Qo‘qon lokomotiv deposi filialiga yangi elektrovozlar topshirildi

Bugun Qo‘qon lokomotiv deposi filialida ishlab chiqarish salohiyatini oshirish va harakat xavfsizligini mustahkamlash maqsadida 2 ta yangi elektrovoz qabul qilib olindi.

Mazkur tadbir munosabati bilan Qo‘qon MTU filiali boshlig‘i B.P. Milladjanov hamda Lokomotivlardan foydalanish boshqarmasi boshlig‘i Sh.T. Tulyaganov boshchiligida yig‘ilish bo‘lib o‘tdi.

Yig‘ilishda yangi elektrovozlardan samarali va xavfsiz foydalanish, texnik xizmat ko‘rsatish sifati, ekspluatatsiyada intizomga rioya etish hamda harakat xavfsizligini ta’minlash masalalari muhokama qilindi. Shuningdek, mas’ul mutaxassislarga aniq vazifalar yuklatilib, topshiriqlar ijrosi qat’iy nazoratga olinishi ta’kidlandi.

Tadbir yakunida “Yashil makon” umummilliy loyihasi doirasida Qo‘qon lokomotiv deposi hududida obodonlashtirish va ekologik muhitni yaxshilash maqsadida yangi mevali va manzarali ko‘chatlar ekildi.

"Qo‘qon MTU" filiali rahbariyati tomonidan hududlardagi ish jarayonlari va texnik holatni o‘rganish ishlari muntazam davom ettirilmoqda.

Bugun filial boshlig‘i o‘rinbosari Q.B.Ahmadjonov boshchiligida Andijon-1 stanisyasining Blok post-331 da SMB qurilmalaring yuzaga kelayotgan nosozliklarini o'rganish maqsadida nazorat tekshiruvi olib borildi.
O'rganish davomida asosiy e'tibor quyidagilarga qaratildi:
- Signallashtirish va aloqa: Qurilmalarning sozligi va aloqa tizimining uzluksiz ishlashi ko‘zdan kechirildi. Ularning holati va texnik ko‘rsatkichlari joyida tekshirildi.
- Harakat xavfsizligi: Poezdlar harakatlanish xavfsizligini ta'minlovchi texnik vositalar holati tanqidiy o‘rganildi.

Shuningdek, Q.B.Ahmadjonov hududda mehnat qilayotgan xodimlar bilan yuzma-yuz muloqot qilib, ularning ish sharoitlari, texnika xavfsizligi qoidalariga rioya etishi va mas'uliyatini oshirish bo‘yicha tegishli ko‘rsatmalar berdi.

Bugun Qoʻqon MTU filiali boshlig‘i o‘rinbosari Q.B.Ahmadjonov boshchiligidagi ishchi guruh Angren-Pop-Andijon temir yo‘l liniyasining “Qo‘shminor” stansiyasida bo‘ldi. Tashrifdan asosiy maqsad — AXX-01-2-SI-03-002 loyihasi doirasida bajarilayotgan modernizatsiya ishlarini nazorat qilishdir.
O‘rganish jarayonida quyidagilarga asosiy e’tibor qaratildi:
- Amaldagi “MKU” tizimi o‘rniga zamonaviy “MPS-TEG” mikroprotsessorli markazlashtirish tizimini o‘rnatish va uni foydalanishga topshirish bo‘yicha amalga oshirilayotgan ishlar holati.
- Yangi tizimning poyezdlar harakati xavfsizligini ta’minlashdagi imkoniyatlari va texnik ko‘rsatkichlari mutaxassislar ishtirokida tahlil qilindi.
- Stansiya navbatchilari va texnik xodimlar bilan yangi tizimda ishlash, texnika xavfsizligi qoidalariga rioya etish hamda mas'uliyatni oshirish bo‘yicha tushuntirish ishlari olib borildi.

Ma’lumot uchun: “MPS-TEG” tizimi inson omilini kamaytirib, poyezdlar harakatini boshqarishda yuqori aniqlik va xavfsizlikni kafolatlaydi.