📌 نقابة المحامين تعلن إجراء المقابلات الشخصية للراغبين في القيد بالجدول العام
أعلنت النقابة العامة للمحامين عن إجراء المقابلات الشخصية لخريجي كليات الحقوق والشريعة والقانون، من الراغبين في القيد بالجدول العام للنقابة، وذلك:
🗓 يوم الخميس الموافق 8 يناير 2026
⏰ في تمام الساعة التاسعة صباحًا
📍 بنادي المحامين النهري – المعادي
🔹 مع الالتزام بالزي الرسمي:
(بدلة كاملة + كرافتة)
🔹 ضرورة إحضار:
ملف وأوراق التقديم كاملة
نتيجة الكشف الطبي (للمتقدمين من الأقاليم خارج القاهرة الكبرى)
📄 طالع كشوف الأسماء
https://www.facebook.com/share/1ExjDssTMA/

🔔 تنويه مهم:
يرجى الالتزام بالحضور في الموعد المحدد والتعليمات المعلنة، حرصًا على عدم التعرض لأي تأخير أو استبعاد.

رسوم تجديد كارنية المحاماة "2026"

التجديد يبدأ 1 / 11 / 2025
♦️ التجديد السنوي :
▪️جدول العام: 150 جنيهًا.

▪️جدول الابتدائي: 200 جنيهًا.

▪️ جدول الاستئناف: 250 جنيهًا.

▪️ جدول النقض: 350 جنيهًا.
المحامي الإدارات القانونية:
▪️جدول العام: 400 جنيهًا.

▪️جدول الابتدائي: 500 جنيهًا.

▪️جدول الاستئناف: 600 جنيهًا.

▪️جدول النقض: 700 جنيهًا.
البطاقة العلاجية للمحامي 150 جنيهًا
الزوجة الغير عاملة 350 جنيهًا والعاملة 450 ج الأبناء 200ج الوالدين 1200ج
♦️ملحوظه هامه❗
▪️"التجديد" الاقاليم في النقابات الفرعية
والقاهره الكبري في النادي النهري بالمعادي
▪️لازم فيزا ف دفع الرسوم
#منقول
@أبرز المعجبين

نقابة المحامين تعلن إجراء المقابلات الشخصية للراغبين في القيد بالجدول العام.. الثلاثاء

أعلنت النقابة العامة للمحامين، عن إجراء المقابلات الشخصية لخريجي كليات الحقوق، والشريعة والقانون؛ من الراغبين في القيد بالجدول العام للنقابة، يوم الثلاثاء المقبل الموافق 13 يناير 2026، في تمام الساعة التاسعة صباحًا، بنادي المحامين النهري بالمعادي، مع الالتزام بالزي الرسمي، (بدلة كاملة، والكرافتة)، مع ضرورة إحضار ملف وأوراق التقديم الخاصة بكل متقدم، وإحضار نتيجة الكشف الطبي للمتقدمين من الأقاليم خارج القاهرة الكبرى.

طالع كشوف الأسماء
https://www.facebook.com/share/1DC8ytQrCt/

أخيرًا النقابة وصلت للي سحبوا الملف في شهر 6 👏
المقابلة الشخصية يوم الثلاثاء
من تاريخ سحب الملف 2025/5/19
إلى تاريخ سحب الملف 2025/6/1
يعني الحمد لله النقابة شغالة دلوقتي بشكل متوسط ومفيش توقف 💪
وبالنسبة للمتخلفين عن الميعاد
ممكن تروحوا عادي وتعملوا المقابلة الشخصية إن شاء الله.
بالتوفيق ربنا للجميع 🌿⚖️
وأي جديد هنبلغكم بيه أول بأول.

أسئلة جديدة اتسألت في آخر مقابلة ⚖️

🔻التدابير الاحترازية

التعريف:
هي إجراءات قانونية مؤقتة تتخذها المحكمة أو النيابة لحماية شخص، أو ممتلكات، أو المجتمع من خطر محتمل، وذلك قبل صدور الحكم النهائي في القضية.

