📚 Erasmus+ dasturi doirasida xalqaro hamkorlik kengaymoqda

📅 2026-yil may oyida Roman-german filologiyasi fakulteti Ispan tili nazariy fanlar kafedrasi katta o‘qituvchilari D.Z. Xaydarova va B.A. Xamrakulovalar Erasmus+ KA171 Staff Mobility Program doirasida Ispaniyaning Xayen universitetida xizmat safarida ishtirok etmoqda.

📍Dastur doirasida 2026-yil 27–28-may kunlari tashkil etilgan xalqaro haftalik tadbirlarida ishtirokchilar faol qatnashdilar. Tadbir davomida O”zbekiston davlat jahon tillari universiteti, Qozog‘istonning Astana IT universiteti hamda Polshaning Chenstoxova Politexnika universiteti professor-o”qituvchilari o‘z oliy ta’lim muassasalari faoliyati, ta’lim yo‘nalishlari va xalqaro hamkorlik tajribalari haqida taqdimotlar o‘tkazdilar.

🤝 Uchrashuvlar davomida xalqaro akademik hamkorlikni rivojlantirish, ta’lim jarayoniga zamonaviy pedagogik yondashuvlarni joriy etish, ilg‘or xorijiy tajribalarni o‘rganish hamda oliy ta’lim tizimida innovatsion faoliyatni kengaytirish masalalari yuzasidan atroflicha fikr almashildi.

🌍 Shuningdek, turli mamlakatlardan tashrif buyurgan professor-o‘qituvchilar va mutaxassislar bilan kelgusidagi qo‘shma loyihalar, akademik almashinuv dasturlari hamda ilmiy-tadqiqot sohasidagi hamkorlik istiqbollari muhokama qilindi. Mazkur muloqotlar o‘zaro manfaatli aloqalarni rivojlantirish va yangi hamkorlik yo‘nalishlarini belgilashda muhim ahamiyat kasb etdi.

✨ Erasmus+ KA171 dasturi doirasidagi ushbu xizmat safari xalqaro tajribalarni o‘rganish, ta’lim sifatini oshirish va oliy ta’lim muassasalari o‘rtasidagi hamkorlikni yanada mustahkamlash yo‘lida muhim qadamlardan biri bo‘lib xizmat qilmoqda.

✅ Biz bilan birga bo’ling!

📱 Telegram 📱 Instagram 📱 You Tube

🟦🟦🟦🟦🟦🟦🟦

🇺🇿 O‘zDJTUda bitiruvchi kurs talabalari uchun “Bo‘sh ish o‘rinlari yarmarkasi” tashkil etildi

2026-yil 4-iyun kuni O‘zbekiston davlat jahon tillari universitetida bitiruvchi kurs talabalari bandligini ta’minlash, ularning ishga joylashishiga ko‘maklashish hamda mehnat bozoriga integratsiyasini kuchaytirish maqsadida keng qamrovli “Bo‘sh ish o‘rinlari yarmarkasi” tashkil etildi. Tadbir universitetning
🇺🇿 Roman-german filologiyasi fakulteti hamda Registrator ofisi hamkorligida yuqori saviyada o‘tkazildi.

Mazkur yarmarkani universitet rektori I.M.Tuxtasinov ochib berdi. O‘z nutqida rektor bitiruvchilarning bandligini ta’minlash, ularni munosib ish o‘rinlariga yo‘naltirish va yosh mutaxassislarning mehnat bozoridagi raqobatbardoshligini oshirish masalalariga alohida to‘xtalib o‘tdi.

✅ Tadbirda O‘zbekiston Ekologik partiyasi Markaziy Kengashi Ijroiya qo‘mitasi bo‘lim boshlig‘i Nurullayev Nuriddin Farhodovich, taniqli sharhlovchi, “Do‘stlik” ordeni sohibi Mirzahakim To‘xtamirzayev hamda turli tashkilot va korxonalardan tashrif buyurgan mas’ullar ishtirok etdilar. Mehmonlar yoshlar bandligini ta’minlash, bitiruvchilarning kasbiy ko‘nikmalarini rivojlantirish va ularni zamonaviy mehnat bozori talablariga mos ravishda tayyorlash borasida amalga oshirilayotgan ishlar bilan yaqindan tanishdilar.

🟢Yarmarkada 430 ga yaqin bitiruvchi kurs talabalari faol ishtirok etib, ish beruvchilar bilan bevosita muloqot qilish, o‘z mutaxassisligi bo‘yicha mavjud bo‘sh ish o‘rinlari bilan tanishish hamda kelgusidagi mehnat faoliyati uchun muhim ma’lumotlarga ega bo‘lish imkoniyatiga ega bo‘ldilar.

🟢Tadbir doirasida ta’lim va boshqa sohalarda faoliyat yurituvchi 12 ta nufuzli tashkilot hamda korxona tomonidan jami 120 ta bo‘sh ish o‘rni taqdim etildi. Ishtirokchilar vakansiyalar, amaliyot dasturlari va istiqbolli hamkorlik takliflari bilan tanishib, ishga qabul qilish tartibi, mehnat sharoitlari, ish haqi va kasbiy rivojlanish istiqbollari yuzasidan batafsil ma’lumot oldilar.

Yarmarka yakunida bir qator bitiruvchilar va ish beruvchilar o‘rtasida dastlabki kelishuvlarga erishildi. Mazkur tadbir yoshlarning bandligini ta’minlash, ularni kasbiy faoliyatga yo‘naltirish hamda ta’lim va mehnat bozori o‘rtasidagi hamkorlikni yanada mustahkamlashda muhim ahamiyat kasb etdi.

✅ Biz bilan birga bo’ling!

📱 Telegram 📱 Instagram 📱 You Tube