» Конституция деңгейінде бекіту ұсынылды. Бұл ереже бойынша күдікті ұсталған сәттен бастап оның құқықтары міндетті түрде түсіндіріліп, адвокат көмегіне қол жеткізуі қамтамасыз етілуі тиіс.

Мамандардың айтуынша, бұл норма азаматтарды қысымнан қорғап, тергеудің әділ әрі ашық өтуіне жол ашады. Қазақстанда қағида 2015 жылдан бері кодексте бар, енді оны Конституцияға енгізу құқық кепілдігін күшейтпек.

🖼«Мәдени мұраны инновациямен ұштастыра білу маңызды»

«Референдум–2026» онлайн-марафонында мәдениеттенушы, Қолданбалы этносаяси зерттеулер институты, этномедиация орталығының басшысы Фарида Мұсатаева айтты.

«Біздегі мәдени мұраны мәдени-гуманитарлық қауіпсіздікті қамтамасыз ететін белгілі бір компонент деп айтуға болады. Конституцияға енуінің арқасында бұл әрі қарай беки түседі және тепе-теңдікті сақтайды. Преамбулада айтылған мәдениет, ғылым, инновация, яғни адами капиталдың негізгі компоненті. Мәдени мұраны заманауи технологиямен, инновациялармен ұштастыра білсек, оның өміршеңдігін сақтап, ұрпақтар сабақтастығына үлкен септігін тигізеді», - дейді Фарида Мұсатаева.

#Референдум2026 #Референдумонлайнмарафон2026

«Құрылтай ықпалы» тақырыбында пікірталас басталды

Астанадағы «Қазмедиа» орталығында онлайн-марафон жалғасуда. Қазір «Құрылтай ықпалы» атты ток-шоу өтіп жатыр. Мәжіліс депутаттары заң шығарушы органның жаңа форматы мен функцияларын талқылауда.

Алдағы жарты сағатта волонтерлік қызмет мәселесі сөз болады. Сарапшылар еріктілер еңбегін бағалау тетіктерін көтермек.

🔏Цифрлық әлемдегі құқығымыз қалай қорғалады?

Жаңа Конституция жобасындағы маңызды бағыттардың бірі – цифрландыру және азаматтардың құқықтарын цифрлық ортада қорғау. Құжатта алғаш рет дербес деректердің қауіпсіздігіне қатысты арнайы норма енгізілді.

Мамандардың айтуынша, бұл өзгерістер алаяқтыққа қарсы күресті күшейтіп, халықтың цифрлық қауіпсіздігін қамтамасыз етуге мүмкіндік береді.

«Алғаш рет преамбулада білім мен ғылым, инновацияға қатысты норма көрсетілді»

Мәжіліс депутаты Асхат Аймағамбетов «Референдум–2026» онлайн-марафонына қатысты. Жаңа Конституция жобасындағы кіріспеде алғаш рет білім мен ғылым, инновацияға қатысты норма көрсетілген. Жаңа Конституцияда аталған саланы қаржыландыру саясаты нақты әрі айқын көрсетілгенін алға тартқан депутат марафон алаңында пікір білдірді.

#Референдум2026 #Референдумонлайнмарафон2026

🖇Мәдени мұрамыз туризмнің драйверіне айнала ала ма?

Бұл сұраққа «Референдум–2026» онлайн-марафонында мәдениеттанушы, Қолданбалы этносаяси зерттеулер институты, этномедиация орталығының басшысы Фарида Мұсатаева жауап берді.

«Соңғы деректер бойынша, 2023 жылы Италияның экономикасына туризм саласынан 215 млрд қаржы түскен. Бізге де сол керек, соған келе жатырмыз. 2025 жылы Қазақстанға 15 млн-нан астам шетелдік келген. Соның ішінде 8,6 мыңы турист деп белгіленген. Ал олардың басым көпшілігін біздің этномәдениетіміз қызықтырған. Туризм толыққанды драйверге айналды деп айта алмаймыз. Өйткені сұраныс бар, ұсынысты қамтамасыз ететін инфрақұрылым ақсап тұрғанын мойындау қажет», - дейді Фарида Мұсатаева.

#Референдум2026 #Референдумонлайнмарафон2026