د چاپېریال ساتنې ادارې عمومي رییس مولوي مطیع الحق خالص د مالیزیا په سراواک ایالت کې د چاپېریالي زده کړو په نړیوال کنفرانس (EEC) کې چې پکې د نړۍ د بېلابېلو هېوادونو وزیران، د چاپیریالي امورو مسولین او د ملګرو ملتونو د بېلابېلو نهادونو مشران ګډون لري، برخه اخیستې ده.

د چاپېریال ساتنې عمومي اداره وایي، دې کنفرانس کې به د چاپېریال ساتنې لپاره په نویو تعلیمي لارو موندولو، د خلکو د چاپېریالي پوهاوي د کچې پر لوړولو، د اقلیمي بدلون پر وړاندې پر مبارزه او د کثافاتو په مدیریت بحث وشي.

د کابل ولایت مقام د رسنیو دفتر ویلي، چې د کابل د والي ملا امین‌الله عبید په مشرۍ د چهلستون د منار غره د وضعیت ارزونې او د احتمالي خطرونو مخنیوي لپاره د اړینو تدابیرو نیولو په موخه غونډه وشوه.
نور ولولئ ⬇️
https://rta.af/news/nshst-kmyth-adtrar-kabl-bray-brrsy-odaayt-koh-mnar-chhlston-brgzar-shd

د ریاست‌الوزرا اداري مرستیال مولوي عبدالسلام حنفي د افغانستان د کانونو لومړني ځانګړي نندارتون پرانېست غونډې مراسمو کې له ټولو کورنیو او بهرنیو پانګه‌والو وغوښتل چې په افغانستان کې پانګونه وکړي.

حنفي زیاته کړه، اسلامي امارت پانګه‌والو ته د هر ډول اسانتیاوو برابرولو لپاره چمتو دی.

د نوموړي په وینا، هغو بهرنیو شرکتونو ته چې په افغانستان کې پانګونه کوي، ځمکې به په اوږدمهاله توګه او له افغانانو سره له شراکت پرته په اجاره ورکړل شي.

حنفي دغه اقدام د پانګه‌والو لپاره یو لوی امتیاز او اسانتیا وبلله او ویې ویل چې د افغانستان په تاریخ کې یې ساری نه دی لیدل شوی.

د کانونو او پټرولیم وزیر ملا هدایت‌الله بدري د افغانستان د کانونو لومړني ځانګړي نندارتون پرانېست غونډې مراسمو کې ویلي، د اسلامي امارت له بیا واکمنېدو راهیسې د کانونو په سکتور کې د پام وړ فعالیتونه او پرمختګونه شوي دي.

د نوموړي په وینا، اوس‌مهال د کانونو د استخراج په برخه کې څه باندې ۱۸۰ زره کسان پر کار بوخت دي.

د لومړي ځل لپاره د هرات ولایت خواجه عبدالله انصاري نړیوال هوايي ډګر څخه د متحده عربي اماراتو، دوبۍ ښار ته مستقیمې الوتنې پیل شوې.
د ترانسپورټ او هوایي چلند وزارت ویلي، چې په لومړنۍ الوتنه کې ۵۳ تنه مسافر له هرات څخه دوبۍ ته ولېږدول شول.

د معلوماتو له‌مخې، تر دې وروسته به هره اوونۍ یوه الوتنه ترسره کیږي، چې ورسره به د مسافرو او سوداګرو لپاره د تګ راتګ په برخه کې د پام وړ اسانتیاوې رامنځته شي.

د صنعت او سوداګرۍ وزیر نورالدین عزیزي د افغانستان د کانونو لومړني ځانګړي نندارتون پرانېست غونډې مراسمو کې ویلي، د افغانستان د صادراتو د پروسس زونونو مرکز به تر راتلونکي یوه کال پورې فعال شي.

عزیزي زیاته کړې، د دغه مرکز په فعالېدو سره به د افغانستان صادرات له یوه واحد مرکز څخه مدیریت شي او هېڅوک به ونه شي کولای د هېواد له صادراتي بهیر څخه ناوړه ګټه پورته کړي.

افغانستان د کانونو لومړني ځانګړي نندارتون پرانېست‌غونډه کې د ریاست الوزرا د اداري مرستیال مولوي عبدالسلام حنفي وینا.

د افغانستان د کانونو د لومړي ځانګړي نندارتون د پرانیستې غونډې ته د کانونو او پټرولیم وزیر ملا هدایت‌الله بدري وینا.

د افغانستان د معیار او کیفیت ادارې پلاوي د روسیې په قازان ښار کې د اسلامي هېوادونو د معیارونو او میټرولوژۍ سازمان (SMIIC) د عمومي غونډې په څنډه کې د روسیې د معیار ادارې له چارواکو سره لیدلي او د تخنیکي همکاریو پر پراختیا یې خبرې کړې دي.
نور ولولئ⬇️

https://rta.af/news/rosyh-bray-frahmsazy-maayarhay-mord-nyaz-afghanstan-aaalam-amadgy-krd

په هرات کې د ټانکر جوړولو یوه شرکت د ۱.۵ میلیونه ډالرو په ارزښت شپږ خالي ټانکرونه ازبکستان ته صادر کړي.

د هرات ولایت مقام مطبوعاتي دفتر وايي، د لاسلیک شوي تړون له‌مخې، ټاکل شوې په ټولیزه توګه ۵۱ ټانکرونه، چې د نړیوالو معیارونو له مخې جوړ شوي، ازبکستان ته صادر شي.