الغرض منها:

- حماية المجتمع من أي ضرر محتمل.

- حماية حقوق الأشخاص والأطراف المتنازعة.

- منع تكرار الجريمة أو هروب المتهم.

أمثلة شائعة:

1. منع المتهم من الاقتراب من المجني عليه.

2. الحجز على ممتلكات شخص لحين الفصل في القضية.

3. الحبس الاحتياطي للمتهم إذا كان هناك خطر من هروبه أو تكرار الجريمة.

📌 إيه هو التشريع؟ وإيه هو العُرف؟ وإيه الفرق بينهم؟

🔹 أولًا: التشريع

هو القاعدة القانونية المكتوبة اللي بتصدرها الدولة رسميًا (البرلمان + رئيس الجمهورية).

يعني باختصار:
تشريع = قاعدة مكتوبة + جهة رسمية + إلزام كامل.

مثال:
قانون العقوبات – قانون المحاماة – قانون الإجراءات.

🔹 ثانيًا: العُرف

هو سلوك الناس اللي اتكرر لفترة طويلة لحد ما بقوا شايفينه واجب الاتباع.

📌 هل العرف مكتوب؟
لأ، هو مش مكتوب… هو ممارسة الناس واتكررت.

📌 هل العرف ملزم؟
أيوه يبقى ملزم لما تتوافر فيه 3 شروط بسيطة:

✅ شروط إلزام العُرف:

1. الاعتياد والاستقرار: يعني الناس تمارس السلوك ده لفترة طويلة وبنفس الطريقة.

2. الشعور بالإلزام: إن الناس شايفاه مش مجرد عادة… شايفاه واجب لازم يتتعمل.

3. ألا يخالف نص تشريعي: العرف يطبق لو التشريع ساكت، لكن لو في قانون… القانون هو اللي يمشي.

مثال:
التجار متعودين يستلموا البضاعة آخر الشهر… ده عرف ملزم لو العقد ما قالش غير كده.

🔸 الفرق بينهم بشكل بسيط:

التشريع: مكتوب – رسمي – هو الأساس – ملزم بكل الأحوال.

العُرف: غير مكتوب – الناس هي اللي صنعته – ملزم بشروط – ويطبق لو مفيش قانون مخالف.

📌 أولًا: تعريف عقد البيع

هو عقد بين طرفين:

البائع

المشتري

وبيحصل فيه إن البائع ينقل ملكية شيء للمشتري، والمشتري يدفع ثمن مقابل الشيء ده.

يعني:
بيع = نقل ملكية + مقابل مالي.

مثال:
شراء شقة – شراء عربية – شراء محل.

📌 ثانيًا: تعريف عقد الإيجار

هو عقد بيخلي شخص ينتفع بشيء مش ملكه لمدة معينة، مقابل إنه يدفع أجرة لصاحب الحاجة.

يعني:
إيجار = انتفاع بشيء + مدة + أجرة.

مثال:
إيجار شقة – مكتب – محل تجاري – عربية إيجار.

🔸 الفرق بين عقد البيع وعقد الإيجار (ببساطة):

1. من ناحية الملكية

البيع: المشتري يبقى مالك الحاجة.

الإيجار: المستأجر مش مالك… هو بس بيستعملها.

2. من ناحية المدة

البيع: ملكية نهائية وما فيهاش مدة.

الإيجار: لازم مدة محددة (شهر – سنة…).

3. من ناحية المقابل

البيع: ثمن بيتدفع عادة مرة واحدة أو على أقساط.

الإيجار: أجرة بتتدفع بشكل دوري (شهري/سنوي).

4. من ناحية الرجوع

البيع: ما ينفعش البائع يرجع في البيع بعد تمامه إلا بشروط خاصة.

الإيجار: العقد بينتهي بانتهاء المدة، أو بتوافر سبب قانوني للفسخ.

