🇮🇹 Alitalia будзе аблятаць Беларусь у сваіх грузавых рэйсах у сувязі з інцыдэнтам з самалётам Ryanair

А Фінляндыя забараніла палёты «Белавія»

Сотні людзі прыйшлі разьвітацца зь Вітольдам Ашуркам у Бярозаўцы (Лідзкі раён), родным горадзе актывіста

Праз усю Бярозаўку да касьцёлу мноства людзей суправаджае Вітольда

Самалёт «Белавія» Менск — Барсэлёна не прапускаюць у паветраную прастору Польшчы?

Вельмі імаверна, што так

Самалёт усё яшчэ кружляе над Берасьцейшчынай

Сочым за ім ды іншым онлайн: https://svabod1.azureedge.net/a/31272267.html

А вось самалёт «Белавія» Менск — Варшава пусьцілі ў Польшчу. Ён пакінуў паветраную прастору Беларусі толькі што

Калі вашыя родныя ляцяць (або вы ляцелі) на гэтым самалёце — напішыце нам 👉🏻 @SvabodaBelarus

⚡️Польскае агенцтва цывільнай авіяцыі паведамляе, што самалёт «Белавія» Менск — Барсэлёна ня быў дапушчаны ў польскае неба

Былы прэм’ер Румас прыяжджаў у Менск, пра гэта паведамляе «Наша ніва»:

«Так, я быў у Менску, але цяпер у Маскве», — сказаў Румас выданьню.

Ён таксама адхрышчваецца ад існаваньня перасьледу:

«Пытаньні да мяне з боку праваахоўных органаў выдумляюць журналісты. Іх не было і няма», — пераконвае экс-прэм'ер.

«На наступным тыдні зноў зьбіраюся ў Кіеў, у мяне там праект», — кажа былы прэм'ер.

Польскі рэгулятар растлумачыў РИА Новости, што борт Менск – Барсэлёна не прапусьцілі праз Польшчу, бо маршрут ідзе таксама праз Францыю, а яна забараніла «Белавія» палёты на сваёй тэрыторыі.

Самалёт ужо вяртаецца ў Менск. Калі вашыя родныя ляцяць (або вы ляцелі) на гэтым самалёце — напішыце нам
👉🏻 @SvabodaBelarus

«Цяпер самае галоўнае – падтрымаць народ Беларусі, нават калі Латвіі гэта будзе нечага каштаваць». Пагутарылі з мэрам Рыгі, які замяніў чырвона-зялёны сьцяг на бел-чырвона-белы

Мартыньш Стакіс расказаў, ці шкадуе пра свой учынак, пра рэакцыю на гэтую падзею, ці баіцца санкцый з боку афіцыйнага Менску і што раіць беларусам з латыскага досьведу дэмакратыі.

🖥 Відэа: https://youtu.be/VhEsGv8EzWU

📰 Тэкставая вэрсія: https://svabod1.azureedge.net/a/31274763.html

🇺🇦 Як беларусу трапіць ва Ўкраіну ва ўмовах «закрытых» неба і зямлі?

Ёсьць некалькі магчымасьцяў 👇 https://svabod1.azureedge.net/a/31274572.html

Лукашэнка заявіў, што Пуцін прасіў прабачэньня, што без дазволу абмяркоўваў Беларусь з Байдэнам

А таксама прапанаваў прэзыдэнтам ЗША і Расеі пагаварыць пра Беларусь у Менску:

https://svabod1.azureedge.net/a/31274855.html

Ці пагодзяцца яны, як лічыце?

🇺🇦Украінцам, якія лечацца ў Беларусі, дапамогуць вярнуцца дадому

Пра гэта заявілі Міністэрства замежных спраў і Міністэрства аховы здароўя Ўкраіны. Ведамствы дапамогуць распрацаваць аптымальны маршрут для кожнага грамадзяніна.

svabod1.azureedge.net/a/31274883.html

😢 У Менску сірата скончыў жыцьцё самагубствам празь перасьлед за ўдзел у пратэстах

Увечары 25 траўня ў Менску 18-гадовы Дзьмітрый Стахоўскі, скончыў жыцьцё самагубствам, скокнуўшы з 16-павярховага будынка, паведамляе ПЦ «Вясна».

Вядома, што Дзьмітрый быў сіратою, жыў у інтэрнаце. Нібыта супрацоўнікі гэтага інтэрнату паказалі на хлопца як на ўдзельніка акцый пратэсту, пасьля гэтага ён стаў фігурантам крымінальнай справы паводле арт. 293 КК.
⠀
Вядома, што днём 25 траўня ён быў на допыце па гэтай справе. У сваім допісе «ЎКантакце» хлопец адзначыў: «Калі б на мяне не працягвалі маральна ціснуць, думаю, я б не наважыўся на такі жудасны ўчынак, як суіцыд. Але мае сілы былі на сыходзе».

svabod1.azureedge.net/a/31274757.html

У брата палітзьняволенай Натальлі Хершэ правялі ператрус

Паводле Генадзя Касьяна, на яго ціснуць, бо ён камэнтуе тое, што адбываецца зь сястрой. Ён сьцьвярджае, што палітзьняволеную, якая мае грамадзянства🇨🇭Швайцарыі, зьмясьцілі ў штрафны ізалятар, «хутчэй за ўсё, за адмову шыць форму сілавікам».

svabod1.azureedge.net/a/31274426.html

Старшыня Эўрапейскай рады Шарль Мішэль патэлефанаваў бацьку Рамана Пратасевіча

Пра гэта паведаміў дарадца Сьвятланы Ціханоўскай Франак Вячорка.

«Я толькі што патэлефанаваў Дзьмітрыю Пратасевічу, каб выказаць салідарнасьць ЭЗ зь сямʼёй Пратасевічаў і глыбокае спачуваньне бацьку. Я паўтараю заклік Эўразьвязу да ўладаў Беларусі неадкладна вызваліць яго сына Рамана, Соф'ю Сапегу, а таксама ўсіх палітычных зьняволеных», — заявіў Шарль Мішэль.

svabod1.azureedge.net/a/31275028.html

🇨🇳 Кітай тэстуе на ўйгурах абсталяваньне, якое можа распазнаваць настрой празь відэаназіраньне

Пэкін многія краіны сьвету абвінавачваюць у генацыдзе ўйгурскага насельніцтва, у рэгіёне іх жыхарства збудавалі сыстэму таталітарнага лічбавага кантролю за жыхарамі. Уйгураў адпраўляюць у лягеры, калі яны маюць малады ўзрост і сваякоў за мяжой.

svabod1.azureedge.net/a/30992206.html