د صنعت او سوداګرۍ وزیر نورالدین عزیزي د امام ابوحنيفه (رح) عمومي او نړیوال نندارتون په پرانیست‌غونډه کې ویلي، چې د بندیزونو سره سره د افغانستان اقتصاد مخ پر ودې دی.

ښاغلي عزیزي زیاته کړې، نن ورځ په دغه نندارتون کې ۱۱۳ بهرنیو شرکتونو ګډون کړی او د افغانستان اقتصادي شریکان شوي، چې دا د هېواد د اقتصادي ودې ښکارندويي کوي.

د امام ابوحنيفه (رح) عمومي او نړیوال نندارتون په پرانیست‌غونډه کې د چارو ادارې لوی رییس شیخ نورالحق انور بشپړه وینا!

د اقتصاد وزیر قاري دین‌محمد حنیف د امام ابوحنيفه (رح) عمومي او نړیوال نندارتون په پرانیست‌غونډه کې د هېواد په اقتصادي وده او پراختیا کې د خصوصي سکتور ونډه مهمه بللې.

ښاغلي حنیف له پانګوالو او صنعت‌کارانو غوښتي، چې د لنډ مهال لپاره د افغانستان فرصتونو ته ونه ګوري.

د نوموړي په وینا، افغانستان کولی شي د تولید د مرکز، د مرکزي او سویلي اسیا او د ختیځ او لویدیځ بازارونو ترمنځ د نښلونکي پل رول ولوبوي.

د ایران د انرژۍ وزیر عباس علي ابادي په مشرۍ پلاوی کابل ته را ورسېد.

کابل کې د ایران سفارت وايي، چې یاد پلاوی به د اسلامي امارت له چارواکو سره د لیدنو سربېره د امام ابوحنيفه (رح) عمومي او نړیوال نندارتون څخه هم لیدنه وکړي.

د امام ابوحنيفه (رح) عمومي او نړیوال نندارتون په پرانیست‌غونډه کې د اقتصاد د وزیر قاري دین‌محمد حنیف بشړه وینا!

د اسلامي امارت مرستیال ویاند ملا حمدالله فطرت، وايي، د اشغال پر وړاندې د افغانانو مبارزې ثابته کړه، چې افغانان هېڅ یرغل، زور او فشار ته نه تسلیمېږي.

د ژوند سنګر مستند
سبا شپه ۰۹:۱۰ دقیقې

د بهرنیو چارو وزیر مولوي امیرخان متقي د مسکو فارمټ اتمې ناستې په څنډه کې د افغانستان لپاره د چین له ځانګړي استازي یو شیاویونګ سره وکتل.

بهرنیو چارو وزارت وايي، چې دې کتنه کې د افغانستان او چین د دوه اړخیزو اړیکو، سیمه‌ییز وضعیت او د ګډو همکاریو د لا پراختیا په اړه خبرې وشوې.

د بهرنیو چارو وزیر د مسکو فارمټ په چوکاټ کې د افغانستان په اړه د چین له رغنده او متوازن دریځ څخه مننه وکړه او ویې ویل چې د دواړو هېوادونو ترمنځ د متقابل احترام او ګډو ګټو پر بنسټ د اړیکو د لا پیاوړتیا لپاره زمینه مساعده ده.

ښاغلي یو شیاویونګ د افغانستان او چین اړیکې مثبتې وبللې د سیمه‌ییز ثبات، متقابلې همکارۍ او د افغانستان د اقتصادي او سیمه‌ییز اتصال په برخه کې د ګډو هڅو پر اهمیت یې ټینګار وکړ.

د بهرنیو چارو وزارت د هغې ادارې د پرېکړې په کلکه رد کړی چې ځان د «نړیوالې جزايي محکمې» په نوم یادوي او د اسلامي امارت د مشر او درېیو نورو لوړپوړو چارواکو د نیولو د حکم د صادرولو پرېکړه یې کړې ده.

