د کډوالو او راستنېدونکو چارو وزیر مولوي عبدالکبیر وايي، د راستنو شویو افغان کډوالو لپاره به نوي ښارګوټی د ابادۍ او پراختیا لپاره زمینه برابره کړي.

د کابل په څرخي پله زندان کې د بندیانو د مسلکي زده‌کړو او مهارتونو د لوړولو په موخه، د ترکاڼۍ د زده‌کړې برخه فعاله شوه. څو له دې مهارت څخه په راتلونکي کې د کار او عاید ترلاسه کولو لپاره ګټه واخلي.

اقتصادي پرمختګ؛
په هېواد کې د ګاډر اوسپنې د تولید یوې کارخونې فعالیت پیل کړ!
بشپړه خپرونه:
https://youtu.be/pUVifRoLxAM?si=6eV9sSonz6QHlkSU

د کندهار ښار د میرویس خان نیکه‌واټ د جوړېدو چارې روانې دي، چې به بشپړېدو سره به د ښار په یو مهم مسیر کې ترافیکي اسانتیاوې زیاتې شي.

د کابل ښاروالۍ له لوري د کابل سیند د اساسي پاکولو په موخه د یاد سیند د سروې چارې پیل شوې دي.

د افغانستان ازادو خبریالانو ټولنې او د کاپیسا، پروان او پنجشېر ولایتونو د خبریالانو ترمنځ د همغږۍ ناسته شوې.

د نن شنبې ورځې نېټه!

د خیبرپښتونخوا د اعلی وزیر سهېل اپریدي په مشرۍ اوږد لاریون تېره شپه (د تلې ۱۷مه) چارسدې ته رسېدلی دی.

سهېل اپریدي پر خپله اېکس‌پاڼه د ګوند له پلویانو غوښتي، چې ټول کاروانونه د اکټوبر پر ۱۱مه او ۱۳مه په «صوابۍ انټرچېنج» کې سره یو ځای شي.

دغه لاریون د عمران خان د خوشې کېدو لپاره د اکتوبر پر ۴مه له لکي مروت څخه د اسلام‌اباد پر لور حرکت کړی دی.

تسنیم خبري اژانس راپور ورکړی چې پنټاګون د اکتوبر تر نهمې له ایران سره په جګړه کې د وژل شویو امریکايي پوځیانو شمېر ۲۱ تنه او د ټپیانو شمېر ۸۶۵ تنه اعلان کړی دی.


د پنټاګون په تازه راپور کې د دوه وژل شویو او څلور د ټپي کېدو شمېر زیات شوی دی.

زموږ "پښتو" ټولنیزې رسنۍ د لاندې لینکونو له لارې وڅارئ.⬇️
اېکس پاڼې:
https://x.com/rtapashto
https://x.com/pashtortanews
یوټیوب:
https://youtube.com/@rtapashto
فېسبوک:
https://facebook.com/rtapashto1
ټلېګرام:
https://t.me/rtapashto1
انستګرام:
https://instagram.com/rtapashto1
تریډز:
https://threads.net/@rtapashto1
ریب:
https://www.reab.com/bio/rtapashto1
واټساپ‌ چینل:
https://whatsapp.com/channel/0029Va8LsO6DjiOfa87CtC11
واټساپ ګروپ:
https://chat.whatsapp.com/JLCnlh8vLNTISgihBVVoC9

د خوست ښاروالۍ له لوري د ښار په لومړۍ، درېیمه او څلورمه ناحیه کې د نږدې ۸.۵ میلیونه افغانیو په لګښت د روښنایي پروژې چارې پیل شوې.
د دغې پروژې چارې به په درېیو میاشتو کې بشپړې شي.

د شیلي په پلازمېنه سانتیاګو کې ناڅاپي سېلاب راغلی.

د راپورونو پر بنسټ، دغه سېلاب شپږ کسان ټپیان کړي او یو شمېر کورونه او موټر یې وړي دي.

