Harakat xavfsizligi va mehnat muhofazasi masalalari muhokama qilindi

Harakat xavfsizligi va mehnat muhofazasi nazorati departamenti boshlig‘i o‘rinbosari — Temir yo‘l sanoat xavfsizligi inspeksiyasi boshlig‘i M.T.Talipov, “Qo‘qon MTU” filiali bosh muhandisi v.b. B.D.Tirkashev hamda korxona rahbarlari ishtirokida 2026-yil 11-fevral kuni muhokama yig‘ilishi o‘tkazildi.
Muhokama davomida O‘zbekiston Respublikasi Vazirlar Mahkamasining 819-son qarori ijrosini ta’minlash, mehnat muhofazasi va sanoat xavfsizligi holatini yaxshilash, ishlab chiqarish bilan bog‘liq baxtsiz hodisalarning oldini olish masalalari ko‘rib chiqildi.
Shuningdek, uzel bo‘yicha 2025-yilda amalga oshirilgan ishlar tahlil qilinib, 2026-yil uchun belgilangan ustuvor vazifalar va rejalashtirilgan chora-tadbirlar aniq belgilab olindi.
Bundan tashqari, “Qo‘qon MTU” filiali tarkibidagi korxonalarda mehnat muhofazasi bo‘yicha olib borilayotgan ishlar joyiga chiqib ko‘zdan kechirildi hamda mutasaddilarga tegishli ko‘rsatmalar berildi.

Qo‘qon mintaqaviy temir yo‘l uzeli filiali boshlig‘i o‘rinbosari Q.B.Ahmadjonov 164-yo‘l mashina stansiyasida bo‘lib, ish jarayonlarini nazoratdan o‘tkazdi.
Asosiy e’tibor quyidagi jarayonlarga qaratildi:
RSP (Rels-shpal panjaralari)ni yig‘ish va qismlarga ajratish: Yangi yo‘l qurilishi uchun rels va beton shpallarni jamlash hamda eskirgan konstruksiyalarni tartibli ravishda demontaj qilish ishlari;
Yo‘l xo‘jaligi uchun tayyorlangan temir-beton mahsulotlari va boshqa qurilish materiallarining sifati hamda ularning texnik talablarga muvofiqligi;
Yo‘l qurilishida qo‘llaniladigan maxsus texnikalarning shayligi va ulardan foydalanish samaradorligi.

Eskirgan yo‘l qismlarini qayta ishlash, yangi panjaralarni yig‘ishda aniqlikni oshirish va materiallardan unumli foydalanish bo‘yicha mutaxassislarga aniq topshiriqlar berildi.

QO‘QON ELEKTR TA’MINOTI MASOFASI FILIALIDA YOSHLAR YETAKCHISI SAYLANDI

Bugun Qo‘qon elektr ta’minoti masofasi (ECH-3) filialida yoshlar yetakchisi lavozimiga saylov bo‘lib o‘tdi. Unda Qo‘qon mintaqaviy temir yo‘l uzeli Hududiy yoshlar yetakchilari Kengashi raisi A.A. Qaxxorov hamda filial rahbariyati ishtirok etdi.

Tadbir avvalida avvalgi yoshlar yetakchisining samarali faoliyati e’tirof etilib, unga tashakkurnoma topshirildi.

🗳 Ochiq va shaffof o‘tgan saylov natijasiga ko‘ra, Mehnat muhofazasi, texnika va sanoat xavfsizligi muhandisi Soliyev Doniyorjon Baxromjonovich filial yoshlar yetakchisi etib saylandi.

Yig‘ilishda yoshlarning ijtimoiy faolligini oshirish, ularning bilim va salohiyatini ro‘yobga chiqarish, faol yoshlarni rag‘batlantirish hamda ularni kelgusida “Rahbar kadrlar zaxirasi”ga kiritish masalalariga alohida e’tibor qaratildi.

Yangi saylangan yetakchiga ish faoliyatida muvaffaqiyatlar tilaymiz.

QO‘QON TEMIR YO‘L MASOFASI FILIALIDA YOSHLAR YETAKCHISI SAYLOVI BO‘LIB O‘TDI

Bugun, 2026-yil 17-fevral kuni Qo‘qon temir yo‘l masofasi filialida yoshlar yetakchisi lavozimiga munosib nomzodni saylash maqsadida yig‘ilish o‘tkazildi.
Tadbirda Qo‘qon mintaqaviy temir yo‘l uzeli Hududiy yoshlar yetakchilar Kengashi raisi A.A.Qaxxorov hamda korxona rahbariyati ishtirok etdi.
Ochiq va shaffof tarzda o‘tkazilgan saylov natijalariga ko‘ra, Qo‘qon stansiyasi 14-temir yo‘l bo‘limi (okolotka) yo‘l brigadiri Olimov Asqarjon Anvarjon o‘g‘li nomzodi ma’qullandi va u korxona yoshlar yetakchisi etib saylandi.
Yig‘ilish davomida yoshlar siyosati bo‘yicha amalga oshiriladigan ishlar muhokama qilindi. Xususan, ishchi-xodimlardan ijtimoiy faol bo‘lish, o‘z qobiliyatlarini namoyon etish so‘raldi.
Yangi saylangan yetakchiga kelgusidagi mas’uliyatli faoliyatida muvaffaqiyatlar tilaymiz.