Аҳоли мурожаатлари — эътибор ва амалий ечим

Қува туманида аҳоли мурожаатларини жойларда ўрганиш, мавжуд муаммоларни аниқлаш ва уларни ижобий ҳал этишга қаратилган ишлар изчил давом эттирилмоқда.

Шу мақсадда бугун туман ҳокимининг қурилиш, тўсиқларсиз муҳит яратиш, коммуникациялар ва коммунал хўжалик, экология ҳамда кўкаламзорлаштириш масалалари бўйича ўринбосари Муслимжон Акбаров томонидан навбатдаги сайёр қабул ўтказилди.

Қабул давомида фуқароларнинг уй-жой, қурилиш, коммунал хизматлар, ободонлаштириш, муҳандислик-коммуникация тармоқлари ҳамда экологик масалаларга оид мурожаат ва таклифлари тингланди.

Ҳар бир мурожаатни атрофлича ўрганиш, фуқароларга ҳуқуқий ва амалий тушунтиришлар бериш, ҳал этиш имкони мавжуд бўлган масалаларни жойида бартараф этиш, қўшимча ўрганиш талаб этиладиган мурожаатлар бўйича масъулларга аниқ вазифалар белгилаш чоралари кўрилди.

🔔Bizni ijtimoiy tarmoqlarda kuzating:
Telegram| Facebook | Instagram | Youtube | X

🏓 Қува ёшлари — республика майдонида ғолиб!

Қува туманида ёшларни ҳар томонлама қўллаб-қувватлаш, уларнинг бўш вақтларини мазмунли ташкил этиш ҳамда спортга бўлган қизиқишини янада оширишга алоҳида эътибор қаратилмоқда.

Пайшанба — Ёшлар куни доирасида «Беш ташаббус олимпиадаси»нинг стол тенниси бўйича Нукус шаҳрида ўтказилган Республика финалида 22–26 ёш тоифасида 1-ўринни қўлга киритган Иззатилло Ҳамдамов билан Қува тумани ҳокими Ҳалимжон Умаровнинг учрашуви бўлиб ўтди.

Учрашувда туман ҳокими Иззатилло Ҳамдамовни юксак натижа — республика миқёсидаги ғолиблиги билан самимий табриклаб, унга туман ҳокимлигининг ташаккурномаси ҳамда эсдалик совғасини топширди.

Суҳбат давомида ёш спортчининг мусобақага тайёргарлик жараёни, келгусидаги режалари ва янги марралари ҳақида фикр алмашилди.

Бундай эътироф ва қўллаб-қувватлаш ёшларни янги ғалабалар сари руҳлантириши, уларнинг спорт соҳасидаги истеъдод ва салоҳиятини янада намоён этиши шубҳасиз.

🔔Bizni ijtimoiy tarmoqlarda kuzating:
Telegram| Facebook | Instagram | Youtube | quva.uz

«РАҲБАР ВА ЁШЛАР» — очиқ мулоқот ва самимий суҳбат

Қува тумани Оила ва хотин-қизлар бўлими ташаббуси билан 1-сон политехникумда таҳсил олаётган хотин-қизлар иштирокида Пайшанба — Ёшлар куни доирасида «Раҳбар ва ёшлар» учрашуви ташкил этилди.

Унда туман Оила ва хотин-қизлар бўлими масъуллари, политехникум раҳбарияти ҳамда Фарғона вилояти Ички ишлар бошқармасининг масъул ходимлари иштирок этди.

Очиқ ва самимий мулоқот руҳида ўтган учрашувда ёшларни қийнаётган масалалар, уларнинг таълим олиши, касб-ҳунар эгаллаши, бандлигини таъминлаш, ҳуқуқ ва манфаатларини ҳимоя қилиш, шунингдек, жамиятда фаоллигини ошириш масалалари юзасидан фикр алмашилди.

Учрашув давомида хотин-қизларнинг мурожаат ва таклифлари тингланиб, уларни қўллаб-қувватлаш, мавжуд муаммоларини бартараф этиш юзасидан масъулларга тегишли вазифалар белгиланди.

Шунингдек, вилоят Ички ишлар бошқармаси масъул ходимлари томонидан ёш хотин-қизларга ҳуқуқий саводхонликни ошириш, турли салбий таъсирлардан ҳимояланиш, хавфсиз муҳитни таъминлаш ҳамда ҳуқуқбузарликларнинг олдини олиш масалалари бўйича тушунтиришлар берилди.

Бундай очиқ мулоқотлар ёшларнинг муаммо ва таклифларини бевосита ўрганиш, уларга амалий кўмак кўрсатиш ҳамда ёш авлод вакилларининг жамиятдаги фаоллигини янада оширишга хизмат қилади.

🔔Bizni ijtimoiy tarmoqlarda kuzating:
Telegram| Facebook | Instagram | Youtube | quva.uz