📌 يعني إيه القاعدة القانونية؟ وبتتقسّم لإيه؟ (من أسئلة المقابلة)

يا جماعة ده من الأسئلة اللي بتتكرر كتير في المقابلات، فخلّيه ثابت معاكم 👇

أولًا: يعني إيه القاعدة القانونية؟

ببساطة… القاعدة القانونية هي نص ملزم بتحطه الدولة علشان ينظّم سلوك الناس في المجتمع.
يعني تقولك: تعمل إيه؟ وممنوع تعمل إيه؟
ولو خالفتها… في جزاء.

🔹خصائص القاعدة القانونية:
1️⃣ قاعدة عامة ومجردة: مش معمولة لشخص بعينه… لكن لأي حد هيقع في نفس الموقف.
مثال: "كل من يسرق…" → ده يشمل الكل.

2️⃣ قاعدة ملزمة: مش اقتراح… لازم تتطبق. ومخالفتها يترتب عليها جزاء.

3️⃣ قاعدة اجتماعية: هدفها تنظيم المجتمع والمعاملات بين الناس… زي البيع، الإيجار، المرور، الأسرة، العمل… إلخ.

4️⃣ قاعدة سلوك خارجي: القانون بيهتم بالتصرف اللي ظهر قدام الناس… مش بالنية الداخلية.

🔸ثانيًا: أنواع القواعد القانونية

✨ 1) القواعد الآمرة (الإجبارية)
دي القانون بيقولك: ممنوع تخالفها حتى لو اتفقت مع أي حد على عكسها… الاتفاق باطل.
✔️ بتحمي النظام العام
✔️ بتحفظ حقوق الناس
✔️ وتضمن الاستقرار

مثال:
– مينفعش تتفق مع حد على إسقاط مسؤوليته الجنائية.
– مينفعش تبيع حاجة القانون مانع بيعها.

✨ 2) القواعد المكملة (الاختيارية)
القانون بيسيب مساحة للطرفين يتفقوا… ولو مفيش اتفاق، القانون يتدخل كحل جاهز.
✔️ يجوز مخالفتها
✔️ بتنظم التعاملات
✔️ وبتدي حرية أوسع للمتعاقدين

مثال:
– ميعاد تسليم المبيع → لو اتفقوا على ميعاد معيّن خلاص هو اللي يمشي.
– طريقة دفع الإيجار → أسبوعي؟ شهري؟ مقدم؟ براحتهم.

📌 الفرق بينهم في كلمتين:

الآمرة:
❗ لازم تتطبق
❗ مش مسموح نخالفها
❗ مخالفتها تبطل التعاقد

المكملة:
✔️ نقدر نغيّرها باتفاق بين الطرفين
✔️ القانون بيتدخل بس لو مفيش اتفاق
✔️ مخالفتها لا تبطل العقد

✍️ بقلم: أسماء سامي

الحمد لله، المقابلات الشخصية في نقابة المحامين شغّالة بشكل جميل جدًا وتنظيم محترم 👌
كل الشكر والتقدير للأستاذ ناصر العمري
وكل الشكر للإدارة النقابة العامة،
وشكرًا لكل شخص بيبذل مجهود حقيقي عشان الشغل يمشي بالشكل ده.
📌 التنظيم حاليًا ممتاز
أسبوعيًا بيتم عقد 3 أيام مقابلات.
الحمد لله تم الانتهاء من شهر 6.
الأسبوع القادم إن شاء الله هيبقى فيه 3 مقابلات كمان وهيتم الانتهاء من شهر 7.
📌 نصيحة مهمة للزملاء
اللي دوره قريب يجهّز أوراقه من دلوقتي.
اللي ساحب ملف في شهر 8 يبدأ تجهيز الورق فورًا.
اللي في شهر 9 يصبر شوية، لكن يراجع أوراقه ويجهّزها من الآن.
أي ورقة منتهية الصلاحية يفضّل تجديدها فورًا علشان مايحصلش تأخير.
ربنا يوفق الجميع، وإن شاء الله كلنا نعدّي المرحلة دي على خير