دغه وزارت په یوه اعلامیه کې ویلي چې یاده پرېکړه د افغانستان د ملي حاکمیت او خپلواکۍ ښکاره نقض دی او د دولتونو په کورنیو چارو کې د نه لاسوهنې له اصل سره په ټکر کې ده.
نور ولولئ👇
https://rta.af/news/ozart-amor-khargh-hkm-bazdasht-mhkmh-bynalmlly-graym-ra-rd-krd

د افغانستان د سوداګرۍ او پانګونې خونې عمومي رییس سید کریم هاشمي د امام ابوحنيفه (رح) عمومي او نړیوال نندارتون په پرانیست‌غونډه کې وویل، چې د افغانستان خصوصي سکټور له ټولو هېوادونو سره اقتصادي اړیکې غواړي.

د صنعت او سوداګرۍ وزیر نورالدین عزیزي، د امام ابوحنيفه (رح) عمومي او نړیوال نندارتون په پرانیست‌غونډه کې وویل، چې د افغانستان اقتصاد مخ پر وده روان دي.

د چارو ادارې لوی رییس شیخ نورالحق انور:
د خپل هېواد په څېر د نورو هېوادونو لپاره هم ښه امنیت غواړو.

د ریاست‌الوزرا اقتصادي مرستیال ملا عبدالغني برادر اخوند، د امام ابوحنيفه (رح) کورني او نړیوال نندارتون په پرانیست‌غونډه کې وویل، چې د افغانستان په اقتصادي وده کې د خصوصي سکټور وڼده مهمه ده.

د بهرنیو چارو وزیر مولوي امیر خان متقي د مسکو فارمټ د اتمې غونډې په څنډه کې د ایران د بهرنیو چارو وزارت له استازي محمد رضا بهرامي سره په کتنه کې، د افغانستان او ایران پر اړیکو، سیمه‌ییزو بدلونونو او د دواړو هېوادونو ترمنځ د متقابلې همکارۍ د پیاوړتیا پر لارو چارو خبرې کړې دي.

د بهرنیو چارو وزارت وايي، ښاغلي متقي د افغانستان په اړه د ایران له تعامل او سیمه‌ییزو ناستو کې له رغنده ونډې اخیستنې قدرداني کړې او د دواړو هېوادونو ترمنځ یې د اړیکو د لا پراختیا پر اړتیا ټینګار کړی دی.

همداراز ښاغلي بهرامي د افغانستان او ایران ترمنځ د اړیکو پر اهمیت ټینګار کړی او د ګډو سیمه‌ییزو همکاریو، ثبات او اقتصادي تعامل په اړه یې د خپل هېواد پر لید لوري خبرې کړې دي.

د ریاست‌الوزرا اقتصادي مرستیال ملا عبدالغني برادر اخوند، د امام ابوحنيفه (رح) کورني او نړیوال نندارتون په پرانیست‌غونډه کې وویل، چې د هېواد پولې په نښلون او ترانزیټي مشارکت بدلوو.

د اطلاعاتو او کلتور وزیر شیخ شیر احمد حقاني، په ننګرهار کې یوه سیمینار ته په خبرو کې ویلي، د جرمونو نړیواله محکمه د نړۍ‌والو په ظلمونو کې شریکه ده. نوموړي ویلي، یاده محکمه په غزه او نورو اسلامي هېوادونو کې د وژنو او ظلمونو پر وړاندې چپ ده.

د اطلاعاتو او کلتور وزیر شیخ شیر احمد حقاني، په ننګرهار کې یوه سیمینار ته په خبرو کې ویلي، د جرمونو نړیواله محکمه د نړیوالو په ظلمونو کې شریکه ده. نوموړي ویلي، یاده محکمه په غزه او نورو اسلامي هېوادونو کې د وژنو او ظلمونو پر وړاندې چپ ده.

لنډ خبرونه | ۱۴۰۵/۰۷/۱۵
د امام ابوحنیفه (رح) کورنی او نړیوال نندارتون نن په کابل کې د سلګونو کورنیو او بهرنیو شرکتونو په ګډون پرانیستل شو.

د ننګرهار په شینوارو ولسوالۍ کې د برېښنايي پېژندپاڼو څانګه پرانیستل شوه.

د هلمند په بېلابېلو سیمو کې لسګونه بېلابېلې پراختیايي پروژې پیل شوې دي.