​“Qo‘qon mintaqaviy temir yo‘l uzeli” filiali faxriylarining Toshkentga sayohati

​“Qo‘qon mintaqaviy temir yo‘l uzeli” filialida uzoq yillar faoliyat yuritib, Andijon, Qo‘qon, Marg‘ilon va Namangan hududlarida temir yo‘l tizimi takomillashishiga o‘z hissasini qo‘shgan 30 nafar faxriy temiryo‘lchi uchun Toshkent shahridagi Islom sivilizatsiyasi markaziga turistik sayohat tashkil etildi.
​Sayohat davomida mehmonlar markaz binosining mahobati, me’moriy yechimlari hamda eksponatlarning boyligi bilan yaqindan tanishdilar. Deyarli 8 yil davomida barpo etilgan ushbu markazda 2000 dan ortiq eksponatga ega muzey, kutubxona va nodir qo‘lyozmalar fondi mavjud bo‘lib, ishtirokchilar ularni atroflicha ko‘zdan kechirish imkoniyatiga ega bo‘ldilar.
​Markazning o‘ziga xosligi:
​Zamonaviy yondashuv: Noyob eksponatlar O‘zbekistonning islom davri madaniy merosini zamonaviy raqamli texnologiyalar hamda ilmiy tadqiqotlar bilan uyg‘unlashtirgan holda taqdim etilgan.
​Tarixiy ahamiyat: Ko‘rgazmalar mamlakatimiz hududida asrlar davomida ilm-fan, ta’lim-tarbiya, madaniyat va ma’rifat qanchalik yuksak darajada rivojlanganini yaqqol namoyon etadi.
​Interaktivlik: Tashrif davomida ishtirokchilar nafaqat bebaho artefaktlar, balki interaktiv o‘quv laboratoriyalari, virtual ko‘rgazmalar va “vaqt kapsulalari” bilan ham tanishdilar.

“Xavfsiz yo‘nalish” tezkor profilaktik tadbiri doirasida Qo‘qon mintaqaviy temir yo‘l uzeli hamda huquqni muhofaza qiluvchi organlar hamkorligida navbatdagi o‘rganish ishlari o‘tkazildi.

Qo‘qon mintaqaviy temir yo‘l uzeli filiali boshlig‘i o‘rinbosari Q.B.Ahmadjonov hamda Farg‘ona viloyati Transportda XTB mas’ul xodimlari tomonidan maxsus Drezina yordamida quyidagi yo‘nalishlar ko‘zdan kechirildi:
Qo‘qon – Qaqir – Furqat – Oltiariq – Margʻilon – Neftchilar – Quva bekatlari va peregonlari.
Asosiy maqsad:
- Temir yo‘l harakati xavfsizligini ta’minlash;
- Temir yo‘l izlari va unga tutash hududlarni begona jismlardan tozalash;
- Texnik holatni standartlarga muvofiqlashtirish.

O‘rganishlar davomida stansiya va peregonlardagi holat sinchkovlik bilan tahlil qilindi. Aniqlangan kamchiliklarni qisqa muddatlarda bartaraf etish bo‘yicha tegishli soha mutasaddilariga aniq va qat'iy topshiriqlar berildi.

TEMIR YOʻLLARDA HARAKAT XAVFSIZLIGI – DOIMIY NAZORATDA

“O‘zbekiston temir yo‘llari” AJ rahbariyati tomonidan yoʻllarda harakat xavfsizligini ta’minlash, poezdlar qatnoviga salbiy ta’sir ko‘rsatuvchi omillarning oldini olish masalalariga jiddiy e’tibor qaratilmoqda.

