Qo‘qon lokomotiv deposida profilaktik uchrashuv o‘tkazildi

Bugun Qo‘qon lokomotiv deposi filialida Yoshlar yetakchilari Kengashi tashabbusi bilan, filial rahbariyati va ichki ishlar organlari hamkorligida xodimlar uchun profilaktik tadbir tashkil etildi. Tadbirda sohaga mas’ul mutaxassislar:
M.M. Salimov – Farg‘ona viloyati TXTB boshlig‘i o‘rinbosari, podpolkovnik;
M.Z. Axmatqulov – tergov guruhi katta tergovchisi, mayor;
A.R. Qo‘qonboyev – tergovchi, kapitan;
A.A. Qaxxorov – Qo‘qon mintaqaviy temir yo‘l uzeli yoshlar yetakchilari Kengashi raisi ishtirok etdi.

Uchrashuvda jamiyat uchun xavf tug‘dirayotgan masalalar: giyohvandlik va psixotrop moddalar savdosiga qarshi kurashish, diniy ekstremizm va yot g‘oyalardan ehtiyot bo‘lish, kiberjinoyatchilik va plastik karta firibgarliklarining oldini olish, korrupsiyaga qarshi kurashish hamda halol mehnat tamoyillari muhokama qilindi.

Tadbir yakunida xodimlar savollariga batafsil javoblar berildi. Zero, hushyorlik — tinchligimiz garovidir!

Harakat xavfsizligi — doimiy nazoratda
"O‘zbekiston temir yo‘llari" AJ “Qo‘qon mintaqaviy temir yo‘l uzeli” filialining boshlig‘i B.P. Milladjanov boshchiligidagi ishchi guruh tomonidan “Neftchilar” stansiyasida navbatdagi ko‘rik-tekshiruvi o‘tkazildi.
Tekshiruv davomida asosiy e’tibor quyidagi masalalarga qaratildi:
Poyezdlar harakati xavfsizligini ta’minlash: Stansiya hududidagi texnik jihozlarning holati va xodimlarning hushyorligi ko’zdan kechirildi.
Temir yo‘l izlari, relslar va shpallarning sozligi batafsil tekshirildi.
Ish jarayonida xavfsizlik qoidalariga rioya etilishi yuzasidan mas’ullarga tegishli ko‘rsatmalar berildi.
Xavfsizlik — temir yo‘l tizimidagi eng oliy ustuvor vazifadir. Har bir detalning sozligi yo‘lovchilar va yuk tashish jarayonining uzluksizligini kafolatlaydi.
O‘tkazilgan ko‘rik natijasida aniqlangan kamchiliklarni qisqa muddatda bartaraf etish va kelgusida profilaktik tadbirlarni kuchaytirish bo‘yicha aniq vazifalar belgilab olindi.

Bugun Qo‘qon mintaqaviy temir yo‘l uzeli filiali boshlig‘ining o‘rinbosari Q.B.Ahmadjonov boshchiligidagi ishchi guruh tomonidan "Harakat xavfsizligi kuni" munosabati bilan muhim ko‘rik tadbirlari o‘tkazildi.
Asosiy e’tibor murakkab geografik sharoitda joylashgan tog‘li hududlardagi “Ko‘l” va “Orzu” stansiyalariga qaratildi.
O‘rganishlar davomida quyidagi yo‘nalishlar ko‘zdan kechirildi:
Stansiya navbatchilarining ish jarayoni, poyezdlar harakatini boshqarishda texnik reglamentga amal qilinishi;
Temir yo‘l izlarining holati, relslar va shpallarning texnik sozligi;
Elektr tarmoqlari hamda aloqa vositalarining uzluksiz ishlashi, stansiyadagi zamonaviy qurilmalarning holati;

Ko‘rik davomida aniqlangan kamchiliklarni bartaraf etish yuzasidan mas’ullarga tegishli ko‘rsatmalar berildi. Tog‘li hududlarda poyezdlar harakati xavfsizligini ta’minlash — yo‘lovchilar va yuklarning o‘z manziliga sog‘-omon yetib borishi kafolatidir.