د ریاست‌الوزرا اقتصادي معاونیت کې له لوري، له تمویلوونکو او نړیوالو موسسو سره د صنعت او سوداګرۍ وزارت لومړیتوبونه شریک شول.

د ریاست‌الوزرا اقتصادي معاونیت وایي، یاد لومړیتوبونه په هېواد کې د پانګونې فرصتونو د رامنځته کولو، د تشبثاتو د مرکزونو د ایجاد، د منځنیو او کوچنیو تشبثاتو د ملاتړ، د کورنیو تولیداتو د بازارموندنې ظرفیت لوړولو، د کورنیو تولیداتو د پروسس او بسته‌بندۍ، د صادراتو د پراختیا او په یو شمېر نورو برخو کې وو.

د تمویلوونکو بنسټونو او نړیوالو موسسو استازو ویلي، خپلې راتلونکې مرستې او همکارۍ به د همدغو لومړیتوبونو په رڼا کې تنظیم کړي.

د بهرنیو چارو وزارت د ډیپلوماسۍ انسټیټیوټ رییس عبیدالله اخندزاده، مالیزیا ته د سفر پر مهال د دغه هېواد د عامه ادارې ملي انسټیټیوټ، د اسلامي پرمختللو مطالعاتو نړیوال انسټیټیوټ او د اسلامي پوهاوي مرکز له مسولینو سره په جلا جلا لیدنو کې خبرې کړې دي.

په مالیزیا کې د افغانستان سفارت د معلوماتو له مخې، په دغو لیدنو کې د افغانستان د ډیپلوماسۍ انسټیټیوټ او یادو مالیزیایي بنسټونو ترمنځ د علمي او ښوونیزو اړیکو د پیاوړتیا پر فرصتونو او د مسلکي تجربو د شریکولو په اړه خبرې شوې دي.

د افغانستان د کانونو لومړني ځانګړي نندارتون پرانېست‌غونډه کې د افغانستان د سوداګرۍ او پانګونې خونې عمومي رییس سید کریم هاشمي وینا.

دفاع وزارت وايي، تېره ورځ (سه شنبه) یوه بجه د پاکستان پوځي رژیم له لوري، د پکتیکا ولایت په انګور اډې بازار او کمیسارۍ کې تر څلورو هوايي بریدونو وروسته، افغان دفاعي ځواکونو د یادو بریدونو په ځواب کې فرضي کرښې تر څېرمه د پاکستان پوځي رژیم نظامي مرکزونه او پوستې په نښه کړې دي.

د یاد وزارت په وینا، د افغان دفاعي ځواکونو په ځوابي بریدونو کې یو شمېر پاکستاني عسکر مړه او ژوبل شوي دي او نظامي تاسیساتو ته یې سخت زیان اوښتی دی.

دفاع وزارت ویلي، افغان دفاعي ځواکونو د خپل ځان او خاورې څخه د دفاع له مشروع حق څخه په استفاده د پآکستان پوځي رژیم ته ځواب ورکړی دی.

د دفاع وزارت د معلوماتو له مخې، په دې بریدونو کې افغان ځواکونو ته هېڅ ډول زیان نه دی اوښتی.

د افغانستان د کانونو لومړني ځانګړي نندارتون پرانېست‌غونډه کې د ریاست الوزرا د اداري مرستیال مولوي عبدالسلام حنفي ویلي، بهرنیو پانګه‌والو شرکتونو ته په افغانستان کې ځمکې په اجاره ورکول کېږي.

د افغانستان د کانونو لومړني ځانګړي نندارتون پرانېست‌غونډه کې د کانونو او پټرولیم وزیر ملا هدایت‌الله بدري ویلي، د کانونو په استخراج کې تر ۱۸۰ زرو ډېر کسان پر کار بوخت دي.

د صنعت او سوداګرۍ وزیر نورالدین عزیزي، د افغانستان د کانونو لومړني ځانګړي نندارتون پرانېست غونډې مراسمو کې ویلي، چې تر یوه کال پورې به د افغانستان د صادراتو پروسس مرکز پرانیستل شي.

د صنعت او سوداګرۍ وزیر نورالدین عزیزي، د افغانستان د کانونو لومړني ځانګړي نندارتون پرانېست غونډې مراسمو کې ویلي، چې د کانونو د پلور ټول بهیر شفاف شوی دی.

لنډ خبرونه| ۱۴۰۵/۰۸/۰۶
د افغانستان د کانونو لومړنی ځانګړی نندارتون نن (چهارشنبه) په کابل کې د لوړ پوړو مسوولینو په حضور کې پرانیستل شو.

د ریاست‌الوزرا اقتصادي معاونیت وايي، چې د کندهار د شوراندام د سمنټو تولیدي کارخونې لومړی فاز به په نږدې راتلونکي کې د ۱۵۰ میلیونه ډالرو په ارزښت ګټې اخیستنې ته وسپارل شي.

د اقتصادي معاونیت د خبرپاڼې له مخې، د دې فاز د ورځني تولید ظرفیت ۱۵۰۰ مټریک ټنه دی او د یادې کارخونې د درې واړو فازونو ټولیز تولیدي ظرفیت به هره ورځ ۵۰۰۰ مټریک ټنو ته ورسېږي.

د شوراندام د سمنټو کارخونې لومړی فاز به زرګونو کسانو ته په مستقیم او غیرمستقیم ډول د کار زمینه برابره کړي.