لا تنزف شعورك الغالي على الفاضي
‏وتضيق لامن حكت بك عالمٍ مرضى!

‏ما دام دينك سليم وشايبك راضي
‏يا جعل ما بالخلايق واحدٍ يرضى

#بشاير_المقبل

ما نسينا والله إنّا مخشرينك ..
‏في دعاوينا وفي أجر الضحيّه

‏كنت ابونا كلنا .. وكانت يدينك :
‏مزنة ٍ تمطر على الشعب بْرديّه

‏يعلم الله يابو متعب فاقدينك💔
‏يا عسى قبرك بساتينٍ و فَـيّـه

‏⁧ #بشاير_المقبل

لا شيء ألطف وقعاً على قلب الشاعر من هدية تحوي شيئاً من أشعاره القريبه لقلبه 🤍

االلهم صلِ على حبيبي محمد عدد ما ذكره الذاكرون وغفل عنهُ الغافلون ✨

.

مايجيك الـوِدّ مني بالعيون الحمرا !
‏لا تسافر بالحلول ولي طريق قريّب

‏لا لبن عصفور منشودي ولاهي قمرا
‏والله إنّي ما أبي غير الكلام الطيّب

‏⁧ #بشاير_المقبل

شكواكَ لله ِ إن بُعثِرتَ من ألمٍ
‏إني شكوتُ ، وقد لملمتُ أشتاتي

‏لا الصمت يُجدي ولا يُجدي تكلُّمُنا
‏الناسُ تجهلُ ما خلفَ العِباراتِ

‏لله همي .. واسراري .. ومسألتي
‏ومنهُ جزلُ العطايا والإجاباتِ

#بشاير_المقبل

‏ما يجيب أقصاك غير اللي جفا ما قدّر ..
‏عمرك اللي راح ما بينه وبينك خَشره !

‏لا تخاف من المفارَق ! كل شيّ مْقدّر
‏ما يخوّف بالصديق إلا هَوان العِشره

‏وقدرك اللي بالسما مستامنه .. لا حدّر !
‏في عيونه وانت عندك جيته عن عَشره 💔

‏⁧ #بشاير_المقبل ⁩

عزة نفس ✨

قال : نفسي عزيزه! قلت : هرج الطواري
بالرخى كل نفس ٍ ودها بالـ تـِقوّي

عزة النفس تبقى كايده وانت داري
صوتها له هزيم ٍ بالحنايا يدوّي

الوعد بالشدايد لا حَدتك المساري
وإختبرك الزمان بضيقتك وش تسوي؟

جعل رزقي على الله " ما أذلّ واداري
واظحك بوجه ذلي والخفوق متشوّي! "

ما آقف فـ باب غيره لو يطول انتظاري
وان طفت نار حظي؟ ضلعي يشب ضوّي

واحد : " لعزّ نفسه " في عيونه مواري
افتخر به صديقي وافتخر به عدوي

#بشاير_المقبل

🤍

‏ماني بعازه .. وأشيل إثم الظنون
‏والهث بطرد الخفا مع من لهث

‏لو تعرف الغيب ورّدك الجنون
‏وامطرت عينك على قلبك جثث

‏الله يراقب .. وجنده يكتبون!
‏والحياة تدور .. ويدور الحدث

‏إكذب ، إظلم ، دنّس الأعراض ، خون ..
‏ما خلق ربي جهنم من عبث !

‏⁧ #بشاير_المقبل⁩

( إسمك ) اللي لا طرا .. ريقي تحلّا
وارجهنّت روحي ، وريّح ضميري

يفهق الديجور والنور يتجلّا
وأملك - الدنيا وأهلها - يا عشيري

يعلم الله ! ما قريت أذكاري إلا ..
كنت - في دعواتي لنفسي - خشيري

#بشاير_المقبل

🍃

مغتنين .. ولا لغير الله شكينا من حوايج
‏ما شكى الصبار من ظلم الصياهد لـ الأثل

‏ما نبي غير الكلام السَمْح و وجيهٍ بلايج
‏طيبكم خلوه ذخر .. و عاملونا بالمثِل !

‏امطروا للي يجيكم ديم ما جاكم عجايج
‏ومن يضيّفكم ركيك دلاله .. اسقوه الحِثل

‏⁧ #بشاير_المقبل ⁩

إترك هزيل الهرج .. وإسمع سمينه
‏ياما انجرحنا والذريعه ( ميانه )

‏ولا تكره الخيبات .. ماهيب شينه
‏يكفي ترجّع كل شخص لـمكانه

‏⁧ #بشاير_المقبل

قالوا لي : إن رموكِ بالطوب فارميهم بالأزهار !

