🇪🇸🇺🇿 Erasmus+ dasturi doirasida xalqaro akademik hamkorlik davom etmoqda

📅 2026-yil 20–24-aprel kunlari O‘zbekiston davlat jahon tillari universiteti Roman-german filologiyasi fakulteti katta o‘qituvchisi Rayxon Turdikulova Erasmus+ KA171 Staff Mobility Program doirasida Ispaniyaning Castilla-La Mancha universitetida xizmat safarida bo‘ldi.

📍 Tashrif davomida ishtirokchi Toledo kampusida tashkil etilgan dars mashg‘ulotlari, seminarlar hamda akademik uchrashuvlarda faol qatnashdi. Shuningdek, universitet professor-o‘qituvchilarining mashg‘ulotlarini kuzatib, zamonaviy pedagogik metodlar, interfaol yondashuvlar va xorijiy tajribalarni o‘rgandi.

📚 Rayhon Turdikulova tomonidan universitet talabalari uchun ispan tilini xorijiy til sifatida o‘qitishga bag‘ishlangan amaliy mashg‘ulotlar ham olib borildi. Dars jarayonlarida kommunikativ yondashuv, til ko‘nikmalarini rivojlantirish hamda samarali o‘qitish usullariga alohida e’tibor qaratildi.

🤝 Mazkur dastur ikki oliy ta’lim muassasasi o‘rtasidagi hamkorlik aloqalarini mustahkamlash, pedagogik tajriba almashish hamda xalqaro ta’lim sifatini oshirish yo‘lida muhim qadam bo‘ldi.

✅ Biz bilan birga bo’ling!

📱 Telegram 📱 Instagram 📱 You Tube

🟦🟦🟦 🟦🟦🟦

🇺🇿 25-aprel kuni O‘zbekiston davlat jahon tillari universiteti 🇺🇿 Roman-german filologiyasi fakultetida fakultet rahbariyati hamda 🇺🇿Fakultet Yoshlar ittifoqi boshlang‘ich tashkiloti kengashi tashabbusi bilan “Rahbar va talaba yoshlar” o‘rtasida navbatdagi sport mashg‘uloti bo‘lib o‘tdi.

✅Mazkur tadbir fakultet jamoasini yanada jipslashtirish, sog‘lom turmush tarzini targ‘ib qilish hamda talaba-yoshlarning bo‘sh vaqtini mazmunli tashkil etish maqsadida tashkil etildi. Sport mashg‘uloti davomida turli sport bellashuvlari, jamoaviy o‘yinlar va qiziqarli musobaqalar o‘tkazilib, ishtirokchilarga ko‘tarinki kayfiyat ulashildi.

✅ Ushbu tadbirda fakultet dekani X.I. Xakimov, professor-o‘qituvchilar, kengash a’zolari hamda ko‘plab talaba-yoshlar faol ishtirok etdi. Ishtirokchilar o‘zaro hamjihatlik, do‘stlik va sog‘lom raqobat muhitida kuch sinashib, sportning inson salomatligi va jamoaviy birdamlikdagi ahamiyatini yana bir bor namoyon etdilar.

💠 Mashg‘ulot yakunida faol qatnashgan jamoalar va talabalarga minnatdorchilik bildirilib, bu kabi sport tadbirlarini muntazam ravishda davom ettirish muhimligi alohida ta’kidlandi.


Bizni kuzatib boring ;

📱 Telegram 📱Instagram 📱Telegram