د اوبو او انرژي وزیر ملا محمد یونس اخندزاده او مل پلاوي سعودي عربستان ته د خپل رسمي سفر په ترڅ کې په ریاض کې د افغانستان له سفیر شیخ عبدالفتاح رحیمي سره وکتل.

ښاغلي اخندزاده، د سفارت د فعالیتونو، هېوادوالو ته د ښو خدمتونو په وړاندې کولو او د افغانستان او سعودي عربستان ترمنځ د اقتصادي اړیکو او ګډو همکاریو د پراختیا په اړه هم خبرې وکړې.

د اسلامي امارت ویاند مولوي ذبیح الله مجاهد وايي، د عالیقدر امیرالمؤمنین حفظه الله تعالی د حکم پر اساس، د پکتیا ولایت مخکنی والي ملا مهرالله حماد، د پکتیکا ولایت د والي په توګه او د پکتیکا ولایت مخکنی والي ملا عبد الخالق عابد د پکتیا ولایت د والي په توګه وټاکل شول.

د کابل او یو شمېر ولایتونو د هوا حالات.

د نن چهارشنبې ورځې نېټه!

د ایران او عمان د بهرنیو چارو وزیرانو د سیمه‌ییزو بدلونونو په اړه ټلیفوني خبرې کړي

د ایران د بهرنیو چارو وزیر سید عباس عراقچي او د عمان د بهرنیو چارو وزیر سید بدر البوسعیدي په ټلیفوني اړیکه کې د سیمې د وروستیو بدلونونو په ځانګړې توګه د یمن د وضعیت په اړه ټلیفوني خبرې کړي.

تسنیم خبري اژانس ویلي، چې دواړو لوریو په سیمه کې د سولې او ثبات د تامین پر لارو چارو خبرې کړې دي.

د اوسپنې پټلۍ ادارې عمومي رییس مولوي عبدالکریم فاتح، د یوه تخنیکي پلاوي په مشرۍ د اقتصادي همکارۍ سازمان (ایکو) په سیمه‌ییزه غونډه کې د ګډون په موخه قزاقستان ته سفر وکړ.

د ټولګټو وزارت ویاند محمد اشرف حق‌شناس وایي، چې ښاغلی فاتح به په دې غونډه کې د افغانستان د اوسپنې پټلۍ د اوسني وضعیت، روانو پروژو او راتلونکو پلانونو په اړه معلومات وړاندې کړي او د سیمه‌ییز نښلون، سوداګرۍ، ترانزیټ او اقتصادي همکاریو د پراختیا په اړه به د غړو هېوادونو له استازو سره خبرې وکړي.

پاکستاني پوځيانو د عمران خان په ملاتړو لاریون کوونکو ډزې کړي


تحریک انصاف ګوند (PTI) پر لاریون کوونکو د برید ویډيوګانې خپرې کړي او ویلي یې دي، چې په دغو ډزو کې لسګونه کسانو ته مرګ ژوبله اوښتې ده.

د زابل ولایت په ښارجوی سیمه کې د یوه ښوونځي زده‌کوونکي، چې له کلونو راهیسې تر شنه اسمان لاندې زده‌کړې کوي له معیاري ټولګیو برخمنېږي.

یوه بشرپاله خیریه بنسټ دغو زده‌کوونکو ته د ښوونځي ودانۍ د جوړلو هوډ کړی.

په دغه ښوونځي کې شاوخوا ۳۰۰ زده‌کوونکي په زده‌کړو بوخت دي، چې له ډېرې مودې راهیسې د ټولګیو نشتون سربېره له نورو بېلابېلو ستونزو سره مخ دي.

نه بښل کېدونکی جنایت | مستند
د هلمند د صفار سیمې اوسېدونکی شېر علي وایي، چې پر ملکي وګړو د پاکستان بریدونه په هر قانون کې د غندنې وړ دي.

بشپړ مستند⬇️
https://youtu.be/1kzM5KBFAv4

نه بښل کېدونکی جنایت | مستند
د هلمند د صفار سیمې اوسېدونکی عبدالخالق وایي، چې پاکستان به د هر وحشت بدل ضرور ویني.