د افغانستان لپاره د ناروې سفیر سیګوالد تومین هاوګه او د یاد هېواد ځانګړي استازي، په اسلام‌اباد کې د افغانستان له سفیر مولوي سردار احمد شکیب سره لیدلي.

په اسلام‌اباد کې د افغانستان سفارت وایي، چې دې لیدنه کې دواړو لوریو د افغانستان او ناروې پر دوه اړخیزو اړیکو، وروستو بدلونونو، سیمه‌ییزو او نورو موضوعاتو په اړه خبرې کړې دي.

د ټولګټو وزیر ملا محمد عیسی ثاني پکتیا کې د یو شمېر رغنیزو پروژو له چارو لیدنه وکړه.

ښاغلي ثاني یاد ولایت ته د سفر په ترڅ کې د زرګر کلا د دوه کیلو متره سړک، د ګردېز - پټان د ۲۵ کیلومتره سړک او د پکتیا د ځاځي اریوب ولسوالۍ او د لوګر ولایت د ازرې ولسوالۍ د نښلوونکو سړکونو د ۲۲ کیلو متره برخې رغنیزې چارې ارزولې دي.

نوموړي د قراردادي شرکتونو مسولینو ته سپارښتنې کړي، چې د یادو پروژو چارې چټکې او په معیاري توګه بشپړې کړي.

نن شنبه د کابل په بازارونو کې افغانۍ د ځینو بهرنیو اسعارو پر وړاندې په دې ډول بدلېږي.

پېښو ته د رسېدو او اور وژنې لوی ریاست مسلکي منسوبینو د کابل ښار د نهمې امنیتي حوزې اړوند د قاضي پلازې په ودانۍ کې رامنځته شوې اورلګېدنه پر وخت مهار کړې ده.

کورنیو چارو وزارت وايي، چې د یاد رياست منسوبینو د شاوخوا ۴۱ میلیونه افغانیو په ارزښت مالي شتمنۍ ژغورلې او د اورلګېدنې د پراخېدو مخه یې نیولې ده.

د اندرا ګاندي د ماشوم روغتیا انستیتوت په هېواد کې یو ستر روغتیايي مرکز دی، چې د هېواد له بېلابېلو سیمو څخه په ورځني ډول سلګونه ناروغان د درملنې په موخه ورته مراجعه کوي.

د عدلیې وزارت وایي، چې په بلخ ولایت کې «د حاجي عبدالباقي او حاجي اسماعیل فارم» په نوم کابو ۲۵۰ جریبه ځمکه د اختصاصي محکمې د شرعي حکم پر بنسټ امارتي ثابته شوه.
نور ولولئ⬇️
https://rta.af/news/hdod-gryb-zmyn-dr-blkh-mlkyt-amarty-tthbyt-shd-1

د کونړ ولایت د ناړۍ ولسوالي اړوند په کرچیګل، شینګر او باټاش کلیو کې د څه باندې ۵ میلیونه افغانیو په لګښت د اوبو رسولو درېیو شبکو چارې بشپړې او ګټې اخیستنې ته وسپارل شوې.


د دغو پروژو په بشپړېدو سره ۱۸۰ کورنۍ د څښاک له پاکو اوبو برخمنې شوې دي.

له ۱۰۰ څخه زیاتو د بشر حقونو نړیوالو سازمانونو او مدني ټولنو ویلي، چې په غزه کې د امریکا په ملاتړ د اوربند له کېدو یو کال وروسته هم دغه اوربند یوازې د کاغذ پر مخ پاتې دی.

د الجزیرې خبري شبکې د راپور پر بنسټ، یادو سازمانونو په یوې ګډه اعلامیه کې ویلي، چې د اسراییلو صهونیستي رژیم ځواکونه لا هم هره ورځ فلسطینیان شهیدان او ټپیانوي.

راپور کې راغلي، غزې تړانګې ته د بشري مرستو، تجهیزاتو او بیا رغونې لپاره د اړینو توکو پر لېږد لا هم بندیزونه لګېدلي دي.