Xalqaro ilmiy-amaliy anjuman bo‘lib o‘tdi

2026-yil 24-aprel kuni O‘zbekiston davlat jahon tillari universitetida Roman-german filologiyasi fakulteti hamda nemis tili amaliy va nazariy fanlar kafedralari hamkorligida “XXI asr tarjimachiligining milliy, hududiy va xalqaro dolzarb masalalari” mavzusida xalqaro ilmiy-amaliy anjuman bo‘lib o‘tdi.

Mazkur anjuman taniqli olim, mohir tarjimon va jamoat arbobi Xurram Rahimov tavalludining 75 yilligiga bag‘ishlandi. Unda respublika hamda xorijiy oliy ta’lim muassasalari vakillari, yetakchi olimlar va tajribali mutaxassislar faol ishtirok etdilar.

Anjumanning ochilish marosimini universitetning ilmiy ishlar va innovatsiyalar bo‘yicha prorektori Yusupov Otabek Yakubovich kirish so‘zi bilan boshlab berdi. Shuningdek, Dildora Mukhammadaminova, Zamira Mambetova, Alla Anishenko, Muxtorjon Umarxo‘jayev, Atabay Jumaniyazov, Ibodulla Mirzayev, Mavluda Qahhorova hamda Zohidjon Sodiqovlar qutlov nutqlari bilan ishtirok etdilar. Mereke Tankibayeva esa anjumanda onlayn formatda qatnashdi.

Tadbir davomida tarjimashunoslik sohasining dolzarb masalalari, zamonaviy ilmiy yondashuvlar, ilg‘or xalqaro tajribalar hamda so‘nggi ilmiy izlanishlar yuzasidan ma’ruzalar tinglandi. Shuningdek, ishtirokchilar o‘rtasida mazmunli va keng qamrovli muhokamalar olib borildi.

Mazkur anjuman ilmiy hamkorlikni yanada mustahkamlash, tajriba almashish hamda tarjimashunoslik yo‘nalishida yangi ilmiy natijalarni muhokama qilish uchun muhim ilmiy platforma vazifasini bajardi.

🌐 Biz ijtimoiy tarmoqlarda:
Telegram | Instagram | Facebook | Sayt

🇺🇿 Roman-german filologiyasi fakulteti tyutori A. Bekmurzaeva tashabbusi bilan xalqimizning sevimli shoiri Muhammad Yusuf tavallud kuni munosabati bilan mazmunli tadbir tashkil etildi.

Tadbir davomida shoirning yuraklarga yaqin she’rlari o‘qildi, uning so‘zlariga bastalangan qo‘shiqlar talabalar tomonidan jo‘shqinlik bilan ijro etildi. Ishtirokchilar ijodiy chiqishlari orqali shoir merosiga bo‘lgan hurmatlarini namoyon etdilar.

Bunday ma’naviy-ma’rifiy tadbirlar yoshlar qalbida adabiyotga bo‘lgan mehrni yanada mustahkamlab, milliy qadriyatlarga hurmat ruhini kuchaytiradi.

✅ Biz bilan birga bo’ling!

📱 Telegram 📱 Instagram 📱 You Tube

🟦🟦🟦🟦🟦🟦🟦

5-TTJga tashrif
Oʻzbekiston davlat jahon tillari universiteti Roman-german filologiyasi fakulteti xotin-qizlar masalalari bo’yicha dekan maslahatchisi N.Sabirova hamda Sharq filologiyasi fakulteti xotin-qizlar masalalari boʻyicha dekan maslahatchisi H. Eshpulatova tashabbusi bilan “Sogʻlom ovqatlanish – sogʻlom hayot garovi” mavzusida 5-sonli talabalar turar joyiga tashrif buyurildi.

Mazkur tashrif davomida talabalar turar joyida istiqomat qilayotgan talaba qizlarning holidan xabar olinib, ularning yashash sharoitlari bilan yaqindan tanishildi. Jumladan, talabalarning darslarga tayyorgarlik jarayonlari, kundalik turmush tarzi, shuningdek, gaz plitalari va elektr energiyasi manbalaridan foydalanish holati ko‘zdan kechirildi hamda zarur tavsiyalar berildi.

Shu bilan birga, talabalar uchun qisqa seminar-trening tashkil etildi. Trening davomida sogʻlom turmush tarzining inson salomatligiga taʼsiri, toʻgʻri ovqatlanishning ahamiyati hamda kundalik hayotda foydali odatlarni shakllantirish masalalari yuzasidan batafsil tushuntirishlar berildi.

Tadbir yakunida talaba qizlarga sogʻlom turmush tarzini olib borish, oʻz salomatligiga eʼtiborli boʻlish hamda yashash joylarida xavfsizlik qoidalariga qatʼiy rioya etish yuzasidan muhim tavsiyalar berildi.

✅ Biz bilan birga bo’ling!

📱 Telegram 📱 Instagram 📱 You Tube

🟦🟦🟦🟦🟦🟦🟦

🧵 IJOD DAVOM ETMOQDA: KASHTACHILIK TO‘GARAGI FAOLIYATI

🧠 5-TTJda tashkil etilgan kashtachilik to‘garagi o‘z faoliyatini izchil davom ettirmoqda. To‘garak 🇺🇿 Roman-german filologiyasi fakulteti talabasi Hasanboyeva Marjona Xalimjon qizi boshchiligida tashkil etildi.

✅ Navbatdagi mashg‘ulotlarda ishtirokchilar murakkabroq naqshlar ustida ishlashni boshladilar. Har bir talaba o‘z ijodiy yondashuvi asosida noyob va betakror ishlar yaratib, kashtachilik sir-asrorlarini chuqurroq o‘zlashtirmoqda.

🤝 To‘garak jarayonlari talabalar o‘rtasida hamkorlik muhitini kuchaytirib, ularning estetik didi va sabr-toqatini rivojlantirishga xizmat qilmoqda. Ijodiy jarayon esa tobora qiziqarli va samarali tus olmoqda.

✅ Biz bilan birga bo’ling!

📱 Telegram 📱 Instagram 📱 You Tube