ISHCHI GURUH TOMONIDAN O‘RGANISH ISHLARI OLIB BORILDI

“O‘zbekiston temir yo‘llari” AJ boshqaruv raisi o‘rinbosari E.A.Rizayevning 2026-yil 9-yanvardagi 3-УН-sonli farmoyishiga asosan Qo‘qon MTU filiali bosh muhandisi v.b. B.D. Tirkashev boshchiligida temir yo‘llardan xavfsiz foydalanishni ta’minlash maqsadida mas’ul rahbar va mutaxassislardan iborat ishchi guruhi tuzildi.

Mazkur ishchi guruh tomonidan Qo‘qon MTU filiali tasarrufidagi Qo‘qon stansiyasida joyida o‘rganish ishlari olib borildi. O‘rganish jarayonida temir yo‘l ostidan o‘tkazilgan suv, gaz, neft, elektr va oqava quvurlarining texnik holati, texnik “okno” ajratmagan holda bajarilayotgan qurilish-montaj ishlari hamda yangi qurilishlarda **xavfsizlikni ta’minlovchi relslar to‘plami (RSP)**ni qo‘llash masalalari ko‘zdan kechirildi.
O‘rganish yakunida aniqlangan holatlar bo‘yicha dalolatnoma tuzilib, tegishli xulosa va takliflar ishlab chiqildi hamda mas’ullarga zarur topshiriqlar berildi.

Qo‘qon MTU filiali boshlig‘i B.P. Milladjanovning tegishli buyrug‘iga asosan, 14-yanvar — Vatan himoyachilari kuni munosabati bilan Qo‘qon temir yo‘l bekati shaxobchasi hamda aeroporti harbiy harakatlar tarkibiy bo‘limi xodimlari samimiy tabriklandi.

Tadbir davomida Vatan tinchligi va xalq osoyishtaligini ta’minlash yo‘lida kechayu kunduz fidokorona xizmat qilayotgan harbiy xizmatchilarning mas’uliyatli va sharafli mehnati alohida e’tirof etildi. Ularning yuksak intizomi, sadoqati va kasbiy mahorati jamiyat barqarorligi hamda strategik obyektlar xavfsizligini ta’minlashda muhim ahamiyat kasb etishi ta’kidlandi.

Shu munosabat bilan barcha harbiy xizmatchilarga mustahkam sog‘lik, xizmat faoliyatida ulkan muvaffaqiyatlar, oilaviy tinchlik-xotirjamlik hamda yurtimiz taraqqiyoti yo‘lida bundan buyon ham fidokorona xizmat qilish yo‘lidagi ezgu niyatlar bildirildi.
Vatan himoyasi — sharafli va muqaddas burchdir! 🇺🇿