"Farg‘onaning eng go‘zal va obod mahallasi" tanlovi e’lon qilinadi

Farg‘ona viloyati hokimligi O‘zbekiston Respublikasi davlat mustaqilligining 35 yilligi munosabati bilan "Farg‘onaning eng go‘zal va obod mahallasi" tanlovini e’lon qiladi.

Tanlovda ishtirok etish uchun mahalla hududi obod, ko‘kalamzorlashtirilgan, sanitariya holati namunali darajada ta’minlangan hamda aholi yashashi uchun shinam muhit yaratilgan bo‘lishi lozim. Shuningdek, ko‘chadagi xonadonlarning tashqi qiyofasi, hovlilari va atrof-muhiti ham namunaviy tarzda tartibga keltirilganligi asosiy mezon sifatida belgilangan.
 
Hujjatlar Mahallalar uyushmasi viloyat boshqarmasida 2026-yil 10-sentabrgacha qabul qilinadi.

Talabgor  mahallalar viloyat ishchi guruhi tomonidan joyiga chiqqan holda o‘rganiladi va tanlov Nizomi asosida baholanadi.

Tanlov g‘oliblari qimmatbaho sovg‘alar bilan taqdirlanadi.

Barcha mahallalar va fuqarolarni mazkur tanlovda faol ishtirok etishga chaqiramiz!

Fergana.gov.uz|Facebook|Instagram|Youtube|X

Катта Деҳқонободда “Янги Ўзбекистон қиёфасидаги маҳалла” дастури ижроси ўрганилди

Қува туманида амалга оширилаётган “Долзарб 40 кунлик” тадбирлари доирасида ҳудудларни ҳар томонлама ривожлантириш, аҳоли турмуш шароитини яхшилашга қаратилган ишлар изчил давом этмоқда.

Туман ҳокими Халимжон Умаров навбатдаги ўрганишларини Катта Деҳқонобод маҳалласида олиб борди. Унда масъуллар ҳамда маҳалла “еттилиги” аъзолари иштирокида “Янги Ўзбекистон қиёфасидаги маҳалла” дастури доирасида амалга оширилаётган ишлар билан яқиндан танишилди.

Ўрганишлар давомида ҳудудда инфратузилмани яхшилаш, ижтимоий объектлар ҳамда бино-иншоотларни замонавий кўринишга келтириш, ободонлаштириш ишларини жадаллаштириш масалаларига алоҳида эътибор қаратилди.

Шунингдек, тадбиркорликни ривожлантириш, янги иш ўринлари яратиш, аҳоли бандлигини таъминлаш ва даромадларини оширишга қаратилган амалий ишлар кўздан кечирилди. Маҳаллада иқтисодий фаолликни ошириш, кичик бизнес ва оилавий тадбиркорликни қўллаб-қувватлаш борасидаги имкониятлар муҳокама қилинди.

Туман ҳокими томонидан мутасаддиларга белгиланган вазифаларни сифатли ва ўз вақтида амалга ошириш, аҳоли билан мулоқотни кучайтириш ҳамда маҳалланинг замонавий қиёфасини шакллантириш юзасидан тегишли топшириқлар берилди.

Мазкур ўрганишлар маҳаллаларни ҳар томонлама ривожлантириш, аҳоли учун муносиб турмуш шароитларини яратиш ҳамда “Янги Ўзбекистон қиёфасидаги маҳалла” тамойилларини ҳаётга татбиқ этишда муҳим аҳамият касб этмоқда.

Telegram| Facebook | Instagram | Youtube | X

Қорашоҳ маҳалласида камбағалликни қисқартириш ва бандликни таъминлашга қаратилган ишлар ўрганилди
 
Қува туманида “оғир тоифа”га киритилган маҳаллаларни ҳар томонлама ривожлантириш, аҳоли турмуш шароитини яхшилаш ҳамда камбағалликни қисқартириш бўйича тизимли ишлар амалга оширилмоқда.
 
Шу мақсадда туман ҳокими Халимжон Умаров Қорашоҳ маҳалласида бўлиб, ҳудудда олиб борилаётган амалий ишлар билан яқиндан танишди. Унда масъуллар ҳамда маҳалла “еттилиги” аъзолари иштирок этди.
 
Ўрганишлар давомида маҳаллада инфратузилмани яхшилаш, аҳоли учун қулай шароитлар яратиш, тадбиркорликни ривожлантириш ва янги иш ўринлари ташкил этиш борасида амалга оширилаётган ишлар кўздан кечирилди.
 
Шунингдек, аҳолининг томорқа ерларидан самарали фойдаланиш орқали даромад манбаларини кенгайтириш, оилаларни доимий иш билан таъминлаш ва ҳудудни камбағаллик ҳамда ишсизликдан ҳоли маҳаллага айлантириш юзасидан амалга оширилаётган чора-тадбирларга алоҳида эътибор қаратилди.
 
Туман ҳокими масъуллар билан биргаликда бир қатор хонадонларга ташриф буюриб, аҳоли билан мулоқот қилди, уларнинг муаммо ва таклифларини тинглади.
 
Ўрганишлар якунида мутасаддиларга ишлар самарадорлигини ошириш, ҳар бир оила билан манзилли ишлаш, аҳоли бандлигини таъминлаш ва даромадларини оширишга қаратилган вазифаларни янада кучайтириш бўйича тегишли топшириқлар берилди.

Telegram| Facebook | Instagram | Youtube | X

⚽️ SUPERLIGA | 16-TUR

Birinchi bo‘lim yakunlandi!

“NEFTCHI” 2:0 “QIZILQUM”

⚽️ Gollar:
Alisher Odilov, 2 (1:0),
Jamshid Iskanderov, 42 (2:0)

Ikkinchi bo‘lim oldinda!

Olg‘a, “Neftchi”

Fergana.gov.uz|Facebook|Instagram|Youtube|X

“Neftchi” 16-turda yirik g‘alabani qo‘lga kiritdi

Farg‘ona shahridagi “Istiqlol” stadionida O‘zbekiston Superligasining 16-turi doirasida “Neftchi” va “Qizilqum” jamoalari o‘rtasidagi uchrashuv bo‘lib o‘tdi.

Bahsni faol boshlagan mezbonlar hisobni ochish uchun ko‘p kutmadi. Uchrashuvning 2-daqiqasida Alisher Odilov “Neftchi”ni oldinga olib chiqdi — 1:0.

Birinchi bo‘lim yakunlanishiga oz vaqt qolganida, 42-daqiqada Jamshid Iskanderov farqni ikkitaga yetkazdi — 2:0.

Ikkinchi bo‘limda ham tashabbusni o‘z qo‘lida saqlab qolgan “Neftchi” hujumlarini davom ettirdi. 65-daqiqada “Qizilqum” futbolchisining avtogoli hisobni 3:0 ko‘rinishiga keltirdi.

Oradan ko‘p o‘tmay, 71-daqiqada Stipe Peritsa mezbonlarning to‘rtinchi golini urdi — 4:0.

Uchrashuv yakuniga yaqin, 84-daqiqada Alisher Odilov yana bir bor o‘z nomini tabloga yozdirib, dublini rasmiylashtirdi. Yakuniy hisob — 5:0.

Shu tariqa, “Neftchi” 16-turda “Qizilqum”ni yirik 5:0 hisobida mag‘lub etib, navbatdagi muhim uch ochkoni qo‘lga kiritdi.

Olga, “Neftchi”!
Olga, Farg‘ona!

Fergana.gov.uz|Facebook|Instagram|Youtube|X