Namunali ko‘chatchilar — soha rivojining tayanchi

Toyloq tumanida qishloq xo‘jaligini rivojlantirish, sabzavotchilikda ilg‘or tajribalarni ommalashtirish hamda hosildorlik va mahsulot sifatini oshirishga qaratilgan seminar tashkil etildi.
Bog‘izag‘on agrofirmasi “Mirzo Mehroj dalasi” fermer xo‘jaligida tuman qishloq xo‘jaligi bo‘limi hamda xorijiy sabzavot navlarini mahalliylashtirish bo‘yicha tajribali mutaxassis, tadbirkor S. Oqilov tashabbusi bilan “Syngenta Agro AG” kompaniyasi vakillari ishtirokida taqdimot o‘tkazildi.
Tadbirni Toyloq tumani hokimining qishloq xo‘jaligi masalalari bo‘yicha o‘rinbosari Jahongir Jo‘raqulov ochib berdi.
Seminarda Rossiya va Tojikiston davlatlaridan kelgan qishloq xo‘jaligi sohasi vakillari, “Syngenta” kompaniyasining ochiq dala ekinlari bo‘yicha menejeri E. Usmonov hamda Samarqand iqtisodiyot va servis instituti vakili Z. Niyozov ishtirok etdi.
Mutaxassislar tomonidan sifatli xorijiy navlarni mahalliy sharoitga moslashtirish haqida batafsil ma’lumot berildi.

BUGUNGI TA’LIM — KELAJAK SARI QADAM

Ta’lim yosh avlodning kelajakda bilimli, salohiyatli va barkamol inson bo‘lib voyaga yetishida muhim o‘rin tutadi. Zero, yoshlikda olingan bilim toshga o‘yilgan naqsh kabidir. Shu bois ta’lim sifatini oshirish, o‘qituvchilarni qo‘llab-quvvatlash hamda yosh pedagoglarning kasbiy mahoratini yuksaltirishga alohida e’tibor qaratilmoqda.
Shu maqsadda Toyloq tumani Buvijonlar maktabi rahbari O'. Yo‘ldosheva tumandagi 5-umumta’lim maktabida hamda 34-maktabgacha ta'lim tashkilotlarida bo‘ldi.
Muloqot davomida pedagoglarning orzu-istaklari, kelgusidagi rejalari va ta’lim jarayoniga oid fikr-mulohazalari bilan o‘rtoqlashdi.
Shuningdek, dars tahlillarida ishtirok etib, o‘qituvchilarning dars o‘tish mahorati, ta’lim samaradorligini oshirish va zamonaviy yondashuvlardan foydalanish masalalariga e’tibor qaratdi.
Bunday uchrashuvlar yosh pedagoglarni qo‘llab-quvvatlash, ularning kasbiy rivojlanishiga ko‘maklashish hamda ta’lim sifatini yanada oshirishga xizmat qiladi.

Самарқандлик икки спортчи Президент олимпиадасида олтин медални қўлга киритди

"Президент олимпиадаси" мусобақасида енгил атлетика бўйича 3000 метрга спортча юриш баҳсида вилоятимиз шарафини ҳимоя қилган Шаҳнура Йўлдошева ҳамда оғир атлетиканинг даст кўтариш баҳсида Жонибек Худойбердиев олтин медалга сазовор бўлди.

———

Samarqandlik ikki sportchi Prezident olimpiadasida oltin medalni qo‘lga kiritdi

"Prezident olimpiadasi" musobaqasida yengil atletika bo‘yicha 3000 metrga sportcha yurish bahsida viloyatimiz sharafini himoya qilgan Shahnura Yo‘ldosheva hamda og‘ir atletikaning dast ko‘tarish bahsida Jonibek Xudoyberdiyev oltin medalga sazovor bo‘ldi.

✅@Zarnews_uz