بدلون؛
د اسلامي بانکوالۍ انسټیټیوټ امر مفتي محمد نبي المیداني وايي، په کابل کې د «علامه برهان‌الدین مرغیناني رحمه‌الله» په اړه کنفرانس جوړېږي.
بشپړه خپرونه: https://youtu.be/eF9Wu3lDWgg

بدلون؛
د اسلامي بانکوالۍ سلاکار مفتي نور محمد محبي د علامه برهان‌الدین مرغیناني رحمه‌الله د علم او ژوند په اړه معلومات ورکوي.
بشپړه خپرونه: https://youtu.be/eF9Wu3lDWgg

د معیار او کیفیت ادارې عمومي رییس ملا عبدالله حاجي بشیر د معیار جوړونې نړیوال سازمان (ISO) په ۴۸مه کلنۍ عمومي انلاین غونډه کې ګډون کړی دی.

دغه کلنۍ انلاین غونډه چې «په بدلېدونکې نړۍ کې د باور رامنځته کول» تر شعار لاندې ترسره شوې د معیارونو اړوند مهمو موضوعاتو لکه، د اقلیمي بدلونونو په ننګونو، ټیکنالوژیکي پرمختګونو او د اکمالاتو د نړیوالو ځنځیرونو په اړه هراړخیز بحثونه په کې شوي دي.

د معیار او کیفیت اداره همداراز وايي، چې افغانستان له څو کلن ځنډ وروسته د ISO په کلنۍ او عمومي غونډه ګډون وکړ.

د بهرنیو چارو وزیر مولوي امیرخان متقي، په سیاسي او د سولې ټینګښت چارو کې د ملګرو ملتونو له مرستیالې سرمنشي روزمیري ډیکارلو سره ولیدل.

په لیدنه کې د افغانستان او ملګرو ملتونو ترمنځ د همکاریو د عمومي وضعیت، بشري مرستو، د راستنېدونکو افغان کډوالو د اړتیاوو او دوامدار بیا ادغام لپاره د ګډو او همغږو هڅو پر اهمیت، د اقلیم بدلون او اوبو په برخو کې د افغانستان د ځانګړو اړتیاوو او لا زیاتو همکاریو پر اړتیا، او د سیمه‌ییز وضعیت په اړه خبرې شوې دي.

بهرنیو چارو وزارت وايي، په دې لیدنه کې د شته واقعیتونو سره سم، د افغانستان په اړه د راپورونو، څرګندونو او ارزونو د لا کره او متوازن انعکاس لپاره، د دقیقو معلوماتو او باوري سرچینو د کارولو پر اهمیت ټینګار وشو.

همداراز د پاکستان پوځي رژیم له لوري د هوايي بریدونو له امله د ملکي وګړو د زیانمنېدو په تړاو اندېښنې هم شریکې شوې دي او د ملکي وګړو د ساتنې او د زیانونو د مخنیوي پر اهمیت خبرې شوې دي.

کابل ښار کې د ګلباغ سړک د څلورمې برخې د جوړلو کارونه څومره بشپړ شوي دي؟
بشپړه خپرونه: https://youtu.be/pFa0mOGu6xM

د پکتیکا د ځینو لرې پرتو ولسوالیو اوسېدونکي له اسلامي امارت او مرستندویه بنسټونو څخه په روغتیايي او پراختیايي برخو کې د لا زیاتې پاملرنې غوښتنه کوي.

پکتیا کې دیني علماوو پر افغان خاوره د پاکستان پوځي رژیم بریدونه غیرې اسلامي عمل بللی دی.

د بلخ په دولت اباد ولسوالۍ کې ګڼې کرنیزې پروژې ګټې اخیستنې ته وسپارل شوې.

۲۴ خپرونه؛
د افغانستان برېښنا شرکت ویاند قاري محمد صادق حق‌پرست د یاد شرکت په مهمو لاسته راوړنو بحث کوي.
بشپړه خپرونه: https://youtu.be/Ji7rRUiyQJ4

بغلان کې په دوو بېلاېبلو ترافیکي پېښو کې دوو تنو ژوند بایللی او ۹ تنه ټپیان شوي دي.

د کابل او یو شمېر ولایتونو د هوا حالات.

د نن یکشنبې ورځې نېټه!

په مسکو کې د افغانستان سفیر مولوي ګل حسن حسن د «شمالي قفقاز د خبرو اترو، دودونو او پرمختګ لپاره فضا» په نړیوال فورم کې ګډون او وینا کړې.

روسیه کې د افغانستان سفارت وايي، چې دغه فورم کې ښاغلي حسن د افغانستان او سیمې ترمنځ د متقابل درناوي، خبرو اترو، اقتصادي همکاریو او ګډ پرمختګ پر اهمیت ټینګار کړی دی.

د افغانستان سفیر د فورم په څنډه کې د ستاوروپول سیمې د اقتصادي پراختیا له وزیر انتون بوریسوویچ دورونین سره کتلي او د سوداګرۍ، پانګونې او اقتصادي همکاریو د پراختیا په اړه یې خبرې کړې دي.

دغه راز نوموړي له یو شمېر افغان سوداګرو او د افغان ټولنې د مشرانو ستونزې او وړانديزونه اورېدلي او د سفارت له لوري يې د هر اړخیزې همکارۍ ډاډ ورکړی دی.

اسلامي امارت ټینګار کوي، چې د افغانستان خاوره د بل هېڅ هېواد پر ضد نه ده کارول شوې او نه به وکارول شي.

کوالالمپور کې د افغانستان لوی سفارت سرپرست نقیب‌الله احمدي د مالیزیا د فدرالي قلمرو اسلامي دیني شورا (زکات او وقف ادارې) له عمومي رییس داتوک سید قمرالزمان سره وکتل.

مالیزیا کې د افغانستان سفارت وايي، چې دې کتنه کې د زکات او وقف په برخه کې له افغانستان سره د تجربو شریکولو، د اړوندو ادارو د مسولینو د روزنې او د دواړو هېوادونو ترمنځ د همکارۍ پر پراختیا خبرې شوي او دواړو لوريو د همکاریو پر پراختیا او دوام ټينګار کړی دی.

د عامې روغتیا وزیر مولوي نور جلال جلالي د روسيې د روغتیا له وزیر میخایل البرتویچ موراشکو سره په روغتیايي همکاریو خبرې کړي.