بشپړ مستند⬇️
https://youtu.be/1kzM5KBFAv4

ن چهارشنبه د کابل په بازارونو کې افغانۍ د ځینو بهرنیو اسعارو پر وړاندې په دې ډول بدلېږي.

د عراق لومړي وزیر علي الزیدي سعودي عربستان ته سفر کړی.

د لبنان الاخبار ورځپاڼې د دغه سفر موخه د عراق د امنیتي او اقتصادي مسایلو او د سیمه‌ییزو بدلونونو څېړنه ښودلې ده.

دغه سفر داسې مهال ترسره کېږي چې په سیمه کې امنیتي کړکېچونه او د بغداد او ریاض ترمنځ وروستي اختلافونه دوام لري.

تېره ورځ (سې‌شنبه، د تلې ۲۱مه) ۲۳۳ افغان کډوال له پاکستان او ۴۶۵ له ایران څخه هېواد ته راستانه شوي دي.

د عامې روغتیا د وزیر مولوي نور جلال جلالي له لوري د ۷۷ میلیونه افغانیو په ارزښت د پکتیا ولایت، د سیدکرم ولسوالۍ د روغتون نیمګړې چارې بیا پیل شوې.
ورته مهال د ۲۷.۵ میلیونه افغانیو په لګښت د یاد ولایت د حوزوي روغتون د جدي پاملرنې(ICU) او د خوارځواکۍ د درملنې څانګې هم ګټې اخیستنې ته سپارل شوي دي.

د ټولګټو چارو وزارت ویاند محمد اشرف حق‌شناس وايي، د پلخمري ــ کندوز لویې لارې د ترمیم چارې د ۱۷ میلیونه افغانیو په ارزښت پیل شوې.
د حق شناس په وینا، هم مهاله د پلخمري ــ دوشي لویې لارې اړوند د کفترخانې په سیمه کې د دوه میلیونه افغانیو په لګښت د استنادي دېوالونو د جوړولو چارې هم پیل شوې دي.

لنډ خبرونه| ۱۴۰۵/۰۷/۲۲
د افغانستان د اوسپنې پټلۍ ادارې عمومي رئیس د یوې تخنیکي ډلې په مشرۍ د اقتصادي همکاریو سازمان په سیمه‌ییزه غونډه کې د ګډون په موخه قزاقستان ته لاړ.

د لوړو زده کړو وزیر شیخ نداء محمد ندیم هلمند ولایت ته د خپل رسمي سفر پر مهال، په هلمند پوهنتون کې د تدریسي روغتون د جوړولو پروژه پرانیسته.
د لوړو زده‌کړو وزارت وايي، دغه ۲۰۰ بستریز تدریسي روغتون، د ۲۱۴ میلیونه افغانیو په لګښت، پر ۱۲ زره متره مربع ځمکه جوړیږي.
په دغه تدریسي روغتون کې د عاجلو، سراپا، ارتوپیدي، جراحي، سترګو، عقلي او عصبي، ماشومانو او نسایي ولادي څانګو جوړول په پام کې نیول شوي دي.

د ننګرهار یو شمېر اوسېدونکي د واخان له لارې له چین سره د افغانستان پر نښلېدو خوښ دي، دوی وايي یاد دهلیز به د هېواد په اقتصادي وده کې مهم رول ولوبوي.

د افغانستان والیبال غوره لیګ پنځم پړاو سیالیو د پیل مراسمو کې د راډیو عمومي ریاست مرستیال مولوي ضیاءالحق حقمل وویل، چې اسلامي امارت د نورو برخو تر څنګ په ورزش برخه کې هم ګنې لاسته راوړنې لري.

د افغانستان والیبال غوره لیګ پنځم پړاو سیالیو د پیل مراسمو کې د المپیک، بدني روزنې او ورزش عمومي رییس مولوي احمدالله وثیق وویل، چې اوس مهال په هېواد کې د ورزش برخې ته تر بل هر وخت زیاته پاملرنه شوې ده.