HARAKAT XAVFSIZLIGI — DOIMIY NAZORATDA!
“O‘zbekiston temir yo‘llari” AJ boshqaruv raisining 2026-yil 5-yanvardagi 1-N sonli buyrug‘i ijrosini ta’minlash hamda “Harakat xavfsizligi kuni” munosabati bilan Qo‘qon MTU filiali boshlig‘i o‘rinbosari Q.B.Axmadjonov tomonidan Qo‘qon stansiyasida maqsadli tekshiruv o‘tkazildi.
Tekshiruv davomida:
Stansiya navbatchilarining hushyorligi va texnik bilimlari sinovdan o‘tkazildi;
1-N sonli buyruq talablarining joylardagi ijrosi ko‘zdan kechirildi;
Harakat xavfsizligiga daxldor hujjatlarning yuritilishi o‘rganildi.
Q.B. Axmadjonov navbatchi xodimlar bilan muloqotda bo‘lib, har bir harakatda xavfsizlik qoidalariga qat’iy rioya qilish — asosiy vazifa ekanligini ta’kidladi va kamchiliklarni bartaraf etish bo‘yicha mas’ullarga ko‘rsatmalar berdi.
Maqsad: Poyezdlar harakati xavfsizligini ta'minlashda "inson omili" bilan bog'liq xatoliklarning oldini olish.

Harakat xavfsizligi doimiy e’tiborda

Harakat xavfsizligi kuni munosabati bilan Qo‘qon MTU filiali bosh muhandisi v.b. B.D. Tirkashev tomonidan Ko’l stansiyasida navbatdan tashqari tekshiruv o‘tkazildi. Tekshiruv jarayonida stansiya navbatchilarining ish faoliyati, xizmat vazifalarini bajarish tartibi hamda harakat xavfsizligi qoidalariga rioya etilishi ko‘zdan kechirildi.

Shuningdek, navbatchilar bilan bevosita muloqot o‘tkazilib, harakat xavfsizligiga oid masalalar muhokama qilindi, xizmat jarayonida yo‘l qo‘yilishi mumkin bo‘lgan xatoliklarning oldini olish bo‘yicha tushuntirishlar berildi.

Bundan tashqari, stansiyada yangi o‘rnatilayotgan MPS qurilmalarining holati tekshirilib, ularning to‘g‘ri va xavfsiz ishlashini ta’minlash bo‘yicha mas’ul xodimlarga tegishli ko‘rsatmalar berildi.

Mazkur tekshiruv harakat xavfsizligini yanada mustahkamlash, ish jarayonida intizomni kuchaytirish hamda temiryo‘l harakatining uzluksiz va xavfsizligini ta’minlashga qaratildi.

Qo‘qon MTU filialida Vatan himoyachilari kuni munosabati bilan faxriyga ehtirom ko‘rsatildi

Qo‘qon mintaqaviy temir yo‘l uzeli filiali boshlig‘i B.P. Milladjonov, Qo‘qon MTU kasaba uyushma hududiy qo‘mita raisi M.M. Mirhamzayev boshchiligida 14-yanvar — Vatan himoyachilari kuni munosabati bilan Ikkinchi jahon urushi qahramoni Rahimov Usmonjon ota yodga olindi.

Rahimov Usmonjon ota xonadoniga tashrif buyurilib, ularga esdalik sovg‘alari topshirildi hamda samimiy tilaklar bildirildi. Rahimov Usmonjon ota o‘z vaqtida Qo‘qon lokomotiv deposida mashinist bo‘lib faoliyat yuritgan, mehnati va jasorati bilan temiryo‘l sohasiga munosib hissa qo‘shgan.

Bunday ezgu tashabbuslar yosh avlodni vatanparvarlik ruhida tarbiyalash, faxriylarimizga hurmat va ehtirom ko‘rsatish yo‘lidagi muhim qadamlardan biridir. 🇺🇿