TALABALAR YASHASH SHAROITLARI O‘RGANILMOQDA

O‘zbekiston davlat jahon tillari universiteti Roman-german filologiyasi fakulteti dekani X. Xakimov tomonidan talabalarning yashash sharoitlarini o‘rganish maqsadida ijara xonadonlariga tashrif buyurildi. Mazkur tashrif davomida talabalar istiqomat qilayotgan uy-joylarning holati, yaratilgan sharoitlar hamda kundalik ehtiyojlari bilan yaqindan tanishildi.

Tashrif jarayonida talabalarning yashash muhiti, tozalik darajasi, xavfsizlik va qulaylik masalalariga alohida e’tibor qaratildi. Shuningdek, talabalar bilan samimiy suhbat o‘tkazilib, ularning muammo va takliflari tinglandi hamda mavjud kamchiliklarni bartaraf etish yuzasidan tegishli tavsiyalar berildi.

Bunday tashriflar talabalarning ijtimoiy holatini yaxshilash, ularga yanada qulay shart-sharoitlar yaratish hamda o‘qish jarayoniga to‘liq e’tibor qaratishlari uchun muhim ahamiyat kasb etadi. Fakultet rahbariyati tomonidan bu kabi o‘rganish ishlari muntazam davom ettirilishi ta’kidlandi.

✅ Biz bilan birga bo’ling!

📱 Telegram 📱 Instagram 📱 You Tube

🇪🇸✨ Ispaniyada xalqaro hamkorlik va tajriba almashish dasturi muvaffaqiyatli davom etmoqda.

👩‍🏫 Universitetimiz vakili, Saidxodjayeva Mexrixon Ispaniyaning Kastilya La Mancha universitetida o‘tkazilayotgan xalqaro Staff Week dasturida faol ishtirok etmoqda.

📍 Dastur doirasida ishtirokchilar turli davlatlar universitetlari vakillari bilan uchrashib, oliy ta’lim muassasalari faoliyati, ilmiy loyihalar hamda xalqaro hamkorlik imkoniyatlarini taqdim etdilar.

📍 Delegatsiya Ciudad Real kampusida bo‘lib, zamonaviy laboratoriyalar, simulyatorlar va 3D texnologiyalar bilan yaqindan tanishdi. Shuningdek, ishtirokchilar Ispaniyaning tarixiy Almagro shahriga madaniy sayohatda qatnashdilar.

📍 Keyingi kunlarda xalqaro aloqalar bo‘limi, ta’lim dasturlari va innovatsion tashabbuslar haqida ma’lumotlar olindi, madaniy tadbirlar hamda dasturning tantanali yopilish marosimi bo‘lib o‘tdi.

🤝 Mazkur xalqaro tashrif universitetimiz nufuzini oshirish, yangi akademik aloqalarni yo‘lga qo‘yish va xalqaro hamkorlikni kengaytirishda muhim ahamiyat kasb etmoqda.

✅ Biz bilan birga bo’ling!

📱 Telegram 📱 Instagram 📱 You Tube

ZAMONAVIY FIKRLASH — YOSHLAR TARAQQIYOTI ASOSI

O‘zbekiston davlat jahon tillari universiteti Roman-german filologiyasi fakultetida yoshlar bilan ishlash bo‘yicha dekan muovini A. Mallayev tashabbusi bilan “Kelajak soati” darsi tashkil etildi. Dars davomida talabalarning zamonaviy dunyoqarashini shakllantirish, mustaqil fikrlash ko‘nikmalarini rivojlantirish va ularni kelajakdagi faoliyatga tayyorlash masalalariga e’tibor qaratildi.

Mashg‘ulot jarayonida talabalarga yangicha fikrlash, kreativ yondashuv va muammolarga turli nuqtai nazardan qarash muhimligi tushuntirildi. Interaktiv suhbatlar va fikr almashuvlar orqali talabalar o‘z g‘oyalarini erkin ifoda etib, amaliy misollar asosida bilimlarini mustahkamlash imkoniga ega bo‘ldilar.

Shuningdek, yoshlarga doimiy izlanish, o‘z ustida ishlash va yangilikka intilish zarurligi ta’kidlandi. Har bir insonning muvaffaqiyati ko‘p jihatdan uning fikrlash tarziga bog‘liqligi qayd etilib, talabalarga kelajak sari qat’iyat bilan harakat qilish tavsiya etildi.


✅ Biz bilan birga bo’ling!

📱 Telegram 📱 Instagram 📱 You Tube

MA’NAVIY SAYOHAT TASHKIL ETILDI

2016-yil 26-aprel kuni Hozirgi zamon rus tili kafedrasi o‘qituvchisi D. Riskulova FISPK-2501-guruh talabalari bilan birgalikda Toshkent viloyati Parkent tumanida joylashgan Xazrati Ali buva ziyoratgohiga ma’naviy-ma’rifiy sayohat uyushtirdi.

Sayohat davomida talabalar ziyoratgohning tarixi va uning muqaddasligi haqida batafsil ma’lumotlarga ega bo‘ldilar. Ular ushbu maskanning boy ma’naviy merosi bilan tanishib, tarixiy manbalar asosida bilimlarini yanada boyitdilar.

Shuningdek, talabalar tabiat qo‘ynida vaqtlarini mazmunli o‘tkazib, dam olish imkoniyatiga ega bo‘lishdi. Bunday sayohatlar yoshlarning ma’naviy dunyoqarashini kengaytirish va ularning vatanparvarlik tuyg‘ularini mustahkamlashda muhim ahamiyat kasb etadi.

✅ Biz bilan birga bo’ling!

📱 Telegram 📱 Instagram 📱 You Tube

📚 “Faynberg izdoshiman” madaniy-ma’rifiy tadbiri o‘tkazildi

📅 Tarjimon Aleksandr Faynberg ijodini chuqurroq o‘rganish, uning she’riy merosini keng targ‘ib qilish maqsadida Adiblar hiyobonida “Faynberg izdoshiman” nomli madaniy-ma’rifiy tadbir tashkil etildi.

📝 Tadbir Roman-german filologiyasi fakulteti FISP 2406-guruh talabasi Nuraliyeva Mashxura tashabbusi bilan tashkil etildi. Unda guruhning iqtidorli talabalari hamda she’riyatga qiziqadigan yoshlar faol ishtirok etib, shoirning hayoti va ijodi haqida fikr almashdilar, uning she’rlaridan namunalar o‘qib, tahlil qildilar.

🎯 Mazkur tadbir yoshlar o‘rtasida adabiyotga bo‘lgan qiziqishni yanada oshirish va Aleksandr Faynberg ijodiy merosini keng targ‘ib etishga xizmat qildi.

✅ Biz bilan birga bo’ling!

📱 Telegram 📱 Instagram 📱 You Tube