قلت :

اللي رماك بطوب لاتسكت له !
اوصيك : كل البيت هِدّه فوقه

من يمطر بطيبه عليك .. إنبَت له
ومن يعجبه صحراك .. إمطر موقه

الطيّب بهالوقت حِـلٍ قتله
مثل المهاة الندّر الممشوقه

واللي تواضَع وإنحنى يثبت له ..
وقته اذا طال (الصغار) عذوقه :

إن القوي بهالزمن يُنصَت له
والا الحليم الذرب طايح سوقه

#بشاير_المقبل

عقلي الرزين ، وقلبي المشغول
‏والليل والشوق وغرابيله

‏نشكي غبن ، لا قوّه ولا حول
‏كلن طفح من لوعته كيله

‏أدعي عليه من الوله ، واقول :
‏( اللي يقول آمين يا ويله )

‏⁧ #بشاير_المقبل

فوقَ السحابة ِكنتُ كالأطفالِ
‏أطوي الزمان بفكرتي وخيالي

‏ورسمتُ في لوح الظلام قصيدةً
‏أبكي بها شوقا على الأطلالِ

‏ونثرت ُزهر العمر بين حروفها
‏والدمع أصبح ملحهُ أكحالِ

‏سأُحال في قبري ولن أنسى الذي
‏سكبَ الوداد بمهجتي ومِحالِ

‏قد قلتُ أنت بلاد حلمي .. قال لي:
‏أنتِ الربيعُ بها وأنت غزالي 🤍

‏⁧ #بشاير⁩_المقبل

جفاك اللي لحقني منك .. ليتك
‏( تعمدته ) يعلمني ، ويشرح

‏بعض صدات خلانك تميتك !
‏وبعضها من ورا المقصود .. تفرح

‏بـ جاه اللي جعل ذا القلب بيتك
‏ترا ( الإهمال ) من غاليك يجرح

‏⁧ #بشاير_المقبل

(دولة العز) السعوديه العضمى💚🇸🇦



يا قطعة الفردوس فوق الاراضين
وقّف لك التاريخ يشهد للأعيان

ملحنٍ لعيونك السود تلحين
على غلافه ( دولة العز ) عنوان

كتاب عزّ سطّروه السلاطين
لأجل السعوديه بالأمجاد مليان

حرفه مخلّد في قلوب الملايين
فخر العرب باقي على مر الأزمان

عبدالعزيز اللي رجح بالموازين
ملاحمه حمر ٍ طويلات و سمان

قصايدٍ غالي ورقها الميادين🤍
اقلامها البارود وسيوفٍ سنان

مضمونها التوحيد والشرع والدين
والعزم والتجديد والعلم والشان

في كل بيتٍ للكرامه براهين
مركاض خيله صار نهظه وعمران

طق بعصاه البيد وارسى القوانين
لين انفلق ( دوله ) مع العز صنوان💚

وعطر الختام اللي سبى نظرة العين
برقن مخاييله على القلب هتّان

امطر وصب المسك فوق الثرى لين ..
صاح الرعد سلمان سلمان سلمان

سلمان قايدنا على ملة الدين
محدٍ تهقوا به ولا فاز برهان

عدوان عينه تحت رجله جثامين
وخلان عينه بين شيخ و سلطان

تحت امره : الشعب العظيم متبارين
كلٍ بيدينه روحٍ وقلب ولسان

تفدا عيونه .. لا ! ولا هم موفين
دام العطا له !! دايم ٍ فيه نقصان💚

وصفحة ولي العهد رؤية ثلاثين
اللي تبينا " نسبق بروق الامزان

رفرف علمنا بين هِمه وتمكين
حتى الجبل لا اطراه خلاه نيشان

في ظله رجالٍ على الدرب واعين
وحرايرٍ تهديه سبعٍ وشيهان

وجنود لا نادى المنادي ملبين
وامنٍ على بلاده صناديد وذهان

ودرع حديده من صفوف المصلين
( وآمين ) شيبانٍ عقب صوت الاذان💚

يا مملكتنا عمرك اليوم تسعين
عشنا على هيبه وعز وتحنان

هذي مناكبنا علشان ترقين
سلالمٍ للمجد والقلب شفقان !

يمسك يديك سهيل وانتي تباهين
ترقين فوق الغيم فدّان .. فدّان

تمركي بـ عرش السما لا تهابين
دامك تحت يمنى ابو الفهد سلمان

#بشاير_المقبل

يا أبو فهد .. يا أبو فهد
حنا معك على العهد

ويا محمد ابشر واحتزم
يا واليٍ عهد البلد

ما ننثني لا والذي..
لا والدٍ له ، لا ولد

ارواحنا دون الوطن
وعيالنا دونه بعد

وعظامنا نصنع بها
للمجد جدران وعمد

إسلامنا وأقلامنا
وإعلامنا درع وسند

بناتك بوقت الرخا
بنادقك وقت الجهد

حنا خوات رجالها
بالعون يا وجه السعد

نلبس براقعنا لها
وناقف ورا جندك مدد

لامن عوا ذيب الخلا
أشر لنا يا ابو فهد 🇸🇦


#بشاير_المقبل