“O‘zbekiston temir yo‘llari” AJ Boshqaruv raisi o‘rinbosari A.A.Kamildjanovning 2026-yil 12-maydagi HP 233-A sonli telegrammasi ijrosini ta’minlash maqsadida: “Qo‘qon MTU” filiali bosh muhandisi B.D.Tirkashev hamda Harakat xavfsizligi va mehnat muhofazasi nazorati departamenti bosh noziri A.I.Toshmatov boshchiligida Andijon temir yo‘l masofasi va Savay stansiyasida stansiya xodimlari hamda yo‘l xo‘jaligi xodimlari ishtirokida tushuntirish ishlari olib borildi.
Tadbir davomida quyidagilarga e’tibor qaratildi:
- Lokomotiv brigadalarining hushyorligini oshirish.
- Temir yo‘l atrofida yashovchi aholi va ta’lim muassasalarida profilaktik tadbirlarni kuchaytirish.
- Begona shaxslar tomonidan temir yo‘l qatnoviga xavf tug‘diruvchi holatlar kuzatilsa, zudlik bilan huquqni muhofaza qilish organlariga xabar berish.

Temir yo‘l – yuqori xavf manbai. Unga begona buyumlarni qo‘yish yoki to‘siqlar yaratish qonuniy javobgarlikka sabab bo‘ladi.

HARAKAT XAVFSIZLIGI – BOSH MEZON!

​Bugun temir yoʻl tizimida “Harakat xavfsizligi kuni” doirasida navbatdagi profilaktik tadbirlar va oʻrganishlar oʻtkazildi.
​Tadbirlar davomida “Qoʻqon MTU” filiali boshligʻining oʻrinbosari Q.B.Ahmadjonov boshchiligidagi ishchi guruh Quvasoy stansiyasida boʻlib, ish jarayonining xavfsizlik talablariga muvofiqligini koʻzdan kechirdi.

Oʻrganishlar davomida quyidagilarga asosiy eʼtibor qaratildi:
​- Stansiya navbatchilari va mas’ul xodimlarning ish yuritish hujjatlari, poyezdlar harakati jurnallarining toʻgʻri va oʻz vaqtida toʻldirilishi tekshirildi.
​- Yoʻl xoʻjaligidagi texnik vositalar, xususan, poyezdlar toʻxtab turish joylaridagi tormoz boshmoqlarining holati va ularning saqlanish tartibi koʻzdan kechirildi.
​- Temir yoʻl izlarining holati, rels va shpallarning texnik sozligi hamda poyezdlar tarkibi bilan bogʻliq jarayonlar joyida oʻrganildi.

​Boshliq oʻrinbosari tomonidan xodimlarga harakat xavfsizligini taʼminlashda hushyorlikni oshirish va har bir texnik reglamentga qatʼiy amal qilish boʻyicha zaruriy koʻrsatmalar berildi.

🚆 “Temir yo‘l – xavfli hudud” mavzusida profilaktik tadbir o‘tkazildi

Qo‘qon temir yo‘l texnikumida yoshlar o‘rtasida temir yo‘l hududlarida xavfsizlik qoidalariga rioya qilish, baxtsiz hodisalarning oldini olish hamda ogohlikni oshirish maqsadida “Temir yo‘l – xavfli hudud” mavzusida profilaktik tadbir tashkil etildi.

Tadbirda:
🔹 Transportda nazorat inspeksiyasi temir yo‘l transportida nazorat Farg‘ona hududiy bo‘limi boshlig‘i — B.T. Xojiboyev;
🔹 Farg‘ona viloyati TXTB boshlig‘i o‘rinbosari, podpolkovnik — M.M. Salimov;
🔹 Qo‘qon mintaqaviy temir yo‘l uzeli Hududiy yoshlar yetakchilar Kengashi raisi — A.A. Qaxxorov ishtirok etdilar.

Tadbir davomida temir yo‘l hududlarida harakatlanish qoidalari, xavfsizlik talablariga rioya etish hamda yoshlar orasida huquqbuzarlik va ko‘ngilsiz holatlarning oldini olish bo‘yicha tushuntirish ishlari olib borildi.

⚠️ Temir yo‘l hududlarida ehtiyotkorlik — hayot xavfsizligi garovidir!